मत्‍ति 7:21 - बान्‍तावा राई

²¹ अ़ङ्‌का ‘हाङ्‌पो, हाङ्‌पो’नि कालोचि झारा निनाम्‍हाङ्‌होन्‌दा ऩवाङ्‌निन। मेन निनाम्‍मादुओ अ़ङ्‌पापाओ अ़चुलोमाय़ङ्‌वा काच़चिआ ओन्‍ङा निनाम्‍हाङ्‌ओ अ़चुहाङ्‌होन्‌दु वाङ्‌मा अ़तोक।

मत्‍ति 7:21 ပူးပေါင်းရင်းမြစ်များ

मत्‍ति 12:50

देकिनालो साङ निनाम्‍मादु कायुङ अ़ङ्‌पापाओ अ़चुमिन्‍मावा च़, मोङा अ़ङ्‌निछा, अ़ङ्‌छेत्‍कुमा खोन्‍कि अ़ङ्‌मामा ओ।”

मत्‍ति 16:17

येसुआ खो अ़लासालोवा, “योनाओ अ़छा सिमोन, खाना आसिखा कातोक ओ! देकिनालो म़नादाङ्‌का खाना ओ त़सिन्‍तुओ माआङ, मेन निनाम्‍मादु कायुङ अ़ङ्‌पापाआ खाना खाङ्‌त़मेत्‍ताओ।

मत्‍ति 18:10

चाप्‍चेत्‍तानिन्‍चिन, खानानिन्‌आ ओ अ़चुप्‍पाचिदाङ्‌का अ़क्‍छाछाङ अ़काचि मात्‍द़ङ्‌ओनि मान्‍मित्‌दानुम्‍च़म। देकिनालो अ़ङ्‌का खानानिन लोनानिन, निनाम्‍मादु मोचिओ अ़चुकाफाचि अ़धुन निनाम्‍मादुओ अ़ङ्‌पापाओ अ़चुबुदा म़युङ्‌याङ।

मत्‍ति 18:19

हान्‍छाङ अ़ङ्‌का खानानिन लोनानिन, हेन्‍खामादा आम्‍नुओ रादा ह़वाङ खाक्‍कोछाङ य़ङ्‌दा त़तोङिन्‌कि दिनुछाङ त़दोरुम्‌नालो मो निनाम्‍मादुओ अ़ङ्‌पापाआ आम्‍नुओ निम्‍पाङ ऩमेत्‍तिन्‍प़न।

मत्‍ति 18:3

खोन्‍किना येसुआ म़लोचि, “अ़नुछ्‍या अ़ङ्‌का खानानिन लोनानिन, आम्‍नुओ मिन्‍मा त़फान्‍तुम्‌कि मो छावात्‍नि त़लिसिमिन्‌नालो खानानिन देम्‍खाछाङ निनाम्‍मादुओ अ़चुहाङ्‌होन्‌दा वाङ्‌मा त़ऱन्‍मिन।

मत्‍ति 18:35

खानानिन आम्‍नुओ द़क्‍छा आम्‍नुओ साकोङ्‌वाहुत्‌दाङ्‌का त़लेत्‍तिमिन्‌नालो अ़ङ्‌पापा निनाम्‍हाङ्‌आछाङ खानानिन झारा मोत्‍निङा ऩमुन।”

मत्‍ति 19:24

अ़ङ्‌का खानानिन लानालोनाङ्‌नानिन, कातोक म़ना निनाम्‍हाङ्‌होन्‌दा वाङ्‌मादाङ्‌का ना उता लुप्‍मित्‌ओ अ़खेत्‌दाङ्‌का लेन्‍मालोन्‍मा नुसुम्‍पेन्‍ता लि।”

मत्‍ति 25:10

मोचि आक्‌वा खित्‍सि म़खाराहिदा सायाकाकाम्‍पा म़तादिसा, खोन्‍कि म़चुम्‍सान्‍चिन्‌ओचि खोक्‍कोएनान सायाकाम्‍खा खाबाचादा खिम्‍हुत्‌या म़वाङा, खोन्‍कि लाप्‍तिखोप खोप्‍ता।

मत्‍ति 25:21

मोसोओ अ़हाङ्‌पाआ मो लासुलो, ‘नुलोक त़चुवा, अ़नुवाक खोन्‍कि सोम्‍कुवामुमायु हारुक। खाना उन्‍निदा सोम्‍कुवामुमायु त़लिसा, हान अ़ङ्‌का खाना ब़द्‍धे य़ङ्‌चिदा पाङ प़ना। खाना ताकि अ़ङ्‌काएनान अ़क्‍नि खाबाचादा आम्‍ऩङानुसान्‍चिन।’

