मत्‍ति 9:13 - बान्‍तावा राई

¹³ मेन खारानिन खोन्‍कि ओसोओ अ़तुप्‍माय़ङ दि ओ चिन्‍तानिन्‍चिन: ‘अ़ङ्‌का हेन्‍खोक्‌वा माआङ, सोम्‌योक्‍मा अ़ङ्‌ऩङानु।’ देकिनालो अ़ङ्‌का साम्‌योक्‍मिचि माआङ, मेन हेवामिचि बुत्‍सि ताङ्‌ओ।”

मत्‍ति 9:13 ပူးပေါင်းရင်းမြစ်များ

मत्‍ति 12:3

मेन खोक्‍कोसाआ मोचि म़लासुलोचि, “आराङ्‌ओ दाउद हाङ खोन्‍कि खोसोओ अ़यावाचि साम़सुवाङाओ ग़रि खो दे चुवा? दि खानानिन्‌आ साम्‍कालिन्‌दा मान्‍खिप्‍त़युक्‍तुम?

मत्‍ति 12:5

माङ्‌लो दि खानानिन्‌आ मोसाओ अ़य़ङ्‌हुप्‌दा मान्‍खिप्‍त़युक्‍तुम? मोवात्‍नि निनाम्‍हाङ काब़क्‍पाचिआ सावातोम्‍खा-लेन निनाम्‍हाङ ब़क्‍खाखिम्‌दा काचि म़मुकि अ़पोप्‌नुछाङ मान्‍फिकादा म़कान।

मत्‍ति 12:7

मेन ‘अ़ङ्‌का हेन्‍खोक्‌वा माआङ, सोम्‍तुक्‍माय़ङ अ़ङ्‌ऩङानु’निओ अ़तुप्‍माय़ङ दि ओ, मो खानानिन्‌आ त़सिन्‍तुम्‌ओदे खानानिन्‌आ मान्‍फिकादा लाहि मान्‍पाक्‍त़दोम्‌ओ।

मत्‍ति 19:4

खोक्‍कोसाआ म़लासुलोचि, “खानानिन्‌आ साम्‍कालिन्‌दा मान्‍खिप्‍त़युक्‍तुम? ‘अ़पुङ्‌चिपुक्‌दाङ्‌काङा निनाम्‍हाङ्‌आ दुवाछा खोन्‍कि मेत्‍छाछा म़मुयुचि,

मत्‍ति 21:42

येसुआ मोचि म़सेनुचि, “साम्‍कालिन्‌दा छाप्‌याङ्‌ओ ओ य़ङ खानानिन्‌आ मान्‍खिप्‍त़युक्‍तुम? ‘खिम कामुचिआ अ़काचि मात्‍द़ङ्‌ओ निकिना ऩङाअ़छिराओ लुङ्‌ताक, मो खुचुरोङ्‌दाओ मुलो लुङ्‌ताक म़लिसायुङ्‌सा। ओ हाङ्‌पाआ अ़मुवाओ, खोन्‍कि ओ आन्‍खाङ्‌मादा म़दोम्‍दाओ मुयाङ!’

मत्‍ति 3:2

“निनाम्‍हाङ्‌एदा लासानिन, देकिनालो निनाम्‍हाङ्‌होन च़क्‌दा तायुङ्‌सा।”

मत्‍ति 3:8

खानानिन्‌आ अ़नुछ्‍याङा हेवा त़छिरुम्‌निओ य़ङ आम्‍नुओ काचिसिवालाम्‍पा खाङ्‌मुसानुम।

मत्‍ति 4:17

मोन्‍ग़रिदाङ्‌का येसुआ नुय़ङ्‌खान खालुमा अ़पुङ्‌सा, “निनाम्‍हाङ्‌एदा लासानिन, देकिनालो निनाम्‍हाङ्‌होन च़क्‌दा तायुङ्‌सा।”

मर्कुस 12:26

म़सुवादाओचिओ अ़चुलामाखोन्‍मालोन्‍माओ अ़तुक्‌वादा दि खानानिन्‌आ स़ङ्‌फोम्‍सुवादा लेराङाओ दोय़ङ्‌लाओ अ़तुक्‌वादा निनाम्‍हाङ्‌य़ङ खाकालु मोसाओ अ़छाप्‍लाखादा खानानिन्‌आ मान्‍खिप्‍त़युक्‍तुम? निनाम्‍हाङ्‌आ मोसा अ़लोवा, ‘अ़ङ्‌का अब्राहाम्‌ओ अ़निनाम्‍हाङ, इसहाक्‌ओ अ़निनाम्‍हाङ खोन्‍कि याकुब्‌ओ अ़निनाम्‍हाङ ओ।’

मर्कुस 12:33

खोन्‍कि खोक्‍को झारा आम्‍साकोङ्‌वाआ, झारा आम्‍खारुआ, खोन्‍कि झारा आम्‍सावाआ सोमातुक्‍तु, खोन्‍कि खाना आम्‍तेन्‍पाङ आप्‍पिवाङा सोमातुक्‍मानिओ ना झारा होमा हेन्‍खोक्‌वाचि खोन्‍कि हेन्‍खोक्‌वाचिदाङ्‌काछाङ अ़न्‍नुनु अ़च़वाङ ओ।”

