मत्‍ति 4:17 - बान्‍तावा राई

¹⁷ मोन्‍ग़रिदाङ्‌का येसुआ नुय़ङ्‌खान खालुमा अ़पुङ्‌सा, “निनाम्‍हाङ्‌एदा लासानिन, देकिनालो निनाम्‍हाङ्‌होन च़क्‌दा तायुङ्‌सा।”

मत्‍ति 4:17 ပူးပေါင်းရင်းမြစ်များ

मत्‍ति 10:7

खारानिन्‌कि ‘निनाम्‍हाङ्‌होन च़क्‌दा तायुङ्‌सा’नि य़ङ्‌सा नुय़ङ्‌खान खालुसानुम।

मत्‍ति 11:12

बप्‍तिस्‍मा काप़ युहन्‍नाआ खालुसुओदाङ्‌का आइमित्‌तारि निनाम्‍हाङ्‌होन सावाएनान पोन्‌याङ, खोन्‍किना सावापोरिओ म़नाचिआ राकाङ्‌थेत्‍नि ओ छेक्‍मा अ़लाप्‌याङ।

मत्‍ति 13:11

येसुआ मोचि म़लासुलोचि, “खानानिन निनाम्‍हाङ्‌होन्‌ओ अ़कोङ्‌दुम्‌ओ अ़तुक्‌वादा तुप्‍खाताया ऩप़न्‌युङ्‌सिन, मेन निचि माआङ।

मत्‍ति 13:24

येसुआ मोचि नि दोय़ङ्‌ला म़लोचि, “निनाम्‍हाङ्‌होन अ़क्‍छा म़नाएनान तोङ्‌माखाङ्‌मा ऱम, मोसाआ अ़व़क्‌दा अ़नुवाक बिउ वेत्‍तु।

मत्‍ति 13:47

हान, निनाम्‍हाङ्‌होन धियाङ्‌वामादा वेत्‍माय़ङ्‌ओ अ़क्‌तात बोप्‍छ़क्‌वाको ओ। मोदा झाराकाखालाओ ङाचि म़धा।

मत्‍ति 13:9

साङ्‌को अ़एन्‍खा नाबाक याक्‌याङ, मोसाआ एनुने!”

मत्‍ति 25:1

“खोन्‍किना निनाम्‍हाङ्‌होन दस्‌कापाङ वारिसाचिएनान तोङ्‌मा ऱम। मोचिआ अ़चुओ खाउप्‍खाचि म़खात्‍तुचिकि सायाकाकाम्‍पा तुप्‍सि म़लोन्‍ता।

मत्‍ति 3:2

“निनाम्‍हाङ्‌एदा लासानिन, देकिनालो निनाम्‍हाङ्‌होन च़क्‌दा तायुङ्‌सा।”

मत्‍ति 6:10

आम्‍नुओ हाङ्‌होन ताने, आम्‍नुओ मित्‍मा निनाम्‍मादुवात्‍निङा ओ हेन्‍खामादाछाङ तालाने।

मत्‍ति 9:13

मेन खारानिन खोन्‍कि ओसोओ अ़तुप्‍माय़ङ दि ओ चिन्‍तानिन्‍चिन: ‘अ़ङ्‌का हेन्‍खोक्‌वा माआङ, सोम्‌योक्‍मा अ़ङ्‌ऩङानु।’ देकिनालो अ़ङ्‌का साम्‌योक्‍मिचि माआङ, मेन हेवामिचि बुत्‍सि ताङ्‌ओ।”

लुका 15:10

अ़ङ्‌का खानानिन लोनानिन, मोवात्‍निङा अ़हेवादाङ्‌का काला अ़क्‍छा हेवामिओ निकि निनाम्‍हाङ काफाचिओ अ़चुऩङानु।”

लुका 15:7

अ़ङ्‌का खानानिन लोनानिन, मोवात्‍निङा हेवादाङ्‌का लामा अ़दोत्‍निन्‌ओ उनान्‍सयेकापाङ साम्‌योक्‍मिचिएदाङ्‌का हेवादाङ्‌का काला अ़क्‍छा हेवामिओ निकि निनाम्‍मादु झारासोओ ब़द्‍धे अ़चुऩङानु।”

लुका 24:47

खोन्‍कि ‘देत्‍नि हेवादाङ्‌का लामाकि हेवा लेत्‍माय़ङ तोक्‍तिन’निओ य़ङ यरुसलेम्‌दाङ्‌का पुङ्‌किना झाराकारावाचितारि ख्रिस्‍तओ अ़चुऩङ्‌दा खालुमादोत।

