मत्‍ति 7:7 - बान्‍तावा राई

⁷ दोरानुम खोन्‍किना खानानिन्‌आ त़तोक्‍तुम, लामानुम खोन्‍कि खानानिन्‌आ त़धिरुम, मोआनुम खोन्‍कि आम्‍नुओ निम्‍पाङ लाप्‍तिखोप होत।

मत्‍ति 7:7 ပူးပေါင်းရင်းမြစ်များ

मत्‍ति 18:19

हान्‍छाङ अ़ङ्‌का खानानिन लोनानिन, हेन्‍खामादा आम्‍नुओ रादा ह़वाङ खाक्‍कोछाङ य़ङ्‌दा त़तोङिन्‌कि दिनुछाङ त़दोरुम्‌नालो मो निनाम्‍मादुओ अ़ङ्‌पापाआ आम्‍नुओ निम्‍पाङ ऩमेत्‍तिन्‍प़न।

मत्‍ति 21:22

साकोङ्‌छ़ङ त़मुन्‍कि खानानिन यात़मारिन खोन्‍कि दि त़दोरुम मो खानानिन त़तोक्‍तुम।”

मत्‍ति 6:33

खोन्‌ओसा बुया निनाम्‍हाङ्‌ओ अ़चुहाङ्‌होन खोन्‍कि खोक्‍कोसोओ अ़चुसाम्‌योक्‍मि लामानुम, खोन्‍नालो ओ झारा सामाचि निनाम्‍हाङ्‌आ खानानिन ऩतेप्‍तिन्‍प़न।

मत्‍ति 7:11

मोवात्‍नि खानानिन अ़अ़त्‍पा त़मुन्‌येन्‌नुछाङ आम्‍नुओ छाचि अ़नुवाक सामाचि प़मा त़लेसिन्‌येन्‌नालो आम्‍नुओ निनाम्‍मादुओ पापाआ खोक्‍कोएदा कादोत्‌चि देम च़लोक अ़नुवाक सामाचि म़प़चि?

मत्‍ति 7:8

देकिनालो साङ्‌आ दोरु, मोसाआ तोक्‍तु, खोन्‍कि साङ्‌आ लामु, मोसाआ धिरु, साङ्‌आ मोउ, खोन्‍कि मोसोओ निम्‍पाङ लाप्‍तिखोप होत।

मर्कुस 11:24

खोन्‌ओसा अ़ङ्‌का खानानिन लोनानिन खानानिन यात़मारिन खोन्‍कि दि त़दोरुम, मो तोक्‍तुङ्‌चिउङ निकिना साकोङ्‌छ़ङ मुवानिन, खोन्‍कि मो आम्‍नुओ निम्‍पाङ लिलाप।

लुका 13:25

खिम्‍हाङ्‌पा पुक्‍लोन्‌कि लाप्‍तिखोप छेक्‍तुचिउनालो खानानिन बुङ्‌खाया त़एविन्‍कि लाप्‍तिखोप मोक्‌याङ्‌सा, ‘हाङ्‌पो, आन्‍कान्‍का लाप्‍तिखोप होत्‍निप़नि!’नि य़ङ्‌मा त़पुङ्‌सुम। खोन्‍किना खोसाआ ऩलासिन्‍लोन, ‘खानानिन खादाङ्‌का त़तान्‌ओ, खानानिन साङ्‌चि ओ अ़ङ्‌का अ़सिन्‍नानिमिन।’

लुका 18:1

अ़चुकाखेङ्‌पाचि अ़धुन याम़मात्‌युङ्‌ने खोन्‍कि अ़चुमिन्‍मा अ़स़निन्‍ने निकिना येसुआ मोचि अ़क्‌तात दोय़ङ्‌ला खाम़एत्‍तुचि।

युहन्‍ना 15:16

अ़ङ्‌का खानानिन्‌आ मान्‍छेन्‍त़दाङ्‌ऩङ, मेन अ़ङ्‌का खानानिन छेन्‍नानिन खोन्‍कि खानानिन खात्‍मा छाम्‍नानिन। खानानिन खारानिन खोन्‍कि सिवा लिसानिन, खोन्‍कि आम्‍नुओ सिवा याक्‌युङ्‌ने। खोन्‍किना खानानिन्‌आ अ़ङ्‌पापा अ़ङ्‌ऩङ्‌दा दि त़दोत्‍तुम, खोक्‍कोसाआ खानानिन मो ऩप़न।

युहन्‍ना 15:7

खानानिन अ़ङ्‌काएदा त़याइन्‌कि अ़ङ्‌य़ङ खानानिन्‌एदा याक्‌नालो खानानिन दे त़मिनिन, मो दोरानुम, खोन्‍कि मो आम्‍नुओ निम्‍पाङ मु।

युहन्‍ना 4:10

येसुआ मो लासुलो, “खाना निनाम्‍हाङ्‌ओ अ़चुआसिखा खोन्‍कि खानाएदा चाक्‌वा कादोत म़ना साङ्‍ओ निकिना त़सिन्‍तुओदे खाना खोक्‍को त़दोत्‍तुओ खोन्‍कि खोक्‍कोसाआ खाना ह़ङ्‌म़ङ्‌ओ चाक्‌वा त़पुवाओ।”

रोमि 2:7

हुङ्‌याङ्‌सा अ़नुवाक काचि मुयाङ्‌सा साऩङ्‌वा, साया खोन्‍कि अ़स़निन्‍दानिन्‌ओ ह़ङ्‌म़ङ कालाम्‌चि निनाम्‍हाङ्‌आ अ़लुक्‍निन्‌ओ ह़ङ्‌म़ङ म़प़चि।

रोमि 3:11

कातुप साङ्‌छाङ मात्‍द़ङ, निनाम्‍हाङ कालाम साङ्‌छाङ मात्‍द़ङ।

हिब्रु 11:6

साकोङ्‌छ़ङ मान्‍मुमाङ निनाम्‍हाङ्‌ओ अ़चुऩङानुमा अ़ऱन्‍मिन। देकिनालो साङ निनाम्‍हाङ्‌ओ अ़चुच़क्‌दा ता, खोसाआ निनाम्‍हाङ म़युङ्‌याङ खोन्‍कि खोक्‍को कालाम्‌चि खोक्‍कोसाआ सिरिफा म़प़चि निकिना अ़नुछ्‍या साकोङ्‌छ़ङ मुमादोत।

याकुब 5:15

खोन्‍कि साकोङ्‌छ़ङ्‌ओ यामात्‍माआ कातुक नु, खोन्‍कि हाङ्‌पाआ खो अ़नु। खोन्‍कि खोसाआ हेवाङा मुओनुछाङ खो लेत्‍प़।

१ युहन्‍ना 3:22

खोन्‍कि आन्‍कान दि दोत्‍तुम, खोक्‍कोएदाङ्‌का तोक्‍तुम, देकिनालो आन्‍कान खोक्‍कोसोओ अ़चुलोमाय़ङ्‌चि काङ्‌सिन, खोन्‍कि खोक्‍कोसोओ अ़चुऩङानुलो काचि मुन।