मत्‍ति 6:5 - बान्‍तावा राई

⁵ खानानिन यात़मारिन्‌येन्‌हिदा कोङ्‌क़त्‌वाचिवा यामान्‍मात्‌दानिन, देकिनालो मोचि यावायोक्‍खिम्‌चिदा खोन्‍कि लाम्‌चिदात्‍निओ खुचुरोङ्‌चिदा म़नाचिआ अ़खाङ्‌ने निकिना एप्‌याङ्‌सा यामात्‍मा अ़चुऩङानु। अ़नुछ्‍या, अ़ङ्‌का खानानिन लोनानिन, मोचिआ अ़चुसिरिफा अ़तोक्‍ताचिआयुङ्‌सा।

मत्‍ति 6:5 ပူးပေါင်းရင်းမြစ်များ

मत्‍ति 21:22

साकोङ्‌छ़ङ त़मुन्‍कि खानानिन यात़मारिन खोन्‍कि दि त़दोरुम मो खानानिन त़तोक्‍तुम।”

मत्‍ति 23:13

अ़चाअ़त्‍मादा त़छुक्‍तिन खानानिन य़ङ्‌हुप काचिन्‍पाचि खोन्‍कि फरिसिचि ओ! खानानिन कोङ्‌क़त्‌वाचि ओ! देकिनालो खानानिन्‌आ म़नाचिओ अ़चुबुदा निनाम्‍हाङ्‌होन्‌ओ अ़लाप्‍तिखोप त़छेक्‍तुम्‌योम। ना खानानिन त़वाङिन ना वाङ्‌मा कालाम्‌चि वाङ्‌मा त़प़म्‍च़म।

मत्‍ति 23:5

मेन मोचिओ झारा अ़चुकाचि म़नाचि खाङ्‌मेत्‍मा निम्‍पाङ म़मु। देकिनालो मोचिओ अ़चुत़ऱबुप खोन्‍कि धिछुक्‌दाओ य़ङ्‌हुप छाप्‍लावा अ़धिवा अ़मु, खोन्‍कि अ़चुतित्‌चिओ झुम्‌युक्‌वाचि म़किसुचि।

मत्‍ति 23:6

मोचि खाबाचा चाखाचिदा सायातोक्‍खादा युङ्‌मा खोन्‍कि यावायोक्‍खिम्‌चिदा मुलो युङ्‌खाचिदा युङ्‌मा ऩङाम़नु।

मत्‍ति 6:1

“चाप्‍चेत्‍नान्‍चिन्‍सा युङानिन, खानानिन म़नाचिओ अ़चुबुदा खाङ्‌मेत्‍माचि निम्‍पाङ साम्‌योक्‍मि काचि मान्‍मुदानिन। मोवात्‍नि त़च़न्‌नालो निनाम्‍मादु कायुङ आम्‍नुओ पापाएदाङ्‌का खानानिन्‌आ सिरिफा त़तोक्‍तिमिन।

मत्‍ति 6:16

खानानिन मान्‍चामाङ त़युङिन्‌हिदा कोङ्‌क़त्‌वाचिवात्‍नि आम्‍नुओ ङाइवा मान्‍सेत्‌दानुम। देकिनालो मोचिआ मान्‍चामाङ युङ्‌माय़ङ म़नाचि खाङ्‌मेत्‍माचि निम्‍पाङ मोचिओ अ़चुङाइवाचि म़सेरुचि। अ़नुछ्‍या अ़ङ्‌का खानानिन लोनानिन, मोचिआ अ़चुसिरिफा अ़तोक्‍ताचिआयुङ्‌सा।

मत्‍ति 6:2

खोन्‌ओसा खानानिन मान्‍तोक्‍कादा म़नाचि त़प़म्‍च़म्‌हिदा आम्‍नुओ बुदा थुथुरि मान्‍मुत्‌दानुम, मोवात्‍नि ना यावायोक्‍खिम्‌चिदा खोन्‍कि लाम्‌चिदा म़नाचिएदाङ्‌का चोन्‍लुमाओ निम्‍पाङ कोङ्‌क़त्‌वाचि म़च़। अ़नुछ्‍या, अ़ङ्‌का खानानिन लोनानिन, मोचिआ अ़चुसिरिफा अ़तोक्‍ताचिआयुङ्‌सा।

मत्‍ति 9:38

खोन्‌ओसा चाखाओ अ़चुहाङ्‌पाएदा यामारानिन, खोन्‍कि खोक्‍कोसाआ अ़चुओ चाखादा काचि कामुचि म़छुत्‍तुचिने।”

