मत्‍ति 7:22 - बान्‍तावा राई

²² मो छ़ङ्‌छेन्‍मा लेन झारासा अ़ङ्‌का ऩलोङा, ‘हाङ्‌पो, हाङ्‌पो दि आन्‍कान्‍का आम्‍नुओ ऩङ्‌दा निनाम्‍हाङ्‌य़ङ खामान्‍लुदान्‍का? आम्‍नुओ ऩङ्‌दा चाकावालावाचि मान्‍लोन्‍दोम्‍च़म्‍का? खोन्‍कि आम्‍नुओ ऩङ्‌दा सावापोरिओ काचिचि मान्‍मुदोम्‍च़म्‍का?’

मत्‍ति 7:22 ပူးပေါင်းရင်းမြစ်များ

मत्‍ति 10:15

अ़नुछ्‍या, अ़ङ्‌का खानानिन लोनानिन, छ़ङ्‌छेन्‍खा लेन मो सहरादाओ म़नाचिदाङ्‌का सदोम खोन्‍कि गमोरादाओ म़नाचिआ च़लोक निनाम्‍हाङ्‌ओ अ़चुदन्‍दा आङ्‌मा अ़ऱलो लि।

मत्‍ति 24:36

मेन मो लेन माङ्‌लो ग़रिओ अ़तुक्‌वादा साङ्‌आछाङ अ़सिन्‍तुन्‌योन, ना निनाम्‍मादुओ निनाम्‍हाङ काफाचिआ ना निनाम्‍हाङ्‌ओ अ़चुछाआङा, मेन निनाम्‍हाङ पापाआ ओन्‍ङा अ़सिन्‌याङ।

मत्‍ति 25:11

आदेङ मो नि वारिसाचिछाङ म़तादिसा, खोन्‍कि य़ङ्‌मा अ़पुक्‍ता, ‘हाङ्‌पो, हाङ्‌पो, आन्‍काओ निम्‍पाङ लाप्‍तिखोप होत्‍निप़नि!’

मत्‍ति 7:21

अ़ङ्‌का ‘हाङ्‌पो, हाङ्‌पो’नि कालोचि झारा निनाम्‍हाङ्‌होन्‌दा ऩवाङ्‌निन। मेन निनाम्‍मादुओ अ़ङ्‌पापाओ अ़चुलोमाय़ङ्‌वा काच़चिआ ओन्‍ङा निनाम्‍हाङ्‌ओ अ़चुहाङ्‌होन्‌दु वाङ्‌मा अ़तोक।

लुका 10:12

अ़ङ्‌का खानानिन लोनानिन, छ़ङ्‌छेन्‍खा लेन खानानिन्‌दाङ्‌का अ़अ़त्‍पा सदोम सहरादाओ म़नाचिआ च़लोक निनाम्‍हाङ्‌ओ अ़चुदन्‍दा आङ्‌मा अ़ऱलो लि।”

युहन्‍ना 11:51

ओ खोसाआ आप्‍पि अ़मिन्‍मालाम्‍पा य़ङाओ माआङ, मेन मो दोङ्‌दाओ मुलो काब़क्‍पा छुक्‍ताओसा म़नाचिओ निम्‍पाङ येसु स़मादोत निकिना निनाम्‍हाङ्‌य़ङ खालुसुओ।

१ थेसलोनिकि 5:4

मेन ब़ब़, नाना खोन्‍कि निछाचि ओ, खानानिन कुन्‌यामादा त़याइमिन्‌येन, खोन्‌ओसा हाङ्‌पा म़ताओ लेन आम्‍नुओ निम्‍पाङ काख़पा तान्‌वा त़दोम्‍तिन्‍दान्‍मिन।

२ थेसलोनिकि 1:10

मो लेन खोक्‍कोसोओ अ़चुम़नाचिएदाङ्‌का साया मेत्‍लुसि खोन्‍कि खोक्‍कोएदा साकोङ्‌छ़ङ कामुचिएदाङ्‌का चोन्‍लुसि म़ता। खोन्‍कि खानानिन्‌छाङ मो साकोङ्‌छ़ङ कामुचिएदा त़याइन, देकिनालो आन्‍काओ सालुम्‍स़ङ्‌दा खानानिन साकोङ्‌छ़ङ त़मुम।

२ तिमोथि 1:12

खोवात्‍निओसा अ़ङ्‌का ओ य़ङ्‌चिदा छेक्‍खादा दुखा आङ्‌तुङ्‌योङ, खोन्‍नुछाङ अ़ङ्‌का ओ य़ङ्‌दा अ़ङ्‌लेजो अ़कात्‍निन। देकिनालो अ़ङ्‌का साङ्‌एदा साकोङ्‌छ़ङ मुङ्‌युङ्‌सुङ, अ़ङ्‌का सिन्‍तुङ्‌योङ खोन्‍कि अ़छ़ङ मुङ्‌युङ्‌सुङ, दि अ़ङ्‌का खोक्‍कोसोओ अ़चुलामाय़मातारि प़ङ्‌युङ्‌सुङ, मो रात्‍मा काऱ खोक्‍को म़युङ्‌याङ।

२ तिमोथि 1:18

हाङ्‌पा येसु म़लाय़ओ लेन हाङ्‌पाआ खो सोमातुक्‍मा खाङ्‌अ़मेत्‍ने! खाना नुलोक त़सिन्‍तुङु, एफिसस्‌दा खोसाआ अ़ङ्‌का ब़द्‍धे अ़फासाङ्‌ओ।

२ तिमोथि 4:8

हान्‌दाङ्‌का मोह्‍यात्‍नि अ़ङ्‌को निम्‍पाङ साम्‌योक्‍मिओ सिरिफा युङ्‌सायुङ्‌सा। मो साम्‌योक्‍मिओ छ़ङ्‌काछेन हाङ्‌पाआ मो लेन अ़ङ्‌का ऩप़ङा, खोन्‍कि अ़ङ्‌का ओन्‍ङा माआङ, मेन खोक्‍कोसोओ अ़चुलामातामा सोमाकातुक झारा म़प़चि।