मत्‍ति 7:13 - बान्‍तावा राई

¹³ चुकुवाहुत्‍हुत्‌ओ लाप्‍तिखोप्‌दाङ्‌का वाङानिन, देकिनालो लुक्‍खादा कातात्‍ला लाप्‍तिखोप थायाङ, खोन्‍कि मो लाप्‍तिखोप लाम कावाङ्‌चि ब़द्‍धे म़मु।

मत्‍ति 7:13 ပူးပေါင်းရင်းမြစ်များ

मत्‍ति 23:13

अ़चाअ़त्‍मादा त़छुक्‍तिन खानानिन य़ङ्‌हुप काचिन्‍पाचि खोन्‍कि फरिसिचि ओ! खानानिन कोङ्‌क़त्‌वाचि ओ! देकिनालो खानानिन्‌आ म़नाचिओ अ़चुबुदा निनाम्‍हाङ्‌होन्‌ओ अ़लाप्‍तिखोप त़छेक्‍तुम्‌योम। ना खानानिन त़वाङिन ना वाङ्‌मा कालाम्‌चि वाङ्‌मा त़प़म्‍च़म।

मत्‍ति 25:41

खोन्‍किना खोक्‍कोसाआ अ़चुओ बेङ्‌साङ्‌लिप्‍पाओ म़नाचि म़लोचि, ‘माङ्‌हिम्‍माय़ङ म़नाचि ओ! अ़ङ्‌काएदाङ्‌का माङ्‌सानिन। सैताना खोन्‍कि मोसोओ अ़काफाचिओ निम्‍पाङ चुम्‍सायुङ्‌साओ अ़लुक्‍निन्‌ओ मिदा खारानिन।

मत्‍ति 25:46

खोन्‍किना मोचि अ़धुन दन्‍दा तोक्‍खादा म़खात, मेन साम्‌योक्‍मि म़नाचि अ़धुन ह़ङ्‌मायुङ्‌मा ह़ङ्‌म़ङ्‌दा म़वाङ।”

मत्‍ति 3:2

“निनाम्‍हाङ्‌एदा लासानिन, देकिनालो निनाम्‍हाङ्‌होन च़क्‌दा तायुङ्‌सा।”

मत्‍ति 3:8

खानानिन्‌आ अ़नुछ्‍याङा हेवा त़छिरुम्‌निओ य़ङ आम्‍नुओ काचिसिवालाम्‍पा खाङ्‌मुसानुम।

मत्‍ति 7:14

मेन ह़ङ्‌म़ङ्‌दा कातात्‍ला लाम चाअ़त खोन्‍कि लाप्‍तिखोप चुकुवाहुत्‍हुत्‌ओ मु, खोन्‍कि मो काधित्‌चि अ़क्‍चिलोक ओन्‍ङा म़मु।

लुका 14:33

खोन्‌ओसा झारा आम्‍नुओ सामाचि त़छिरिमिन्‍चिन्‌नालो साङ्‌छाङ अ़ङ्‌काखेङ लिमा त़ऱन्‍मिन।

लुका 9:33

मोसा खोन्‍कि एलिया येसुएनान म़हासान्‌यान्‍चिन्‌हिदा पत्रुस्‌आ येसु लो, “काचिन्‍पो, आन्‍कान ओदा युङ्‌मा अ़नुवाक लि! आन्‍कान्‍का सुम्‌कातात याक्‍साचि मुम्‍च़म्‍काने। अ़क्‌तात आम्‍नुओ निम्‍पाङ, अ़क्‌तात मोसाओ निम्‍पाङ खोन्‍कि अ़क्‌तात एलियाओ निम्‍पाङ।” खो आप्‍पि दि चेवाङाओ मान्‍सिन्‍दो।

युहन्‍ना 10:9

लाप्‍तिखोप अ़ङ्‌काङा ओ। साङ अ़ङ्‌कालाम्‍पा वाङ्‌नालो मोचि म़लेत, खोन्‍कि खिम्‍हुत बुङ्‌खा लोइसा वाङ्‌सा म़मु, खोन्‍कि नागिदा चान्‍मा अ़तोक।

युहन्‍ना 14:6

येसुआ अ़लासालोवा, “लाम, अ़छ़ङ खोन्‍कि ह़ङ्‌म़ङ अ़ङ्‌काङा ओ। अ़ङ्‌काएदाङ्‌का नि साङ्‌लाम्‍पाछाङ अ़ङ्‌पापाएदु खात्‍मा अ़ऱनिन।

छाम्‍माय़ङ 3:19

खोन्‌ओसा हेवा मुमा छिरानुम्‌कि निनाम्‍हाङ्‌एदा लासानिन, खोन्‍किना निनाम्‍हाङ्‌आ आम्‍नुओ हेवाचि ऩलेत्‍तिन्‍प़न।

रोमि 9:22

निनाम्‍हाङ्‌आ अ़चुच़ऱपा खोन्‍कि अ़चुसावा खाङ्‌मुमा म़स़नालो खोक्‍कोसाआ खाङ्‌मुमा अ़ऱ। मेन खाक्‍कोचि दन्‍दा प़मा खान्‍तुचिओ म़मुयाङ, दि खोक्‍को मो म़नाचिओ निम्‍पाङ अ़न्‍नुनु काहुङ ऩमुनिनिन?