मर्कुस 11:25

खोन्‍कि खानानिन यामात्‍सि त़पुइन्‍लोन्‍तिन्‌हिदा खाक्‍कोसोओ अ़देङ्‌सालाप्‍पादा आम्‍नुओ दिदिचि म़युङ्‌याङ्‌नालो लेत्‍तापुवानुम्‍च़म, खोन्‍किना निनाम्‍मादुओ आम्‍नुओ पापाआछाङ आम्‍नुओ हेवाचि ऩलेत्‍तिन्‍प़न।

मर्कुस 12:38

येसुआ म़चिन्‍तुङुचिहिदा खोक्‍कोसाआ म़लोचि, “य़ङ्‌हुप काचिन्‍पाचिदाङ्‌का चाप्‍चेत्‍तानिन्‍चिन, मोचि झोम्‍लोङ्‌लोङ्‌वाओ तित्‌चि म़हुम्‍सुचिकि ओह्‍यात्‍नि-मोह्‍यात्‍नि म़कोन, खोन्‍कि हाताचिदा म़नाचिआ साऩङ्‌वाओ सेवा म़मेत्‍तुचिओ अ़चुऩङानु।

लुका 11:43

अ़चाअ़त्‍मादा त़छुक्‍तिन, खानानिन फरिसिचि ओ! देकिनालो खानानिन यावायोक्‍खिम्‌चिदा मुलो युङ्‌खाचिदा खोन्‍कि हाताचिदा म़नाचिआ साऩङ्‌वाओ सेवा ऩमेत्‍तिन्‌ओ ऩङात़नुसिन।

लुका 18:1

अ़चुकाखेङ्‌पाचि अ़धुन याम़मात्‌युङ्‌ने खोन्‍कि अ़चुमिन्‍मा अ़स़निन्‍ने निकिना येसुआ मोचि अ़क्‌तात दोय़ङ्‌ला खाम़एत्‍तुचि।

लुका 18:13

मेन दाम्‍दु कालात अ़थाया एवाकि नाम्‍चोक्‌दुत्‍नि खाङ्‌माछाङ राक मान्‍मुमाङ अ़कोङ्‌कोम धात्‌याङ्‌सा ओवात्‍नि य़ङा, ‘निनाम्‍हाङ, अ़ङ्‌का हेवामिएदा सोमातुक्‍ताङ्‌ऩङ।’

लुका 20:47

मोचिआ मेन्‍मित्‍माचिओ अ़चुखिम्‌चिदाओ चासुम्‍छेन्‍बिचि म़च़न्‍तुखात्‍तुप़चि, खोन्‍कि खाङ्‌मुमाओ निम्‍पाङ ब़द्‍धे मेत्‍लोदा याम़मात। ओ म़नाचिआ ब़द्‍धे चाअ़त्‍लो दन्‍दा अ़तोक।”

लुका 6:24

मेन अ़चाअ़त्‍मादा त़छुक्‍तिन कातोक म़नाचि ओ! देकिनालो खानानिन्‌आ आम्‍नुओ सोम्‍सुवाओ ह़ङ्‌म़ङ झारा त़तोक्‍तुम्‌चिउम।

युहन्‍ना 16:24

ओन्‍ग़रितारि खानानिन्‌आ अ़ङ्‌ऩङ्‌दा दित्‍छाङ मान्‍दोत्‍त़युक्‍तुम। दोरानुम खोन्‍किना खानानिन्‌आ त़तोक्‍तुम। ओवात्‍नि आम्‍नुओ ऩङानुमा तालाने।

एफिसि 6:18

अ़धुन यामात्‍मा खोन्‍कि निनाम्‍हाङ्‌एदा फालुयाङ्‌सा सेङ्‌लावादा यामारानिन। ओ मित्‍चिऩङ्‌ओ निम्‍पाङ, चाप्‍चाप्‍चाप्‌वा युङानिन, खोन्‍कि झारा निनाम्‍हाङ्‌ओ अ़चुम़नाचिओ निम्‍पाङ यामारायुङ्‌सानिन।

१ थेसलोनिकि 5:17

अ़धुन यामारायुङ्‌सानिन,

याकुब 4:6

मेन खोक्‍कोसाआ अ़न्‍नुनु च़लोक सोमाम़तुक। खोन्‌ओसा साम्‍कालिन ओवात्‍नि य़ङ, “निनाम्‍हाङ्‌आ ऱफोक्‌वा, फित्‍चि अ़मु, मेन कासिम्‍नान्‍चिन्‌चि सोमाअ़तुक।”