मत्‍ति 8:12 - बान्‍तावा राई

¹² मेन मो हाङ्‌होन्‍दाओ अ़चुछाचि बुङ्‌खायाओ कुन्‌यामादा निनाम्‍हाङ्‌आ म़वेत्‍तुखाइसुचि। मोदा म़नाचि म़खाप खोन्‍कि अ़चुक़ङ अ़ऱक।”

मत्‍ति 8:12 ပူးပေါင်းရင်းမြစ်များ

मत्‍ति 13:38

व़क हेन्‍खामा ओ, खोन्‍कि अ़नुवाक बिउ निनाम्‍हाङ्‌होन्‌दाओ अ़चुछाचि ओ, खोन्‍कि सामा सैतानाओ अ़छाचि ओ।

मत्‍ति 13:42

खोन्‍कि मोचि मिराक्‌दा म़वेइसुदिसुचि। मोदा म़नाचि म़खाप खोन्‍कि अ़चुक़ङ अ़ऱक।

मत्‍ति 13:50

खोन्‍कि मोचि मिराक्‌दा म़वेइसुदिसुचि। मोदा म़नाचि म़खाप, खोन्‍कि अ़चुक़ङ अ़ऱक।”

मत्‍ति 21:43

खोन्‌ओसा अ़ङ्‌का खानानिन लोनानिन, निनाम्‍हाङ्‌ओ अ़चुहाङ्‌होन खानानिन्‌एदाङ्‌का ङाप, खोन्‍कि अ़क्‌तात ओवाको रावा प़, साङ्‌आ नुलोक अ़सिवा सिसु।

मत्‍ति 24:51

खोन्‍कि अ़हाङ्‌पाआ मो चाअ़त्‍लो दन्‍दा प़, खोन्‍कि मो कोङ्‌क़त्‌वाचिओ अ़चुरादा वेइसुदिसु। मोदा म़नाचि म़खाप, खोन्‍कि अ़चुक़ङ अ़ऱक।”

मत्‍ति 25:30

मो अ़काचि मात्‍द़ङ्‌ओ हारुक बुङ्‌खायाओ कुन्‌यामादा वेइसालोइसानुम, मोदा खो खाप खोन्‍कि अ़क़ङ ऱउ।’

लुका 13:28

अब्राहाम, इसहाक, याकुब खोन्‍कि झारा निनाम्‍हाङ्‌य़ङ खाकालुचि निनाम्‍हाङ्‌ओ अ़चुहाङ्‌होन्‌दा म़युङ्‌याङ्‌ओ, मेन खानानिन बुङ्‌खाया ऩवेइसिन्‍लोइसिन्‌ओ त़खान्‍चिन। मोदा म़नाचि म़खाप खोन्‍कि अ़चुक़ङ अ़ऱक

छाम्‍माय़ङ 3:25

खानानिन निनाम्‍हाङ्‌य़ङ खाकालुचिओ अ़चुछाचि ओ, खोन्‍कि निनाम्‍हाङ्‌आ आम्‍नुओ सुन्‍तुम्‌चिएनान अ़मुवाओ हिप्‍माय़ङ खानानिन्‌एदाछाङ अ़ताला। देकिनालो निनाम्‍हाङ्‌आ अब्राहाम लो, ‘अ़ङ्‌का ओ हेन्‍खामादाओ झारा म़नाचि आम्‍छाचिलाम्‍पा आसिखा प़ङ्‌च़ङ।’

रोमि 9:4

मोचि इस्राएलिचि ओ, खोन्‍कि मोचि निनाम्‍हाङ्‌आ म़छेन्‍तुचिओ अ़चुतात्‍मा छाचि ओ। निनाम्‍हाङ्‌आ मोचि खोक्‍कोसोओ अ़चुसाम खाङ्‌म़मेत्‍तुचि। खोक्‍कोसाआ मोचि अ़छ़ङ म़हिप्‍तुचि, खोन्‍कि य़ङ्‌हुप म़प़चि। खोक्‍कोसाआ खोक्‍को ब़क्‍मा खोन्‍कि हिप्‍माय़ङ्‌चि तोक्‍माओ अ़वाखाम म़प़चि।

२ पत्रुस 2:17

मोचि सिप्‍तुदोओ चाक्‌वाओ अ़लोन्‍खावा म़मुयाङ। मोचि कुह़क्‍माआ मुत्‍तुखात्‍तुओ य़वारिवाको म़मुयाङ। मोचिओ निम्‍पाङ निनाम्‍हाङ्‌आ कुन्‍चियाधेक्‍धेक्‌ओ कुन्‌यामा अ़च़क्‍तायुङ्‌सा।

२ पत्रुस 2:4

निनाम्‍हाङ काफाचि हेवा म़मुवाहिदा निनाम्‍हाङ्‌आ मोचि मान्‍लेत्‍म़दोचि, मेन मोचि सित्‍म़ङ्‌चि दुखा तोक्‍खायु म़वेइसुदिसुचि, खोन्‍कि छ़ङ्‌छेन्‍माओ लेन्‌तारिओ निम्‍पाङ हेन्‍खामा भेन्‌युओ कुन्‍चियाधेक्‍धेक्‌ओहुत्‌दा म़छ़सुयुङ्‌सुचि।

यहुदा 1:13

मोचि क़म्‍मा अ़ऱन्‍मिन्‌ओ धियाङ्‌वामाओ अ़लोङ्‌वात्‌वाकोचि ओ, मोचिआ लेजोकात्‌ओ अ़चुकाचिओ च़माथाङ्‌मा छोम्‍पुत्‍नुङ्‌वावा अ़लोन। ओचि म़हुलुक्‌ओ साङ्‌केन्‍माचिवा म़मुयाङ, मोचिओ निम्‍पाङ निनाम्‍हाङ्‌आ स़लावाचि दन्‍दा प़खा अ़लुक्‍निन्‌ओ कुन्‍चियाधेक्‍धेक्‌ओ कुन्‌यामा अ़च़क्‍तायुङ्‌सा।

खाङ्‌मुमा 22:15

मेन मो सहरा बुङ्‌खाया ना कुतिवाचि, म़क्‍फेङ कामुचि, पोप्‍कापोप कामुचि, म़ना कासेत्‌चि, सेम्‍पोक काब़क्‌चि खोन्‍कि सोज्‍जेओ ऩङाकानुचि खोन्‍कि मोवात्‍निङा काच़चि म़युङ।