लुका 3:23

येसुआ अ़चुकाचि अ़पुङ्‌साहिदा खोक्‍को तिस्‌कादोङ लेकाओ म़लिसायुङ्‌सा। म़नाचिआ योसेफ्‌ङा खोक्‍कोसोओ अ़चुपानि अ़मित्‍ताङा। योसेफ्‌ओ अ़पा एलि युङाङा।

लुका 5:32

अ़ङ्‌का साम्‌योक्‍मिचि माआङ, मेन हेवामिचि लामाचि निम्‍पाङ बुत्‍सि ताङ्‌ओ।”

लुका 9:2

खोक्‍कोसाआ मोचि निनाम्‍हाङ्‌ओ अ़चुहाङ्‌होन खालुमा खोन्‍कि कातुक्‌चि नुसि पाङ्‌एनान म़छुत्‍तुचि।

छाम्‍माय़ङ 11:18

ओ य़ङ अ़एनाकि मोचि वाइवेत म़लिसा, खोन्‍कि निनाम्‍हाङ्‌ओ अ़चुऩङ लोङ्‌याङ्‌सा, “हान निरावाचिछाङ अ़चुहेवादाङ्‌का लामाकिना म़ह़ङ्‌ने निम्‍पाङ अ़वाखाम निनाम्‍हाङ्‌आ म़प़युङ्‌सुचि”नि म़य़ङा।

छाम्‍माय़ङ 17:30

म़नाचिआ निनाम्‍हाङ मान्‍सिन्‍माङ बुया अ़मुवाओ काचिदा अ़चुम़क अ़सिप्‍ता। मेन हान खोक्‍कोसाआ झारादात्‍निओ झारा म़नाचि अ़चुहेवादाङ्‌का म़लानेनि म़य़ङ्‌याङ।

छाम्‍माय़ङ 2:38

खोन्‍कि पत्रुस्‌आ मोचि लासुलोचि, “खानानिन झारा आम्‍नुओ हेवाचिदाङ्‌का लासानिन्‌कि येसु ख्रिस्‍तओ अ़चुऩङ्‌दा बप्‍तिस्‍मा लोआनिन, खोन्‍कि आम्‍नुओ हेवाचि लेत्‍लुवानिन। खोन्‍नालो सेङ्‌लावा मोहाङा त़तोक्‍तुम।

छाम्‍माय़ङ 20:21

यहुदिचि खोन्‍कि ग्रिक्‌चि अ़चुहेवादाङ्‌का निनाम्‍हाङ्‌एदा लामादोत, खोन्‍कि आन्‍हाङ्‌पा येसुएदा साकोङ्‌छ़ङ मुमादोत्‌निओसो अ़तुक्‌वादा अ़ङ्‌का खालुसुङ्‌युङ्‌सुङ।

छाम्‍माय़ङ 26:20

बुया दमस्‍कस्‌दा कायुङ यहुदिचि खोन्‍कि यरुसलेम्‌दाओचि खोन्‍कि झारा यहुदियादाओचि खोन्‍कि निरावाचिआछाङ ‘हेवा मुमा छिरानुम्‌कि निनाम्‍हाङ्‌एदा लासानिन, खोन्‍कि हेवादाङ्‌का त़लासिन्‌ओ आम्‍नुओ अ़नुवाक काचिचिलाम्‍पा खाङ्‌मुसानुम।’ निकिना अ़ङ्‌का म़नाचि खाएत्‍तुङ्‌च़ङ।

छाम्‍माय़ङ 3:19

खोन्‌ओसा हेवा मुमा छिरानुम्‌कि निनाम्‍हाङ्‌एदा लासानिन, खोन्‍किना निनाम्‍हाङ्‌आ आम्‍नुओ हेवाचि ऩलेत्‍तिन्‍प़न।

हिब्रु 6:1

खोन्‌ओसा ख्रिस्‍तओ अ़चुतुक्‌वादाओ ताक्‍पेत्‍निओ चिन्‍माय़ङ्‌चिदा अ़युङिन्‌युङ्‌सिमिन्‍ने, मेन आन्‍कान आन्‍तुप्‍मादा चात्‌याङ्‌सा खारिन्‍ने। आन्‍कान स़मादा कालाखात काचिचिओ अ़तुक्‌वादा खोन्‍कि निनाम्‍हाङ्‌दा साकोङ्‌छ़ङ्‌ओ अ़तुक्‌वादा चिन्‍माय़ङ अ़लासिन्‍पुङ्‌सिमिन्‍ने।