मत्‍ति 4:18 - बान्‍तावा राई

¹⁸ येसु गालिल धियाङ्‌वामाओ अ़केम्‌दा म़कोलाङाहिदा खोक्‍कोसाआ पत्रुस्‌नि लोवाङाओ सिमोन खोन्‍कि खोसोओ अ़निछा अन्‍द्रियास ह़वाङ्‌माङ धियाङ्‌वामादा बोप्‍छ़क वेत्‍ताङाचिओ म़खाचि, देकिनालो खोचि ङा कालाप्‌चि ओ।

मत्‍ति 4:18 ပူးပေါင်းရင်းမြစ်များ

मत्‍ति 10:2

बारकापाङ छाम्‍माय़ङ्‌चिओ अ़चुऩङ्‌चि ओचिङा ओ, बुया पत्रुस्‌नि लोवाङाओ सिमोन खोन्‍कि खोसोओ अ़निछा अन्‍द्रियास, जब्‍दियाओ अ़छा याकुब खोन्‍कि खोसोओ अ़निछा युहन्‍ना,

मत्‍ति 15:29

येसुआ मो धिखाहुप अ़छिरादाकि गालिल धियाङ्‌वामाओ अ़केम लियाङ्‌सा म़खारा। खोन्‍किना खोक्‍को भ़ऱदु म़लोन्‍ता, खोन्‍कि म़युङा।

मत्‍ति 16:18

खोन्‌ओसा अ़ङ्‌का खाना लोनाङ्‌ना, खाना पत्रुस ओ, खोन्‍कि अ़ङ्‌का ओ लुङ्‌छ़ङ्‌दुङ्‌दा अ़ङ्‌साम्‍भुङ मुङ। खोन्‍कि सित्‍म़ङ दुखा तोक्‍खादाओ लाप्‍तिखोप्‌चि ओदा ऩछोनिन।

मत्‍ति 4:19

खोक्‍कोसाआ मोचि म़लोचि, “अ़ङ्‌का त़ङ्‌ताङ्‌च़ङ, खोन्‍कि अ़ङ्‌का खानाचि म़नाचि कालाप बोप्‍छ़क कावेत मुनाचि।”

मर्कुस 7:31

खोन्‍किना येसु तुरोस्‌दाङ्‌का म़लासा, खोन्‍कि सिदोन सहरादाङ्‌का देकापोलिस्‌ओ लाम लियाङ्‌सा गालिल धियाङ्‌वामा म़खारा।

लुका 6:14

ओवात्‍नि छेन्‍माय़ङ्‌चि बारकापाङ ओचिङा ओ: येसुआ पत्रुस अ़ऩङ अ़पाक्‍ताओ सिमोन, सिमोन्‌ओ अ़निछा अन्‍द्रियास, याकुब, युहन्‍ना, फिलिप, बारथोलोमाइ,

युहन्‍ना 21:1

आदेङ अ़चुकाखेङ्‌पाचिएदा तिबेरियास धियाङ्‌वामाओ अ़केम्‌दा येसु म़लासान्‍खाङ्‌म़मुसान्‍चिन। ओवात्‍नि खोक्‍को आप्‍पि खाङ्‌म़मुसान्‍चिन।

युहन्‍ना 6:1

ओ य़ङ म़चेवाचिआकि येसु गालिल माङ्‌लो तिबेरियास्‌नि लोवाङाओ धियाङ्‌वामाओ अ़ह्‍याउधेत म़खारा।

युहन्‍ना 6:8

खोक्‍कोसोओ अ़चुकाखेङ्‌पाचिएदाओ सिमोन पत्रुस्‌ओ अ़निछा आन्‍द्रियास्‌आ खोक्‍को लो,