मत्‍ति 6:1 - बान्‍तावा राई

¹ “चाप्‍चेत्‍नान्‍चिन्‍सा युङानिन, खानानिन म़नाचिओ अ़चुबुदा खाङ्‌मेत्‍माचि निम्‍पाङ साम्‌योक्‍मि काचि मान्‍मुदानिन। मोवात्‍नि त़च़न्‌नालो निनाम्‍मादु कायुङ आम्‍नुओ पापाएदाङ्‌का खानानिन्‌आ सिरिफा त़तोक्‍तिमिन।

मत्‍ति 6:1 ပူးပေါင်းရင်းမြစ်များ

मत्‍ति 16:27

देकिनालो म़नाओ अ़छा अ़चुपापाओ अ़चुसाम्‌दा निनाम्‍हाङ काफाचिएनान य़, खोन्‍कि मोन्‍ग़रि खोसाआ झारा म़नाचिआ अ़मुवाओ अ़चुकाचिवाको सिरिफा म़प़चि।

मत्‍ति 16:6

येसुआ मोचि म़लोचि, “चाप्‍चाप्‍चाप्‌वा युङ्‌निन, फरिसि खोन्‍कि सदुकिचिओ खमिरादाङ्‌का चाप्‍चेत्‍तानिन्‍चिन।”

मत्‍ति 23:13

अ़चाअ़त्‍मादा त़छुक्‍तिन खानानिन य़ङ्‌हुप काचिन्‍पाचि खोन्‍कि फरिसिचि ओ! खानानिन कोङ्‌क़त्‌वाचि ओ! देकिनालो खानानिन्‌आ म़नाचिओ अ़चुबुदा निनाम्‍हाङ्‌होन्‌ओ अ़लाप्‍तिखोप त़छेक्‍तुम्‌योम। ना खानानिन त़वाङिन ना वाङ्‌मा कालाम्‌चि वाङ्‌मा त़प़म्‍च़म।

मत्‍ति 23:5

मेन मोचिओ झारा अ़चुकाचि म़नाचि खाङ्‌मेत्‍मा निम्‍पाङ म़मु। देकिनालो मोचिओ अ़चुत़ऱबुप खोन्‍कि धिछुक्‌दाओ य़ङ्‌हुप छाप्‍लावा अ़धिवा अ़मु, खोन्‍कि अ़चुतित्‌चिओ झुम्‌युक्‌वाचि म़किसुचि।

मत्‍ति 25:40

खोन्‍किना हाङ्‌आ मोचि म़लोचि, ‘अ़नुछ्‍या, अ़ङ्‌का खानानिन लोनानिन, खानानिन्‌आ ओ अ़ङ्‌निछाचिएदाङ्‌का झारादा अ़चुप्‍पो अ़क्‍छा देत्‍नि त़मुम, मो खानानिन्‌आ अ़ङ्‌काङा त़मुवाङ्‌ऩङ्‌ओ।’

मत्‍ति 5:16

ओवात्‍निङा आम्‍नुओ साम म़नाचिओ अ़चुबुदा लेत्‍ने, खोन्‍कि मोचिआ आम्‍नुओ अ़नुवाक काचि अ़खाङ्‌ने खोन्‍कि निनाम्‍मादुओ आम्‍नुओ पापाओ अ़चुऩङ अ़लोङ्‌ने।

मत्‍ति 5:46

खानानिन सोमाकातुक्‌चि ओन्‍ङा सोमात़तुक्‍तुम्‍च़म्‌नालो खानानिन्‌आ दिसु सिरिफा त़तोक्‍तुम कि? दाम्‍दु कालात्‌चिछाङ मोवात्‍नि ना म़च़!

मत्‍ति 5:48

खोन्‌ओसा निनाम्‍मादु कायुङ आम्‍नुओ पापा देत्‍नि अ़नुवाक म़मुयाङ, खानानिन्‌छाङ मोवात्‍निङा अ़नुवाक लिसानिन।”

मत्‍ति 6:16

खानानिन मान्‍चामाङ त़युङिन्‌हिदा कोङ्‌क़त्‌वाचिवात्‍नि आम्‍नुओ ङाइवा मान्‍सेत्‌दानुम। देकिनालो मोचिआ मान्‍चामाङ युङ्‌माय़ङ म़नाचि खाङ्‌मेत्‍माचि निम्‍पाङ मोचिओ अ़चुङाइवाचि म़सेरुचि। अ़नुछ्‍या अ़ङ्‌का खानानिन लोनानिन, मोचिआ अ़चुसिरिफा अ़तोक्‍ताचिआयुङ्‌सा।

मत्‍ति 6:9

खानानिन ओवात्‍नि यामारानिन: निनाम्‍मादु कायुङ आन्‍काओ पापा, आम्‍नुओ ऩङ सेङ्‌लो लिने,

मर्कुस 8:15

खोन्‍कि खोचिआ वाताम्‍खा अ़धेराङाहिदा येसुआ चाप्‍म़चेत्‍तुचि खोन्‍कि मोचि म़लोचि, “चाप्‍चाप्‍चाप्‌वायुङ्‌निन! फरिसिचि खोन्‍कि हेरोद आन्‍तिपास्‌ओ खमिरादाङ्‌का रात्‍तानिन्‍चिन।”

