मत्‍ति 7:14 - बान्‍तावा राई

¹⁴ मेन ह़ङ्‌म़ङ्‌दा कातात्‍ला लाम चाअ़त खोन्‍कि लाप्‍तिखोप चुकुवाहुत्‍हुत्‌ओ मु, खोन्‍कि मो काधित्‌चि अ़क्‍चिलोक ओन्‍ङा म़मु।

मत्‍ति 7:14 ပူးပေါင်းရင်းမြစ်များ

मत्‍ति 20:16

खोन्‍किना येसुआ म़लोचि, “ओवात्‍निङा देङ्‌दा कालिचि बुया म़लि खोन्‍कि बुया कालिचि देङ्‌दा म़लि।”

मत्‍ति 22:14

खोन्‍किना येसुआ म़लोचि, “बुत्‍माय़ङ्‌ओचि ब़द्‍धे म़याक्‌याङ, मेन छेन्‍माय़ङ्‌ओचि चुक्‍लो म़याक्‌याङ।”

मत्‍ति 7:13

चुकुवाहुत्‍हुत्‌ओ लाप्‍तिखोप्‌दाङ्‌का वाङानिन, देकिनालो लुक्‍खादा कातात्‍ला लाप्‍तिखोप थायाङ, खोन्‍कि मो लाप्‍तिखोप लाम कावाङ्‌चि ब़द्‍धे म़मु।

मत्‍ति 7:15

सोज्‍जेओ निनाम्‍हाङ्‌य़ङ खाकालुचिएदाङ्‌का चाप्‍चेत्‍तानिन्‍चिन। मोचि आम्‍नुओ रादा भेरावाको म़लिकि म़ता, मेन अ़चुकोङ्‌हुत्‌या क़माकात्‍तुओ बेन्‍पाचिवात्‍नि मोचि म़मु।

मर्कुस 8:34

खोन्‍किना येसुआ अ़चुकाखेङ्‌चिएनान म़ना मुक्‍लाचि खोक्‍कोएदा म़बुत्‍तुचि, खोन्‍कि मोचि म़लोचि, “साङ अ़ङ्‌का त़ङ्‌मा स़याङ्‌नालो खो आप्‍पि अ़मित्‍चिऩङ छित्‍मादोत, खोन्‍कि अ़क्रुस खुन्‍माकि अ़ङ्‌का त़ङ्‌मादोत।

लुका 12:32

अ़चुप्‍पा रुहुप्‌चिओ, मान्‍क़दानिन! देकिनालो निनाम्‍मादुओ आम्‍नुओ पापाआ खोक्‍कोसोओ अ़चुहाङ्‌होन खानानिन प़मा अ़चुऩङानुवायुङ्‌सा।

युहन्‍ना 16:2

मोचिआ खानानिन यावायोक्‍खिम्‌चिदाङ्‌का ऩलोइसिन्‍खाइसिन। अ़नुछ्‍या ओवाको ग़रि तायाङ, खानानिन कासेत्‌आ निनाम्‍हाङ ब़क्‍तुङ्‌योङ्‌नि मिन।

युहन्‍ना 16:33

अ़ङ्‌तुक्‌वाआ खानानिन सेवाङ्‌नि त़लिसिन्‍ने निकिना अ़ङ्‌का खानानिन ओ य़ङ्‌चि लोनायुङ्‌नानिन। खोन्‌ओसा हेन्‍खामादा खानानिन दुखा त़तोक्‍तिन, मेन राक मुवानिन! अ़ङ्‌का हेन्‍खामाएदा छोसाङ।”

छाम्‍माय़ङ 14:22

खोचिआ येसु काखेङ्‌चि “लावामि ह़ङ्‌म़ङ्‌दा सावा खोन्‍कि साकोङ्‌छ़ङ मुवायुङ्‌सानिन” निकिना राक अ़पुवाचुचिन। “निनाम्‍हाङ्‌ओ अ़चुहाङ्‌होन्‌दा वाङ्‌मा आन्‍कान ब़द्‍धे दुखाचि आङ्‌माङादोत”नि खोचिआ अ़लोवाचुचिन।

रोमि 12:2

ओ हेन्‍खामादाओ अ़च़माथाङ्‌माचिवा मान्‍च़दानिन, मेन आम्‍नुओ मिन्‍मादा अ़ऩङ्‌वा लिसानिन्‌कि झारा फान्‍तानिन्‍चिन। खोन्‍किना निनाम्‍हाङ्‌ओ अ़नुवाक, अ़चुऩङानुओ खोन्‍कि अ़छ़ङ अ़चुमिन्‍मा दि ओ, मो खानानिन्‌आ सिन्‍मा त़ऱम।

रोमि 9:32

देकि? देकिनालो साम्‌योक्‍मि काचिचिदा याक्‌नि म़मिना खोन्‍कि मोचिआ साकोङ्‌छ़ङ्‌लाम्‍पा साम्‌योक्‍मि मान्‍लाम्‌अ़दा। ख्रिस्‍त खोचिओ निम्‍पाङ लुङ्‌छ़ङ्‌वात्‍नि म़लिसा मोदा मोचि म़धुङ्‌सा।