मत्‍ति 5:4 - बान्‍तावा राई

⁴ सोखा कामुचि आसिखा कातोक्‌चि ओ, देकिनालो निनाम्‍हाङ्‌आ मोचि अ़चुसोम्‍म़सेत्‍तुचि।

मत्‍ति 5:4 ပူးပေါင်းရင်းမြစ်များ

लुका 16:25

मेन अब्राहाम्‌आ मो लो, ‘अ़ङ्‌छाओ, मित्‍तु। खाना आम्‍ह़ङ्‌म़ङ्‌दा अ़नुवाक-अ़नुवाक सामाचि त़याङुचि, मेन लाजरस्‌आ ना अ़न्‍नुनु चाअ़त्‍लो दुखा आङ्‌तु। खोन्‌ओसा हान ओदा लाजरस अ़ऩङानुयाङ्‌सा चानुलो युङ्‌याङ खोन्‍कि खाना अ़न्‍नुनु चाअ़त्‍लो दुखा त़तोक्‌याङ।

लुका 6:21

ओन्‍ग़रि साकास़चि, खानानिन आसिखा कातोक्‌चि ओ, देकिनालो आम्‍नुओ बुक खा। ओन्‍ग़रि खानानिन काखाप्‌चि ओ, खानानिन आसिखा कातोक्‌चि ओ, देकिनालो खानानिन त़इन।

लुका 6:25

अ़चाअ़त्‍मादा त़छुक्‍तिन ओन्‍ग़रि बुक काखाचि ओ! देकिनालो खानानिन मान्‍चामाङ त़युङिन। अ़चाअ़त्‍मादा त़छुक्‍तिन ओन्‍ग़रि काइचि ओ! देकिनालो खानानिन त़खाविन खोन्‍कि त़पारिन।

लुका 7:38

खोन्‍कि खो येसुओ अ़चुदेङ्‌दा अ़चुलाङ च़क्‌दा एवाकि खावा, खोन्‍किना अ़म़क्‌वाआ येसुओ अ़लाङ वापोक्‍मा पुक्‍तु। खोन्‍कि खोक्‍कोसोओ अ़चुलाङ अ़ताङ्‌मुवाआ त़क्‍तुप़किना चुप्‍मा मेत्‍तु खोन्‍कि मो नाम्‍नुवाङाओ आक्‌वा थोक्‍तु प़।

लुका 7:50

येसुआ मो मेत्‍छामा अ़लोवा, “खाना साकोङ्‌छ़ङ त़मुवाओसा निनाम्‍हाङ्‌आ खाना ऩलेइसायुङ्‌सा। हान मिन्‍राक मान्‍मुमाङ खारा।”

याकुब 1:12

चिन्‍माखाङ्‌मा काआङ म़नाआङा आसिखा तोक्‍तु। देकिनालो चिन्‍माखाङ्‌मा खोसाआ आङ्‌तुओसा खोसाआ ह़ङ्‌म़ङ्‌ओ मो ताङ्‌बोप्‍खा तोक्‍तु, निनाम्‍हाङ्‌आ खोक्‍को सोमाकातुक्‌चि मो प़माचि निम्‍पाङ म़हिप्‍तुयुङ्‌सुचि।

खाङ्‌मुमा 21:4

खोक्‍कोसाआ मोचिओ अ़चुम़क्‌दाओ अ़चुम़क्‌वा झारा म़त़क्‍तुप़चि। मोदा स़माङा मात्‍द़ङ, खोन्‍कि सोखा, खाप्‍मा खोन्‍कि योक्‍माछाङ अ़लिनिन। देकिनालो बुयाओ य़ङ्‌चि म़खाराचिआ।”