मत्‍ति 6:9 - बान्‍तावा राई

⁹ खानानिन ओवात्‍नि यामारानिन: निनाम्‍मादु कायुङ आन्‍काओ पापा, आम्‍नुओ ऩङ सेङ्‌लो लिने,

मत्‍ति 6:9 ပူးပေါင်းရင်းမြစ်များ

मत्‍ति 10:29

दि अ़क फेक्‌दा ह्‍वातात खोक्‌वाचि अ़वाङ्‌चिन कि? मोचिएदाओ अ़क्‌तात्‌छाङ आम्‍नुओ निनाम्‍हाङ पापाओ अ़चुमिन्‍मा मात्‍द़ङ बाखादा अ़धानिन।

मत्‍ति 23:9

खानानिन हेन्‍खामादा साङ्‌छाङ ‘अ़ङ्‌पा’नि मान्‍लोदानुम, देकिनालो निनाम्‍मादु आम्‍नुओ पापा अ़क्‍छा ओन्‍ङा म़युङ्‌याङ।

मत्‍ति 26:29

अ़ङ्‌का खानानिन लोनानिन, अ़ङ्‌पापाओ अ़चुहाङ्‌होन्‌दु खानानिन्‌एनान अ़ऩङ्‌वा पाराआ मान्‍लादुङ्‌माङ अ़ङ्‌का हान मो लेन्‌तारि अङ्‌गुरा माङ्‌वा अ़लाऩङ्‌दुङ्‌ऩङ।”

मत्‍ति 26:42

येसु ह्‍वादुओदु म़लासाखाराकि याम़मारा, “आपो, अ़ङ्‌का ओ मान्‍दुङ्‌माङ अ़नुनिन्‌नालो आम्‍नुओ मित्‍मा तालाने।”

मत्‍ति 5:16

ओवात्‍निङा आम्‍नुओ साम म़नाचिओ अ़चुबुदा लेत्‍ने, खोन्‍कि मोचिआ आम्‍नुओ अ़नुवाक काचि अ़खाङ्‌ने खोन्‍कि निनाम्‍मादुओ आम्‍नुओ पापाओ अ़चुऩङ अ़लोङ्‌ने।

मत्‍ति 5:48

खोन्‌ओसा निनाम्‍मादु कायुङ आम्‍नुओ पापा देत्‍नि अ़नुवाक म़मुयाङ, खानानिन्‌छाङ मोवात्‍निङा अ़नुवाक लिसानिन।”

मत्‍ति 6:14

खानानिन्‌आ म़नाचिओ अ़चुहेवाचि त़लेत्‍तुम्‍च़म्‌नालो निनाम्‍मादु कायुङ आम्‍नुओ पापाआछाङ आम्‍नुओ हेवाचि ऩलेत्‍तिन्‍प़न।

मत्‍ति 6:6

मेन खानानिन यात़मारिन्‌येन्‌हिदा आम्‍नुओ खिम्‍हुत्‌दा वाङानिन, खोन्‍कि लाप्‍तिखोप खोप्‍तानुम्‌कि सुकुलादा कायुङ आम्‍नुओ पापाएदा यामारानिन, खोन्‍किना खानानिन दे त़च़न्‌येन्‌ओ मो सुकुलादा काखाङ निनाम्‍मादुओ आम्‍नुओ पापाआ खानानिन सिरिफा ऩप़न।

मत्‍ति 7:11

मोवात्‍नि खानानिन अ़अ़त्‍पा त़मुन्‌येन्‌नुछाङ आम्‍नुओ छाचि अ़नुवाक सामाचि प़मा त़लेसिन्‌येन्‌नालो आम्‍नुओ निनाम्‍मादुओ पापाआ खोक्‍कोएदा कादोत्‌चि देम च़लोक अ़नुवाक सामाचि म़प़चि?

लुका 15:18

अ़ङ्‌का छिरुङ्‌दाङ्‌कि अ़ङ्‌पाओ अ़खिम्‌दा लाङाखात्‍ङा, खोन्‍कि खो लोङ, आपो, अ़ङ्‌का निनाम्‍हाङ खोन्‍कि आम्‍नुओ देङ्‌सालाप्‍पादा हेवा मुङ्‌युङ्‌सुङ।

लुका 15:21

अ़छाआ अ़पा लो, ‘आपो, अ़ङ्‌का निनाम्‍हाङ खोन्‍कि आम्‍नुओ देङ्‌सालाप्‍पादा हेवा मुङ्‌युङ्‌सुङ। हान्‌दाङ्‌का अ़ङ्‌का आम्‍नुओ छानि लोमाङा अ़खान्‍ऩङ।’

लुका 2:14

“झारादाङ्‌का धानि निनाम्‍मादु निनाम्‍हाङ्‌ओ अ़चुऩङ लोङ्‌ने, खोन्‍कि हेन्‍खामादा खाक्‍को म़नाचिएनान निनाम्‍हाङ्‌ओ अ़चुऩङानुयाङ, मोचिओ अ़चुमिन्‍मा चानुलो लिने।”

