मर्कुस 1:1 - बान्‍तावा राई

¹ निनाम्‍हाङ्‌ओ अ़चुछा येसु ख्रिस्‍तओ अ़चुतुक्‌वादा नुय़ङ्‌खान पुङ्‌माय़ङ।

मर्कुस 1:1 ပူးပေါင်းရင်းမြစ်များ

मत्‍ति 14:33

खोन्‍किना नावादा म़याआङाओ अ़चुकाखेङ्‌पाचिआ खोक्‍कोएदा बोम्‍नान्‍चिन्‍सा अ़लोवा, “अ़नुछ्‍या खानानिन निनाम्‍हाङ्‌ओ अ़चुछा त़मुन्‌येन!”

मत्‍ति 17:5

पत्रुस चेवाङाहिदाङा, छोक्‍छोक्‍छोक्‌वाओ य़वारिआ मोचि भुक्‍तुखात्‍तुचि, खोन्‍कि मो य़वारिदाङ्‌का अ़क्‌तात य़ङ ता, “ओक्‍को सोमातुक्‍तुङ्‌योङ्‌ओ अ़ङ्‌छा ओ, खोक्‍कोएदा च़लोक अ़ङ्‌ऩङानुवायुङ्‌सा। खोक्‍कोसाआ ऩलोन्‌ओ एनानुम!”

मत्‍ति 3:17

मोन्‍ग़रि निनाम्‍मादुङ्‌का ओवाको य़ङ ता, “ओक्‍को अ़ङ्‌का सोमातुक्‍तुङ्‌योङ्‌ओ अ़ङ्‌छा ओ, खोक्‍कोएदा अ़न्‍नुनु अ़ङ्‌ऩङानुयाङ।”

मत्‍ति 4:3

खोन्‍कि काधान्‌आ खोक्‍कोएदा ताकिना लो, “खानानिन निनाम्‍हाङ्‌ओ अ़चुछाङा त़युङिन्‌येन्‌नालो ओ लुङ्‌चि पेम्‍पाक म़लिनेनि लोवानुम्‍च़म।”

लुका 1:35

निनाम्‍हाङ काफाआ लो, “सेङ्‌लावा खानाएदा म़ता। झारादाङ्‌का तोक्‍पो निनाम्‍हाङ्‌ओ अ़चुसावा खानाएदा छुक। खोन्‌ओसा पुक्‍नान्‍चिन्‌ओ नुनु सेङ्‌लो लि, खोन्‍कि खोक्‍को निनाम्‍हाङ्‌ओ अ़चुछानि अ़लो।

युहन्‍ना 1:14

मो य़ङ पोक लिसाकि आन्‍रादा म़याआ। युहन्‍नाआ खोक्‍कोसोओ अ़चुतुक्‌वादा सालुम्‍स़ङ प़याङ्‌सा म़लोचि, “साङ्‌कोओ अ़चुतुक्‌वादा अ़ङ्‌का खानानिन लोनानिन, खोक्‍को ओङा ओ, अ़ङ्‌कादाङ्‌का आदेङ म़ताओ तोक्‍पो म़मुयाङ, देकिनालो खोक्‍को अ़ङ्‌कादाङ्‌का बुयाङा म़युङाङा।” आन्‍कान्‍का खोक्‍कोसोओ अ़चुसाम खाम्‌युङ्‌सुम्‍का। खोक्‍को निनाम्‍हाङ पापाओ अ़क्‍छा ओन्‍ङा अ़चुछा खान्‍तुलो तोक्‍पो म़मुवाङा। मो य़ङ सोम्‍तुक्‍मायु खोन्‍कि अ़छ़ङ्‌आ भेप्‍तुओ म़मुवाङा।

युहन्‍ना 1:34

अ़ङ्‌का आप्‍पि सेङ्‌लावा म़धाओ खाङ्‌युङ्‌सुङ, खोन्‍कि सालुम्‍स़ङ प़ङ्‌योङ, निनाम्‍हाङ्‌ओ अ़चुछा खोक्‍कोङा ओ।”

युहन्‍ना 1:49

नथानेल्‌आ खोक्‍को लासुलो, “रब्‍बि, खानानिन निनाम्‍हाङ्‌ओ अ़चुछा ओ, खानानिन इस्राएल्‌दाओ हाङ ओ।”

युहन्‍ना 20:31

मेन ओ य़ङ्‌चि म़छाप्‍तायुङ्‌सा खोन्‌ओसा खानानिन्‌आ येसु निनाम्‍हाङ्‌ओ अ़चुछा ख्रिस्‍तओ निकिना साकोङ्‌छ़ङ मुवानिन, खोन्‍कि साकोङ्‌छ़ङ्‌लाम्‍पा खोक्‍कोसोओ अ़चुपाङ्‌दा खानानिन ह़ङ्‌म़ङ तोक्‍तानुम।

युहन्‍ना 3:16

निनाम्‍हाङ्‌आ हेन्‍खामा ओवात्‍नि सोमाअ़तुक्‍ता, खोक्‍कोसाआ आप्‍पिओ अ़क्‍छा ओन्‍ङा ओ अ़चुछा म़पुवा, खोन्‍कि खोक्‍कोएदा साकोङ्‌छ़ङ कामु साङ्‌छाङ अ़स़निन्‍ने, मेन मोसाआ अ़लुक्‍निन्‌ओ ह़ङ्‌म़ङ तोक्‍तुने।

युहन्‍ना 6:69

खोन्‍कि आन्‍कान्‍का साकोङ्‌छ़ङ मुनियुङ्‌नि खोन्‍कि सिन्‍नियुङ्‌नि, खानानिन निनाम्‍हाङ्‌ओ त़सेङिन्‌येन्‌ओ अ़चुम़ना ओ।”

छाम्‍माय़ङ 13:24

येसु तामा बुया, युहन्‍नाआ झारा इस्राएल्‌दाओ म़नाचि ‘हेवा मुमा छिरानुम्‌कि निनाम्‍हाङ्‌एदा लासानिन, खोन्‍कि बप्‍तिस्‍मा लोआनिन’नि खाएत्‍तुचि।

रोमि 8:3

आन्‍को हेवामि आन्‍मित्‍माचि मान्‍ऱकादा म़लिसाओसा य़ङ्‌हुप्‌आ दि मुमा मान्‍ऱदो, मो निनाम्‍हाङ्‌आ अ़मुवा। निनाम्‍हाङ्‌आ आप्‍पिओ अ़चुछा अ़याङाकि आन्‍कान्‌वाको हेवामिचिओ आन्‍हेवाचिओ निम्‍पाङ हेन्‍खोक्‌वा अ़पुवाकि हेवाओ अ़क़म्‍मा आन्‍कान्‌एदाङ्‌का अ़लुक्‍ता।

रोमि 8:32

निनाम्‍हाङ्‌आ आप्‍पिओ अ़चुछा मान्‍लेत्‌अ़दा, मेन आन्‍कान झारासोओ निम्‍पाङ अ़चुछा म़पुवालावा। दि खोक्‍कोसाआ आन्‍कान म़हिप्‍ताओ झारा सामाचिछाङ अ़चुछाएनान अ़क्‍नि म़प़निन कि?