मत्‍ति 5:8 - बान्‍तावा राई

⁸ सेङ्‌याङ्‌ओ अ़चुसाकोङ्‌वा याक्‌याङ्‌ओचि आसिखा कातोक्‌चि ओ, देकिनालो मोचिआ निनाम्‍हाङ अ़खाङ।

मत्‍ति 5:8 ပူးပေါင်းရင်းမြစ်များ

छाम्‍माय़ङ 15:9

निनाम्‍हाङ्‌आ आन्‍कान यहुदिचि खोन्‍कि निरावाचि मान्‍हाम़दोचि, देकिनालो येसुएदा साकोङ्‌छ़ङ म़मुवाकि मोचिओ अ़चुसाकोङ्‌वा म़सेङ्‌सुप़चि।

१ कोरिन्‍थि 13:12

ओन्‍ग़रि आन्‍कान दर्पनादावा थेम्‍बुवारिरि खाम, मेन मोन्‍ग़रि छेङ्‌छेङ्‌छेङ्‌वा खाङ्‌मुन। ओन्‍ग़रि अ़ङ्‌का अ़क्‍चिलोक ओन्‍ङा तुप्‍तुङ, देत्‍नि निनाम्‍हाङ्‌आ अ़ङ्‌का नुलोक ऩसिन्‍ताङ्‌युङ्‌साङ मोवात्‍नि मोन्‍ग़रि अ़ङ्‌का झारा तुप्‍तुङ।

२ कोरिन्‍थि 7:1

खोन्‌ओसा सोमातुक्‍निङ्‌निओ यावाचि ओ, आन्‍कान्‌एदाओ हिप्‍माय़ङ्‌चि म़युङ्‌याङ्‌ओसा आन्‍पोक खोन्‍कि आन्‍लावा झारा पोप्‍मादाङ्‌का आन्‍कान आप्‍पि सेङ्‌सिन्‍चिन्‍ने, खोन्‍कि निनाम्‍हाङ्‌ओ अ़चुकित्‍मादा झारा सेङिन्‍ने।

तितस 1:15

म़सेङ्‌याङ्‌ओ म़नाचिओ निकि झारा सामाचि म़सेङ्‌याङ्‌ङा, मेन ऩसेङ्‌निन्‌ओ खोन्‍कि साकोङ्‌छ़ङ मान्‍मुकादाचिओ निकि दिचिछाङ ऩसेङ्‌निनिन देकिनालो मोचिओ अ़चुमिन्‍मा खोन्‍कि साकोङ्‌वाङा अ़सेङ्‌निन्‍लो मुयाङ।

हिब्रु 10:22

खोन्‌ओसा आन्‍कान सेङ्‌याङ्‌ओ साकोङ्‌वा खोन्‍कि अ़छ़ङ साकोङ्‌छ़ङ मुन्‌कि निनाम्‍हाङ्‌ओ अ़चुबुदा खारिन्‍ने। देकिनालो आन्‍छेन्‍खातायाचि ख्रिस्‍तओ अ़चुह़आ सेङ्‌माचि निकिना म़रेप्‍तायुङ्‌सा, खोन्‍कि आन्‍पोक्‌चि सेङ्‌याङ्‌ओ चाक्‌वाआ वाम़स़त्‍तापुवायुङ्‌सा।

हिब्रु 12:14

झारा म़नाचिएनान नुलोक तोङानिन्‌कि युङानिन। सेङ्‍ओ ह़ङ्‌म़ङ ह़ङानिन। सेङ्‌लो मान्‍ह़ङ्‌माङ साङ्‌आछाङ हाङ्‌पा अ़खान।

हिब्रु 9:14

ओ अ़छ़ङ य़ङ ओनालो, ख्रिस्‍तओ अ़चुह़आ देम च़लोक आन्‍छेन्‍खाताया हेवा काचिचिदाङ्‌का सेङ, खोन्‌ओसा आन्‍कान अ़ह़ङ निनाम्‍हाङ ब़क्‍मा ऱम। देकिनालो खोक्‍कोसाआ अ़धुन्‌ओ लावाओ सावाआ आप्‍पि अ़च़क़ल़क हेन्‍खोक्‌वा म़लिसाकि निनाम्‍हाङ अ़पुवालावा।

याकुब 3:17

मेन निनाम्‍मादुङ्‌का य़ओ खारु बुयाङा अ़च़क़ल़क खोन्‍कि मो तोङ्‌मा काऱ मु, हुङ्‌मा काऱ मु, लोमावा काकाङ मु, सोमाकातुक मु, अ़नुवाक सिवा कासि मु, लिप्‍पा मान्‌वाङ्‌कादा मु खोन्‍कि कोङ्‌क़त्‌वा अ़मुनिन।

याकुब 4:8

निनाम्‍हाङ्‌ओ अ़चुच़क्‌दा तानिन, खोन्‍कि खोक्‍को आम्‍नुओ च़क्‌दा म़ता। खानानिन हेवामिचि ओ! आम्‍नुओ छुक वासुवानुम। कोङ्‌क़त्‌वा म़नाचि ओ! आम्‍नुओ साकोङ्‌वा सेङ्‌सानुम।

१ पत्रुस 1:22

हान खानानिन अ़छ़ङ य़ङ्‌दा लोमाय़ङ्‌वा त़च़न्‌किना आम्‍नुओ मिन्‍मा त़सेङ्‌सुम्‌ओसा आम्‍नुओ साकोङ्‌छ़ङ कामु यावाचि सोमातुक्‍तानुम्‍च़म। अ़क्‍छा निएदा साकोङ्‌वादाङ्‌का राक्‌एनान सोम्‍तुक्‍मुवानिन।

खाङ्‌मुमा 22:4

मोचिआ खोक्‍कोसोओ अ़चुङाइवा अ़खाङ, खोन्‍कि निनाम्‍हाङ्‌ओ अ़चुऩङ म़नाचिओ अ़चुत़ऱबुप्‌चिदा छाप।