युहन्‍ना 20:17

येसुआ मो अ़लोवा, “अ़ङ्‌का मान्‍लाप्‌युङ्‌दाङ, देकिनालो अ़ङ्‌का ओन्‍ग़रितारि निनाम्‍हाङ पापाएदु मान्‍खात्‌युक्‍ङा। अ़ङ्‌निछाचिएदा खाराकि मोचि खाएत्‍तुचि, ‘अ़ङ्‌पापा खोन्‍कि आम्‍नुओ पापा खोन्‍कि अ़ङ्‌निनाम्‍हाङ खोन्‍कि आम्‍नुओ निनाम्‍हाङ्‌एदा खात्‍ङाङा।’”

रोमि 1:7

रोम्‌दा कायुङ खानानिन झारा अ़ङ्‌का छाप्‍नाङ्‌नानिन, निनाम्‍हाङ्‌आ सोमाऩतुक्‍तिन्‌येन्‌ओचि, खानानिन निनाम्‍हाङ्‌ओ अ़चुम़नाचि लिसि ऩबुत्‍तिन्‌युङ्‌सिन: आन्‍पापा निनाम्‍हाङ खोन्‍कि हाङ्‌पा येसु ख्रिस्‍तएदाङ्‌का खानानिन्‌आ सोम्‍तुक्‍मा खोन्‍कि सेवाङ्‌नि त़तोक्‍तुम्‍ने।

रोमि 8:15

देकिनालो किन्‍माकि हारुक मुमा लावा खानानिन्‌आ मान्‍तोक्‍त़युक्‍तुम, मेन तात्‍मा छा लिमाओ निम्‍पाङ निनाम्‍हाङ्‌ओ अ़चुलावा त़तोक्‍तुम्‌युङ्‌सुम। खोन्‌ओसा निनाम्‍हाङ लावालाम्‍पा आन्‍कान निनाम्‍हाङ “अब्‍बा! आपो!”नि बुत्‍तुम।

गलाति 1:1

अ़ङ्‌का पावल, ख्रिस्‍तओ अ़क्‍छा अ़चुछाम्‍माय़ङ, खोक्‍को म़नाचिएदाङ्‌का माङ्‌लो खोक्‍को म़नालाम्‍पा अ़छुत्‍ताओ माआङ, मेन येसु ख्रिस्‍त खोन्‍कि आन्‍निनाम्‍हाङ पापा, साङ्‌आ येसु ख्रिस्‍त म़सुवादाओदाङ्‌का अ़खोन्‍तालोइसा खोक्‍कोसाआङा ऩछुत्‍ताङ्‌ओ।

गलाति 4:6

खानानिन निनाम्‍हाङ्‌ओ अ़चुछाचि त़लिसिन्‌ओसा, निनाम्‍हाङ्‌आ अ़चुछाओ अ़चुलावा आन्‍साकोङ्‌वादा म़पाक्‍तापुवा, मो लावाआ “अब्‍बा, आपो!”नि य़ङ्‌सा अ़बुत।

१ तिमोथि 6:16

खोक्‍को ओन्‍ङा अ़धुन काह़ङ्‌युङ म़युङ्‌याङ, खोन्‍कि खोक्‍को साम्‌दा म़याक, खोक्‍कोसोओ अ़चुसाम्‌दा साङ्‌छाङ खात्‍मा अ़ऱन्‍मिन। खोक्‍को साङ्‌आछाङ देम्‍खाछाङ मान्‍खाङ्‌युक्‍तु माङ्‌लो साङ्‌आछाङ खोक्‍को खाङ्‌मा अ़ऱन। खोक्‍कोसोओ अ़चुसाऩङ्‌वा लिने खोन्‍कि खोक्‍को अ़धुन सावापोरिओ म़मुने! मोवात्‍निङा लिने।

१ पत्रुस 1:17

साङ्‌लिप्‍पाछाङ मान्‌वाङ्‌माङ झारासोओ काचिदा छ़ङ्‌काछेन निनाम्‍हाङ खानानिन्‌आ “आपो”नि य़ङ्‌सा त़ब़क्‍तुम्‌नालो ओ हेन्‍खामादा निहेन्‍कोप्‌दाओवा त़युङिन्‌येन्‌हिदा आम्‍नुओ च़माथाङ्‌मादा खोक्‍को साया मेत्‍तानुम।

खाङ्‌मुमा 4:11

“आन्‍काओ हाङ्‌पा खोन्‍कि निनाम्‍हाङ, खानानिन ऩङ्‌लोङ्‌मा, साया खोन्‍कि सावा लोक्‍मा त़खान्‍तिन्‌ओ त़मुन्‌येन, देकिनालो खानानिन्‌आङा झारा सामाचि त़मुयुम्‍च़मओ, खोन्‍कि आम्‍नुओ मिन्‍मावा मोचि म़लिसाओ खोन्‍कि म़मुयाओ।”

खाङ्‌मुमा 5:12

मोचि अ़धिवा य़ङ्‌दा छाम म़लुवाङाओ अ़ङ्‌का एनुङ्‌च़ङ। “सेत्‍माय़ङ थुबाछा सावा, चासुम्‍छेन्‍बि, खारु, खोन्‍कि ऱमा, साऩङ्‌वा, साम खोन्‍कि चोन्‍मा लोक्‍माखान्‍तुओ म़मुयाङ!”