मत्‍ति 8:16 - बान्‍तावा राई

¹⁶ खोन्‍किना मो अ़नाम्‍प़क, म़नाचिआ येसुएदा ब़द्‍धेकापाङ चाकावालावाआ लाउचिओ म़नाचि म़तारुचि। खोन्‍कि येसुआ अ़चुलोमाय़ङ्‌लाम्‍पा चाकावालावाचि म़लोइसुखाइसुचि, खोन्‍कि झारा कातुक्‌चि म़नुसुचि।

मत्‍ति 8:16 ပူးပေါင်းရင်းမြစ်များ

मत्‍ति 12:22

खोन्‍किना म़नाचिआ खोक्‍कोएदा चाकावालावाआ लाउओ अ़क्‍छा दोप्‍म़क अ़तारा। मो म़ना क़वा मुवाङा। येसुआ मो अ़नुसा। मो क़वा म़ना चेवा खोन्‍कि खाकाखाङ लिसा।

मत्‍ति 14:14

धियाङ्‌वामाओ अ़केम्‌दा नावादाङ्‌का म़धान्‍तान्‍चिन्‌हिदा मो म़ना मुक्‍लाचि येसुआ म़खाचिकि खोक्‍कोसाआ मोचि सोम्‌योक्‍तुचि, खोन्‍कि मोचिएदाओ कातुक्‌चि म़नुसुचि।

मत्‍ति 8:15

येसुआ मोसोओ अ़छुक अ़नोप्‍ता, खोन्‍कि मो माङ्‌धिन्‌आ लेरु, खोन्‍किना मो पुवालोन्‍ताकि खोक्‍को ब़रु।

मत्‍ति 8:33

मो भाक काचान्‌चि सहरादा म़फुङ्‌साखारा खोन्‍कि चाकावालावाआ लाउचिओ म़नाचि खोन्‍कि मोदा झारा दे लिसायुङ्‌साओ मो झारा खाम़एत्‍तुचि।

मत्‍ति 9:2

अ़क्‍चित्‌कापाङ म़नाचिआ ख़न्‍माखात्‍मा सारिमाआ लाउओ अ़क्‍छा म़ना अ़इम्‍खाएनान खोक्‍कोएदा अ़खुयातारा। येसुआ मोचिओ अ़चुसाकोङ्‌छ़ङ अ़खाकि ख़न्‍माखात्‍मा सारिमाआ लाउओ म़ना अ़लोवा, “अ़ङ्‌छाओ, राक मुवा! अ़ङ्‌का आम्‍हेवाचि लेत्‍नायुङ्‌ना।”

मर्कुस 2:3

खोन्‍कि चारकापाङ म़नाचिआ ख़न्‍माखात्‍मा सारिमाआ लाउओ अ़क्‍छा म़ना अ़इम्‍खाएनान अ़खुयातारा।

मर्कुस 5:8

देकिनालो येसुआ मो चाकावालावा बुया अ़लोवायुङ्‌सा, “मो म़नाएदाङ्‌का लोन्‍ताखारा!”

मर्कुस 9:25

येसुआ म़ना मुक्‍ला म़कोवान्‌यान्‍चिन्‌ओ म़खाचिकि खोक्‍कोसाआ पोप्‍ताओ लावा अ़रेन्‍ता, “भोवा खोन्‍कि खामान्‌एन्‍कादा कामु चाकावालावा, अ़ङ्‌का खाना लोना, ओ छाएदाङ्‌का लोन्‍ताखारा, खोन्‍कि ओएदा देम्‍खाछाङ मान्‍लावाङ्‌दा।”

लुका 13:12

येसुआ मो मेत्‍छामा अ़खाकि अ़चुबुदा अ़बुत्‍ता, खोन्‍कि खो अ़लोवा, “आनो, खाना आम्‍सारिमादाङ्‌का त़नुवा।”

लुका 4:40

नाम लुन्‍माखात्‍मा मुवाङाहिदा म़नाचिआ झारा कातुक्‌चि येसुएदा म़तारुचि। येसुआ मोचि अ़क्‍छा-अ़क्‍छाएदा अ़चुछुक युङ्‌याङ्‌सा म़नुसुचि।

लुका 4:41

चाकावालावाचिछाङ “खानानिन निनाम्‍हाङ्‌ओ अ़छा त़युङिन्‌येन!”निकिना पात्‌याङ्‌सा ब़द्‍धेकापाङ्‌दाङ्‌का म़लोन्‍ता। मेन येसुआ मो चाकावालावाचि म़रेन्‍तुचिकि चेप्‍मा मान्‍प़म़दोचि। देकिनालो खोक्‍को ख्रिस्‍त म़युङ्‌याङ निकिना मो चाकावालावाचिआ अ़सिन्‍ताङा।

छाम्‍माय़ङ 5:15

छाम्‍माय़ङ्‌चिआ म़दोम्‍दाओ काचिचि म़मुङुचिओसा म़नाचिआ कातुक्‌चि मुलो लाम्‌चिदा म़तारुचिकि पत्रुस बान्‌याङ्‌हिदा अ़लावाछामित ओन्‍ङानुछाङ मोचिएदा छुक्‌कि म़नुने निकिना अ़चुइम्‍खाचिदा खोन्‍कि फेङ्‌लाचिदा म़युङ्‌सुदोङुचि।