मर्कुस 2:17

ओ अ़एनाकि येसुआ मोचि म़लोचि, “म़नुयाङ्‌ओ म़नाचि ओक्‍तोकामेत अ़दोत्‍निन, मेन कातुक्‌चि ओन्‍ङा दोत। अ़ङ्‌का साम्‌योक्‍मिचि माआङ, मेन हेवामिचि बुत्‍सि ताङ्‌ओ।”

लुका 10:26

येसुआ मो अ़लोवा, “मोसाओ अ़य़ङ्‌हुप्‌दा दि छाप्‍तायुङ्‌सा? खाना दि त़खिप्‍तु?”

लुका 19:10

अ़ङ्‌का म़नाओ अ़छा ना म़माखाराओचि लाम्‍सि खोन्‍कि लेइसि ताङ्‌ओ।”

लुका 24:47

खोन्‍कि ‘देत्‍नि हेवादाङ्‌का लामाकि हेवा लेत्‍माय़ङ तोक्‍तिन’निओ य़ङ यरुसलेम्‌दाङ्‌का पुङ्‌किना झाराकारावाचितारि ख्रिस्‍तओ अ़चुऩङ्‌दा खालुमादोत।

लुका 5:31

येसुआ मोचि म़लासुलोचि, “म़नुयाङ्‌ओ म़नाचि ओक्‍तोकामेत अ़दोत्‍निन, मेन कातुक्‌चि ओन्‍ङा दोत।

लुका 5:32

अ़ङ्‌का साम्‌योक्‍मिचि माआङ, मेन हेवामिचि लामाचि निम्‍पाङ बुत्‍सि ताङ्‌ओ।”

युहन्‍ना 10:34

येसुआ मोचि म़लोचि, “दि निनाम्‍हाङ्‌आ आम्‍नुओ य़ङ्‌हुप्‌दा ‘अ़ङ्‌का य़ङाङ, खानानिन माङ्‌चि ओ’नि मान्‍छाप्‌युक्‍तु कि?

छाम्‍माय़ङ 11:18

ओ य़ङ अ़एनाकि मोचि वाइवेत म़लिसा, खोन्‍कि निनाम्‍हाङ्‌ओ अ़चुऩङ लोङ्‌याङ्‌सा, “हान निरावाचिछाङ अ़चुहेवादाङ्‌का लामाकिना म़ह़ङ्‌ने निम्‍पाङ अ़वाखाम निनाम्‍हाङ्‌आ म़प़युङ्‌सुचि”नि म़य़ङा।

छाम्‍माय़ङ 2:38

खोन्‍कि पत्रुस्‌आ मोचि लासुलोचि, “खानानिन झारा आम्‍नुओ हेवाचिदाङ्‌का लासानिन्‌कि येसु ख्रिस्‍तओ अ़चुऩङ्‌दा बप्‍तिस्‍मा लोआनिन, खोन्‍कि आम्‍नुओ हेवाचि लेत्‍लुवानिन। खोन्‍नालो सेङ्‌लावा मोहाङा त़तोक्‍तुम।

छाम्‍माय़ङ 20:21

यहुदिचि खोन्‍कि ग्रिक्‌चि अ़चुहेवादाङ्‌का निनाम्‍हाङ्‌एदा लामादोत, खोन्‍कि आन्‍हाङ्‌पा येसुएदा साकोङ्‌छ़ङ मुमादोत्‌निओसो अ़तुक्‌वादा अ़ङ्‌का खालुसुङ्‌युङ्‌सुङ।

छाम्‍माय़ङ 3:19

खोन्‌ओसा हेवा मुमा छिरानुम्‌कि निनाम्‍हाङ्‌एदा लासानिन, खोन्‍किना निनाम्‍हाङ्‌आ आम्‍नुओ हेवाचि ऩलेत्‍तिन्‍प़न।

छाम्‍माय़ङ 5:31

खोन्‍किना इस्राएलिचिआ हेवा मुमा अ़छित्‌कि अ़चुहेवा लेत्‍मा अ़तोक्‍ने निकिना निनाम्‍हाङ्‌आ खोक्‍को अ़चुचुप्‍ताङ्‌छुक्‌लिप्‍पा अ़झोइसाकि हाङ खोन्‍कि कालेन्‍पा अ़मुवा।

२ पत्रुस 3:9

खोक्‍कोसोओ अ़चुहिप्‍माय़ङ्‌ओ अ़तुक्‌वादा स़लेनि म़च़नि खा-खाक्‍कोचि म़य़ङ्‌नुछाङ खोक्‍को स़लेनि ऩच़निन। मेन साङ्‌छाङ ऩलुक्‍निन्‍ने, मेन झाराकापाङ्‌आ हेवा मुमा अ़छित्‍नेनि म़मिन्‌कि खोक्‍कोसाआ खानानिन ऩहुङिन्‌येन।