मत्‍ति 26:39

खोन्‍किना खोक्‍को अ़क्‍चित ह्‍यात्‍नि म़खाराकि बाखादा म़बोम्‍सान्‍चिन खोन्‍कि याम़मारा, “आपो, लिमा ऱनालो ओ दुखाओ लाङ्‌चोक्‍खुङ्‍ओ दुखा अ़ङ्‌काएदाङ्‌का माङ्‌निप़नि। खोन्‍नुछाङ अ़ङ्‌मिन्‍मावा माआङ, मेन आम्‍नुओ मिन्‍मावा लिने।”

मत्‍ति 26:42

येसु ह्‍वादुओदु म़लासाखाराकि याम़मारा, “आपो, अ़ङ्‌का ओ मान्‍दुङ्‌माङ अ़नुनिन्‌नालो आम्‍नुओ मित्‍मा तालाने।”

मर्कुस 3:35

साङ निनाम्‍हाङ्‌ओ अ़चुमिन्‍मावा च़, मोङा अ़ङ्‌निछा, अ़ङ्‌छेत्‍कुमा खोन्‍कि अ़ङ्‌मा ओ।”

मर्कुस 9:47

आम्‍म़क्‌आ खाना हेवा मुत़मेत्‌नालो मो लारुखाइसु। ह्‍वातात्‍माङ आम्‍म़क्‌एनान सित्‍म़ङ दुखा तोक्‍खायु वेन्‍दिलुमादाङ्‌का ना अ़क्‌तात आम्‍म़क्‌एनान निनाम्‍हाङ्‌ओ अ़चुहाङ्‌होन्‌दा वाङ्‌मा नुलोक लि।

लुका 11:28

येसुआ य़ङ्‌अ़लासा, “मोछाङ ओ, मेन साङ्‌चिआ निनाम्‍हाङ्‌ओ अ़चुय़ङ अ़एन खोन्‍कि मोवात्‍निङा म़च़, मोचि च़लोक आलाङ्‌मि ओ।”

लुका 13:25

खिम्‍हाङ्‌पा पुक्‍लोन्‌कि लाप्‍तिखोप छेक्‍तुचिउनालो खानानिन बुङ्‌खाया त़एविन्‍कि लाप्‍तिखोप मोक्‌याङ्‌सा, ‘हाङ्‌पो, आन्‍कान्‍का लाप्‍तिखोप होत्‍निप़नि!’नि य़ङ्‌मा त़पुङ्‌सुम। खोन्‍किना खोसाआ ऩलासिन्‍लोन, ‘खानानिन खादाङ्‌का त़तान्‌ओ, खानानिन साङ्‌चि ओ अ़ङ्‌का अ़सिन्‍नानिमिन।’

लुका 18:25

कातोक म़ना निनाम्‍हाङ्‌ओ अ़चुहाङ्‌होन्‌दा वाङ्‌मादाङ्‌का ना उता लुप्‍मित्‌ओ अ़खेत्‌दाङ्‌का लेन्‍मालोन्‍मा नुसुम्‍पेन्‍ता लि।”

लुका 6:46

अ़ङ्‌का लोनानिन्‌वात्‍नि त़च़न्‍मिन्‌नालो देकि खानानिन्‌आ अ़ङ्‌का ‘हाङ्‌पो, हाङ्‌पो’नि त़लोङाङाऩङ?

युहन्‍ना 14:7

खानानिन्‌आ अ़ङ्‌का त़सिन्‍ताङ्‌ऩङ्‍ओ खाङ्‌दे, अ़ङ्‌पापाछाङ त़सिन्‍तुम्‌ओ। हान्‌दाङ्‌का मोह्‍यात्‍नि खोक्‍को त़सिन्‍तुम, खोन्‍कि खोक्‍को त़खाम्‌युङ्‌सुम।”

युहन्‍ना 15:23

साङ्‌आ अ़ङ्‌का ऩङाअ़छित्‍ङा, मोसाआ अ़ङ्‌पापाछाङ ऩङाछिरु।

युहन्‍ना 3:5

येसुआ अ़लासालोवा, “अ़नुछ्‍याङा अ़ङ्‌का खाना लोना, म़ना चाक्‌वा खोन्‍कि लावाआ अ़लानिन्‍लिनिन्‌नालो निनाम्‍हाङ्‌ओ अ़चुहाङ्‌होन्‌दा वाङ्‌मा अ़ऱनिन।

