मत्‍ति 7:25 - बान्‍तावा राई

²⁵ वा ता, खोन्‍कि वाधुप खारा, कुह़क्‍मा बाना खोन्‍कि मो खिम्‌दा धुङ्‌साकिछाङ मो खिम मान्‍तेन। देकिनालो मो खिम लुङ्‌छ़ङ दुङ्‌दा मुवायुङ्‌सा।

मत्‍ति 7:25 ပူးပေါင်းရင်းမြစ်များ

मत्‍ति 16:18

खोन्‌ओसा अ़ङ्‌का खाना लोनाङ्‌ना, खाना पत्रुस ओ, खोन्‍कि अ़ङ्‌का ओ लुङ्‌छ़ङ्‌दुङ्‌दा अ़ङ्‌साम्‍भुङ मुङ। खोन्‍कि सित्‍म़ङ दुखा तोक्‍खादाओ लाप्‍तिखोप्‌चि ओदा ऩछोनिन।

मत्‍ति 7:24

मोवात्‍नि साङ्‌आ अ़ङ्‌य़ङ्‌चि एनुचि खोन्‍कि मोचि मुचि, मो अ़क्‍छा तायाहाङ्‌पा म़ना अ़खिम लुङ्‌छ़ङ दुङ्‌दा कामुपावाको ओ।

मत्‍ति 7:26

मेन साङ्‌आ अ़ङ्‌य़ङ एनुकि मोचि अ़मुन्‍चिन, मो अ़क्‍छा खामान्‍सिन म़ना अ़खिम लुङ्‌च़क़य़क दुङ्‌दा कामुपावाको ओ।

मत्‍ति 7:27

वा ता, खोन्‍कि वाधुप खारा, कुह़क्‍मा बानाकि मो खिम्‌दा धुङ्‌सा खोन्‍किना मो खिम चाअ़त्‍लो भुङ्‌साखारा।”

छाम्‍माय़ङ 14:22

खोचिआ येसु काखेङ्‌चि “लावामि ह़ङ्‌म़ङ्‌दा सावा खोन्‍कि साकोङ्‌छ़ङ मुवायुङ्‌सानिन” निकिना राक अ़पुवाचुचिन। “निनाम्‍हाङ्‌ओ अ़चुहाङ्‌होन्‌दा वाङ्‌मा आन्‍कान ब़द्‍धे दुखाचि आङ्‌माङादोत”नि खोचिआ अ़लोवाचुचिन।

एफिसि 3:17

खोन्‍कि साकोङ्‌छ़ङ्‌लाम्‍पा ख्रिस्‍त आम्‍नुओ साकोङ्‌वाचिदा म़याक्‍ने, खोन्‍कि सोम्‍तुक्‍मादा आम्‍नुओ भेन पाक्‍तुओ खोन्‍कि छ़ङ युङ्‌सानुम निम्‍पाङ अ़ङ्‌का यामात्‍ङा।

कलस्‍सि 2:7

खानानिन ऩचिन्‍तिन्‌वात्‍नि खोक्‍कोएदा आम्‍नुओ भेन नुलोक पाक्‍तानुम, खोन्‍कि खोक्‍कोएदा आम्‍नुओ ह़ङ्‌म़ङ पोइसानुम खोन्‍कि सोम्‍कुवादा काछो लिसानिन्‌किना च़लोक आलाङ काप़ लिसानिन।

याकुब 1:12

चिन्‍माखाङ्‌मा काआङ म़नाआङा आसिखा तोक्‍तु। देकिनालो चिन्‍माखाङ्‌मा खोसाआ आङ्‌तुओसा खोसाआ ह़ङ्‌म़ङ्‌ओ मो ताङ्‌बोप्‍खा तोक्‍तु, निनाम्‍हाङ्‌आ खोक्‍को सोमाकातुक्‌चि मो प़माचि निम्‍पाङ म़हिप्‍तुयुङ्‌सुचि।

१ पत्रुस 1:5

खानानिन्‌आ आम्‍नुओ साकोङ्‌छ़ङ्‌लाम्‍पा अ़चुसावादा लेन्‍मा मान्‍तोक्‍त़युक्‍तुम्‌तारि निनाम्‍हाङ्‌आ खानानिन ऩरात्‍तिन। मो लेन्‍मा आदेङ्‌माङ्‌ओ लेन्‌दा खाङ्‌मेत्‍मा निम्‍पाङ खोक्‍कोसाआ अ़चुम्‍सायुङ्‌सा।

१ पत्रुस 1:7

ओ चिन्‍माखाङ्‌माचिआ आम्‍नुओ साकोङ्‌छ़ङ अ़नुछयाओनि अ़छ़ङ अ़मु, खोन्‍कि मिलाम्‍पा हेङ्‌नुछाङ लुक्‍खात्‌ओ हाराक्‌वादाङ्‌काछाङ च़लोक अ़च़वाङ निकिना खाङ्‌म़मु। ओ येसु ख्रिस्‍त खाङ्‌म़मुनान्‍चिन्‌हिदा ऩङ्‌चोन्‍मा, ऩङ्‌लोङ्‌मा खोन्‍कि साया तोक्‍मा खान्‍तुओ लिने।

१ युहन्‍ना 2:19

मोचि आन्‍कान्‌एदाङ्‌का म़फेआन्‍खात्‍तान्‍चिन, देकिनालो मोचि आन्‍कोचि माआङ। मोचि आन्‍कोचिओदे आन्‍कान्‌एनान अ़क्‍नि म़युङाओ, मेन मोचि झारा आन्‍कोचि माआङ्‌निओ य़ङ खाङ्‌मुमा निम्‍पाङ मोचि म़लोन्‍ताखाराओ।