लुका 11:35

चाप्‍चेत्‍तान्‍चिन, खानाएदा याक्‌याङ्‍ओ साम कुन्‌यामा अ़लिनिन्‍ने।

लुका 12:1

मोवात्‍नि लिसाङाहिदा मोदा ब़द्‍धेकाहजाराओ मुक्‍ला म़कोवान्‍चिन्‌ओसा अ़क्‍छा निएदा नेप्‍कानेप मुमा अ़पुङ्‌सा। येसुआ बुया अ़चुकाखेङ्‌पाचि लोमा म़पुङ्‌सुचि, “फरिसिचिओ खमिरादाङ्‌का चाप्‍चेत्‍तानिन्‍चिन। मोवात्‍नि च़मा मोचिओ कोङ्‌क़त्‌वा काचि ओ।

लुका 12:15

खोन्‍कि येसुआ मोचि म़लोचि, “चाप्‍चेत्‍तानिन्‍चिन! झाराकापाराओ च़क्‍ख़य़दाङ्‌का रात्‍तानिन्‍चिन। देकिनालो चासुम्‍छेन्‍बि देम च़लोक लिनुछाङ मोसाआ म़ना अ़ह़ङ्‌सुन।”

लुका 16:15

खोन्‍कि येसुआ म़लोचि, “खानानिन म़नाचिओ अ़चुबुदा आप्‍पि निनाम्‍हाङ्‌ओ अ़मिन्‍मावा काच़वात्‍नि खाङ्‌त़मुसिन्‍चिन, मेन निनाम्‍हाङ्‌आ आम्‍नुओ साकोङ्‌वा अ़सिन्‌याङ। म़नाचिआ दि तोक्‍पोनि अ़मित, मो निनाम्‍हाङ्‌आ अ़चुचिप्‍मा अ़कात।

युहन्‍ना 12:43

देकिनालो निनाम्‍हाङ्‌आ प़माय़ङ सायादाङ्‌का म़नाचिआ प़माय़ङ साया तोक्‍मा मोचिओ च़लोक अ़चुऩङा नुवाङा।

युहन्‍ना 5:44

खानानिन अ़क्‍छा निएदाङ्‌का साऩङ्‌वा तोक्‍मा त़लामिन, मेन अ़क्‍छा ओन्‍ङा निनाम्‍हाङ्‌एदाङ्‌काओ साऩङ्‌वा तोक्‍मा त़लामिमिन्‌नालो देत्‍नि अ़ङ्‌का साकोङ्‌छ़ङ मुमा त़ऱनि?

छाम्‍माय़ङ 3:12

पत्रुस्‌आ मो म़नाचि खाचिकि मोचि लोचि, “इस्राएलि अ़ङ्‌यावाचि ओ, ओ पेसोला म़ना नुवाओदा देकि खानानिन त़दोम्‍तिन्‍दान्‌येन? खोन्‍कि खानानिन देकि आन्‍काच्‍याएदात्‍नि होन्‍नि त़चोप्‍निङ्‌नि? आन्‍काच्‍या आन्‍चुवाओ सावा खोन्‍कि साम्‌योक्‌आ ओ काकोन मुवाचुवाओनि खानानिन त़मिनिन्‌येन?

गलाति 6:12

ख्रिस्‍तओ अ़चुक्रुस्‌ओ अ़तुक्‌वाआ दुखादा ऩछुक्‍निन्‍ने निम्‍पाङ पोक्‌दा नुलोक खाङ्‌मुमान्‍चिन कालाम्‌चिआ खानानिन सिप्‍मायाम्‍बुन पाक्‍मा राकाङ्‌थेत्‍नि ऩमुन।

हिब्रु 11:26

मिस्र हेन्‍कोप्‌दाओ चासुम्‍छेन्‍बिदाङ्‌का ख्रिस्‍तओ निम्‍पाङ सुङ्‌लुमा मोसाआ तोक्‍पो अ़लुङ्‌ओ चासुम्‍छेन्‍बिनि मित्‍तु। देकिनालो ओ खोसाआ सिरिफादात्‍नि खा।

हिब्रु 2:1

खोन्‌ओसा आन्‍कान दि एनुम्‌युङ्‌सुम, मोदा आन्‍कान च़लोक मिन्‍मा पाक्‍मादोत। मोवात्‍निनालो आन्‍कान मोदाङ्‌का अ़थेमिन्‍खारिमिन।

हिब्रु 6:10

निनाम्‍हाङ नुलोक छ़ङ्‌काछेन म़मुयाङ। खोक्‍कोसाआ आम्‍नुओ काचि खोन्‍कि निनाम्‍हाङ्‌ओ अ़चुम़नाचि ब़त्‍मा काचिलाम्‍पा खानानिन्‌आ निनाम्‍हाङ खाङ्‌त़मुसुम्‌ओ खोन्‍कि खाङ्‌त़मुसुम्‌योम्‌ओ सोम्‍तुक्‍मा ऩमान्‍तुन्‍केसुन।

२ युहन्‍ना 1:8

खोन्‌ओसा चाप्‍चेत्‍तानिन्‍चिन, दिसु य़ङ्‌ओ निम्‍पाङ आन्‍कान काचि मुम्‌ओ मो मान्‍मादानुम, मेन झारा सिरिफा कातोक त़लिसिन्‍ने।