युहन्‍ना 5:17

खोन्‍कि येसुआ मोचि म़लासुलोचि, “अ़ङ्‌पापा ओन्‍ग़रितारि काचि म़मुयाङ, खोन्‍कि अ़ङ्‌काछाङ काचि मुङाङा।”

युहन्‍ना 6:40

अ़ङ्‌पापाओ अ़चुमित्‍चिऩङ ओङा ओ, झारा साङ-साङ्‌चिआ अ़चुओ छा अ़खाङ, खोन्‍कि खोक्‍कोएदा साकोङ्‌छ़ङ म़मु अ़धुन्‌ओ ह़ङ्‌म़ङ अ़तोक्‍ने। अ़ङ्‌का मो आदेङ्‌ओ लेन्‌दा अ़ह़ङ मुङ।”

युहन्‍ना 7:17

खाक्‍को म़नाआ निनाम्‍हाङ्‌ओ अ़चुमिन्‍मावा च़मानि मिन्‌नालो अ़ङ्‌चिन्‍माय़ङ निनाम्‍हाङ्‌दाङ्‌काओ हे, अ़ङ्‌को आप्‍पिओ अ़ङ्‌पाङ्‌दाङ्‌का ओ, मो खोसाआ सिन्‍तु।

छाम्‍माय़ङ 14:22

खोचिआ येसु काखेङ्‌चि “लावामि ह़ङ्‌म़ङ्‌दा सावा खोन्‍कि साकोङ्‌छ़ङ मुवायुङ्‌सानिन” निकिना राक अ़पुवाचुचिन। “निनाम्‍हाङ्‌ओ अ़चुहाङ्‌होन्‌दा वाङ्‌मा आन्‍कान ब़द्‍धे दुखाचि आङ्‌माङादोत”नि खोचिआ अ़लोवाचुचिन।

रोमि 12:2

ओ हेन्‍खामादाओ अ़च़माथाङ्‌माचिवा मान्‍च़दानिन, मेन आम्‍नुओ मिन्‍मादा अ़ऩङ्‌वा लिसानिन्‌कि झारा फान्‍तानिन्‍चिन। खोन्‍किना निनाम्‍हाङ्‌ओ अ़नुवाक, अ़चुऩङानुओ खोन्‍कि अ़छ़ङ अ़चुमिन्‍मा दि ओ, मो खानानिन्‌आ सिन्‍मा त़ऱम।

रोमि 2:13

देकिनालो य़ङ्‌हुप काएन्‌चि निनाम्‍हाङ्‌ओ अ़चुबुदा साम्‌योक्‍मि ऩकान्‍निन, मेन य़ङ्‌हुप्‌वा काच़चि अ़चुओ लिप्‍पादा साम्‌योक्‍मि म़काइसुचि।

एफिसि 6:6

म़नाचिओ अ़चुऩङाकानुचिवात्‍नि म़क्‍साम्‌दा ओन्‍ङा खाङ्‌मुमा काचि मान्‍मुदानिन, मेन ख्रिस्‍तओ अ़हारुक्‌चिवात्‍नि झारा आम्‍नुओ साकोङ्‌वाआ निनाम्‍हाङ्‌ओ अ़चुमिन्‍मावा चुवानिन।

कलस्‍सि 4:12

खानानिन्‌एदाओ अ़क्‍छा, ख्रिस्‍त येसुओ अ़चुहारुक इपाफ्रास्‌आछाङ सेवा ऩछोक्‍तिन्‌युङ्‌सिन। खोसाआ अ़धुन आम्‍नुओ निम्‍पाङ राक्‌एनान ओवात्‍नि यामात: निनाम्‍हाङ्‌आ खानानिन त़छोसिन्‍लो ऩमुन्‍ने खोन्‍कि नुलोक काऱ ऩमुन्‌कि खानानिन्‌आ निनाम्‍हाङ्‌ओ झारा अ़चुमिन्‍मावा काचि त़मुन्‌येन्‌निओ य़ङ्‌दा अ़छ़ङ त़लिसिन्‍ने।

१ थेसलोनिकि 4:3

खानानिन सेङ्‌लो लिमा निनाम्‍हाङ्‌ओ अ़चुमिन्‍मा ओ, खोन्‌ओसा खानानिन ताङ्‌लान्‌दाङ्‌का अ़थाया युङानिन।

