मत्‍ति 9:20 - बान्‍तावा राई

²⁰ मोन्‍ग़रि बारकादोङ बुयादाङ्‌का ह़ सोन्‍मायुङ्‌मा सारिमाआ लाउओ अ़क्‍छा मेत्‍छामाआ अ़चुदेङ्‌याङ्‌का ताकि येसुओ अ़चुतित्‌ओ अ़चोम्‌दा नोप्‍तु।

मत्‍ति 9:20 ပူးပေါင်းရင်းမြစ်များ

मत्‍ति 14:36

खोन्‍कि मोचिआ येसुओ अ़चुतित्‌ओ अ़चोम ओन्‍ङानुछाङ नोप्‍मा प़निनि खोक्‍को अ़लोवा, खोन्‍कि देम्‍पाङ्‌साआ अ़चुतित अ़नोप्‍ता, मोचि झारा म़नुवा।

मत्‍ति 23:5

मेन मोचिओ झारा अ़चुकाचि म़नाचि खाङ्‌मेत्‍मा निम्‍पाङ म़मु। देकिनालो मोचिओ अ़चुत़ऱबुप खोन्‍कि धिछुक्‌दाओ य़ङ्‌हुप छाप्‍लावा अ़धिवा अ़मु, खोन्‍कि अ़चुतित्‌चिओ झुम्‌युक्‌वाचि म़किसुचि।

मत्‍ति 9:19

येसु म़पुवालोन्‍ताकि याइरस्‌एनान म़खारा, खोन्‍कि अ़चुकाखेङ्‌चिआछाङ म़त़ङ्‌तुचि।

मर्कुस 6:56

खोन्‍कि येसु खा-खाक्‍को तेन्‍चिदा, सहराचिदा, कुय़ङ्‌चिदा म़खारा, म़नाचिआ कातुक्‌चि बजारा-बजारादा अ़युक्‍ताङा, खोन्‍कि मोचिआ येसुओ अ़चुतित्‌ओ अ़चोम ओन्‍ङानुछाङ नोप्‍मा प़निनि खोक्‍को अ़लोवा, खोन्‍कि देम्‍पाङ्‌साआ अ़चुतित अ़नोप्‍ता मोचि झारा म़नुवा।

मर्कुस 8:22

येसु अ़चुकाखेङ्‌पाचिएनान बेथसेदादा म़ताला, खोन्‍कि म़नाचिआ अ़क्‍छा दोप्‍म़क म़ना खोक्‍कोएदा अ़तारा, खोन्‍कि मोचिआ “ओ नोप्‍तानुसानुम”नि खोक्‍को अ़लोवा।

छाम्‍माय़ङ 19:12

खोन्‌ओसा पावल्‌आ याङुचिओ अ़मुन्‍जेत्‌चि माङ्‌लो अ़बुदा लेम्‍खातित म़नाचिआ म़खात्‍तुचिकि कातुक्‌चिएदा म़युक्‍तुङुचि। खोन्‍कि कातुक्‌चि अ़चुसारिमाचिदाङ्‌का म़नुवाङा, खोन्‍कि चाकावालावाचिछाङ मोचिएदाङ्‌का म़लोन्‍ताखाराङा।

छाम्‍माय़ङ 5:15

छाम्‍माय़ङ्‌चिआ म़दोम्‍दाओ काचिचि म़मुङुचिओसा म़नाचिआ कातुक्‌चि मुलो लाम्‌चिदा म़तारुचिकि पत्रुस बान्‌याङ्‌हिदा अ़लावाछामित ओन्‍ङानुछाङ मोचिएदा छुक्‌कि म़नुने निकिना अ़चुइम्‍खाचिदा खोन्‍कि फेङ्‌लाचिदा म़युङ्‌सुदोङुचि।