२ कोरिन्‍थि 4:4

ओ हेन्‍खामादाओ माङ्‌आ साकोङ्‌छ़ङ मान्‍मुकादाचिओ अ़चुमिन्‍माचि दोप्‍म़क म़मेत्‍तुप़युङ्‌सुचिओसा ख्रिस्‍तओ साम्‍स़रिओ अ़चुनुय़ङ्‌खान खाङ्‌मादाङ्‌का म़छेक्‍तुचि। ख्रिस्‍त निनाम्‍हाङ्‌ओ अ़चुकात्‍मावा म़कात्‌याङ।

२ कोरिन्‍थि 6:17

खोन्‌ओसा निनाम्‍हाङ म़य़ङ्‌याङ, ‘मोचिओ अ़चुरादाङ्‌का लोन्‍ताबानानिन, खोन्‍कि मोचिएदाङ्‌का खानानिन फेआनिन्‍चिन, अ़सेङ्‌निनिन्‌ओ दित्‍छाङ मान्‍नोप्‌दानुम, खोन्‍कि अ़ङ्‌का खानानिन लोक्‍नानिन।’

गलाति 5:24

खोन्‍कि साङ्‌चि ख्रिस्‍त येसुओचि ओ, मोचिआ हेवामि च़माथाङ्‌मा मोसोओ अ़पोक मित्‍माचि खोन्‍कि अ़मिन्‍माचि क्रुस्‌दा अ़ख़न्‍तायुङ्‌सा।

फिलिप्‍पि 3:19

आदेङ्‌माङ निनाम्‍हाङ्‌आ मोचि म़लुक्‍तुचि, अ़चुबुक मोचिओ अ़चुमाङ ओ, खोन्‍कि मोचि लेजो य़ङ्‌चि म़मुओदा तोक्‍पो म़लि, खोन्‍कि मोचिओ अ़चुमिन्‍मा हेन्‍खामादाओ य़ङ्‌चिदा याक्‌याङ।

१ युहन्‍ना 5:19

आन्‍कान सिन्‍तुम्‌योम आन्‍कान निनाम्‍हाङ्‌ओ अ़चुछाचि ओ, खोन्‍कि झारा हेन्‍खामा सैतानाओ अ़क़म्‍मादा याक्‌याङ।

खाङ्‌मुमा 12:9

मिखाएल खोन्‍कि अ़काफाचिआ मो अ़धिवा प़ निनाम्‍मादुङ्‌का ह्‍युना अ़वेइसाधान्‍ता। मो बुयाओ अ़धिवा प़ ओ, मो झारा हेन्‍खामा काथेम्‍खान सैतानानिछाङ लो। मो हेन्‍खामादा वेइसाधान्‍ता खोन्‍कि मोसोओ झारा अ़काफाचिछाङ मोएनान अ़क्‍नि म़वेइसुधान्‍तुचि।

खाङ्‌मुमा 13:8

खोन्‍कि हेन्‍खामादा कायुङ झारा म़नाचिआ मो साक्‍स़ङ अ़ब़क। मोचिओ अ़चुऩङ हेन्‍खामा मुन्‍मा बुयादाङ्‌काङा ह़ङ्‌म़ङ्‌ओ छाप्‍लाखादा मान्‍छाप्‌युक्‍ता। मो छाप्‍लाखा म़सेराओ थुबाछाएदा याक्‌याङ।

खाङ्‌मुमा 20:15

साङ्‌कोओ अ़ऩङ ह़ङ्‌म़ङ्‌ओ छाप्‍लाखादा मान्‍छाप्‌याङ, मो लेराङाओ मिराक्‌दा वेइसादिसा।

खाङ्‌मुमा 20:3

मोसाआ मो अ़थेन मात्‍द़ङ्‌ओ हुत्‌यु वेइसुदिसु, खोन्‍कि मो छेक्‍तुकि अ़सेप्‍मा पाक्‍तु, खोन्‌ओसा अ़क हजाराकादोङ मान्‍तालायुक्‌ओन रावा-रावाचि मोसाआ अ़धान्‍तुन्‍चिन्‍ने। खोन्‍किना थुत्‍मेत्‍लोओ निम्‍पाङ मो फोङ।