१ थेसलोनिकि 5:18

झारा ग़रिचिदा निनाम्‍हाङ आलाङ पुवानुम। देकिनालो ख्रिस्‍त येसुलाम्‍पा आम्‍नुओ निम्‍पाङ निनाम्‍हाङ्‌ओ अ़चुमिन्‍मा ओङा ओ।

तितस 1:16

मोचि “निनाम्‍हाङ सिन्‍तुङ्‌योङ”नि ना म़य़ङ, मेन मोचिओ अ़चुकाचिआ ओन निनाम्‍हाङ ऩङाअ़छित निकिना खाङ्‌मुसु। मोचि ना चिप्‍माकात्‍तुचिओ, लोमान्‍तेत खोन्‍कि खाक्‍कोछाङ अ़नुवाक काचि मुमा खान्‍तुओचि मात्‍द़ङ्‌चि।

हिब्रु 13:21

खोक्‍कोसोओ अ़चुमिन्‍मा तामालामा रुवानुम निकिना झारा अ़नुवाक य़ङ्‌चिआ ऩयाङ्‌सिन्‍प़न्‍ने। दिसु य़ङ्‌आ निनाम्‍हाङ्‌ओ अ़चुऩङानुयाङ, येसु ख्रिस्‍तलाम्‍पा खोक्‍कोसाआ खानानिन्‌एदा ओ अ़मुने। अ़धुन-अ़धुन्‌तारि खोक्‍कोसोओ अ़चुऩङ्‌लोङ्‌ने! मोवात्‍निङा लिने।

हिब्रु 4:6

बुयाङा ऩङानुमाओ य़ङ्‌खान काएन्‌चिआ लोमावा मान्‍च़चिओसा निनाम्‍हाङ्‌ओ अ़चुसावातोम्‍खादा हान्‍छाङ मान्‌वाङ्‌म़युक। मेन नि म़नाचिओ निम्‍पाङ निनाम्‍हाङ्‌ओ अ़चुसावातोम्‍खा तोक्‍मा अ़वाखाम म़प़युङ्‌सुचि।

याकुब 1:22

निनाम्‍हाङ्‌ओ अ़चुय़ङ काएन ओन्‍ङा मान्‍लिदानिन्‌किना आप्‍पि मान्‍धान्‍दानिन्‍चिन। मेन मो य़ङ्‌वात्‍नि चुवानिन।

१ पत्रुस 2:15

देकिनालो निनाम्‍हाङ्‌ओ अ़चुमित्‍चिऩङ ओङा ओ, खानानिन अ़नुवाक काचि मुवानिन्‌कि ऱक्‍भाक म़नाचिओ अ़चुखामान्‍सिन्‍दामा वाइवेत मुमाचिदोत।

१ पत्रुस 4:2

खोवात्‍निओसा खो अ़पोक्‌दा ह़ङ्‌याङ्‌तारि हान्‌दाङ्‌का म़नाओ अ़अ़त्‍पा मिन्‍मावा माआङ, मेन निनाम्‍हाङ्‌ओ अ़चुमिन्‍मावा ह़ङ।

खाङ्‌मुमा 2:27

खोन्‍कि काकाराओ रोलाआ बाखाओ ब़चि अ़धाङ-अ़धाङ मुचिलो केरुचिवा मोसाआ मोचिएदा हाङ्‌काचि मु, ओवात्‍निङा अ़ङ्‌काछाङ अ़ङ्‌पापाएदाङ्‌का पाङ तोक्‍तुङ्‌युङ्‌सुङ।

खाङ्‌मुमा 22:14

अ़चुतित्‌चि वाकाधाप्‌चि आसिखा कातोक्‌चि ओ। मो सहराओ लाप्‍तिखोप्‌चिदाङ्‌का वाङ्‌मा खोन्‍कि ह़ङ्‌म़ङ काप़ स़ङ्‌ताङ्‌दाङ्‌का अ़सिवा चामा पाङ अ़तोक।

खाङ्‌मुमा 3:5

साङ छो, खो ओवात्‍नि ओम्‌याङ्‌ओ तित हुम्‍मेत। अ़ङ्‌का देम्‍खाछाङ मोसोओ अ़ऩङ ह़ङ्‌म़ङ्‌ओ छाप्‍लाखादाङ्‌का अ़सोप्‍ऩङ्‌खान्‍ऩङ। अ़ङ्‌का मोसोओ अ़ऩङ अ़ङ्‌पापाओ अ़चुबुदा खोन्‍कि खोक्‍को काफाचिओ अ़चुबुदा मो अ़ङ्‌को ओ निकिना लोउङ।