मत्‍ति 8:10 - बान्‍तावा राई

¹⁰ खोसोओ अ़य़ङ अ़एनाकि येसु दोम्‍तुदो, खोन्‍कि खोक्‍को कात़ङ्‌चिएह्‍यात्‍नि म़हुसान्‍चिन्‌कि म़लोचि, “अ़नुछ्‍या, अ़ङ्‌का खानानिन लोनानिन, इस्राएल्‌दाओ साङ्‌एदाछाङ ओन तोक्‍पो साकोङ्‌छ़ङ अ़ङ्‌का मान्‍धित्‌युक्‍तुङ।

मत्‍ति 8:10 ပူးပေါင်းရင်းမြစ်များ

मत्‍ति 15:28

खोन्‍किना येसुआ मोसोओ अ़य़ङ अ़लासा, “मेत्‍छामा, आम्‍साकोङ्‌छ़ङ तोक्‍पो मुयाङ! खाना त़मिन्‌याङ्‌वा आम्‍को निम्‍पाङ मेत्‍प़।” मोसोओ अ़छा मेत्‍छाछा छा मोन्‍ग़रिङा नुवालावा।

मत्‍ति 8:11

अ़ङ्‌का खानानिन लोनाङ्‌नानिन, झारा हेन्‍खामादाओ बुसुहोन, देङ्‌सुहोन्‌याङ्‌का, धाउहोन, ह्‍युहोन्‌युङ्‌का म़नाचि म़ताकि अब्राहाम, इसहाक खोन्‍कि याकुब्‌एनान निनाम्‍हाङ्‌होन्‌दा खाबाचा चाखादा म़युङ।

मत्‍ति 8:9

अ़ङ्‌का सिन्‍तुङ्‌योङ देकिनालो अ़ङ्‌का आप्‍पिछाङ अ़ङ्‌छोङ्‌दुओ पाङ्‌यिचिओ अ़चुपाङ्‌दा याक्‍ङाङा, खोन्‍कि अ़ङ्‌पाङ्‌दा रात्‍खामिचि म़याक्‌याङ। अ़ङ्‌का अ़क्‍छा ‘खारा!’नि लोङ, खोन्‍कि मो खात, नि ‘बाना!’नि लोङ खोन्‍कि मो बान। अ़ङ्‌का अ़ङ्‌हारुक, ‘ओ मु!’नि लोङ, खोन्‍कि खोसाआ मो मु।”

मर्कुस 6:6

खोन्‍कि मोचिआ साकोङ्‌छ़ङ मान्‍मुअ़दाओ अ़खाकि येसु दोम्‍तुदो। खोन्‍किना खोक्‍को झारा तेन्‌चिदात्‍नि चिन्‌याङ्‌सा म़खाराङा।

लुका 5:20

मोचिओ अ़चुसाकोङ्‌छ़ङ अ़खाकि येसुआ मो अ़लोवा, “यावा, अ़ङ्‌का आम्‍हेवाचि लेत्‍नायुङ्‌ना।”

लुका 7:50

येसुआ मो मेत्‍छामा अ़लोवा, “खाना साकोङ्‌छ़ङ त़मुवाओसा निनाम्‍हाङ्‌आ खाना ऩलेइसायुङ्‌सा। हान मिन्‍राक मान्‍मुमाङ खारा।”

लुका 7:9

ओ अ़य़ङ अ़एनाकि येसु दोम्‍तुदो, खोन्‍कि खोक्‍को कात़ङ म़ना मुक्‍लाचिएह्‍यात्‍नि म़हुसान्‍चिन्‌कि म़लोचि, “अ़ङ्‌का खानानिन लोनानिन, इस्राएल्‌दाओ साङ्‌एदाछाङ ओन तोक्‍पो साकोङ्‌छ़ङ अ़ङ्‌का मान्‍धित्‌युक्‍तुङ।”

छाम्‍माय़ङ 2:7

मोचि अ़न्‍नुनु दोम्‍तुदोचिकि अ़क्‍छा निएदा सेन्‍कासेन म़मुवा, “दि ओ झारा काचेप म़नाचि गालिलिचि माआङ कि?