मत्‍ति 3:6 - बान्‍तावा राई

⁶ खोन्‍कि “आन्‍कान्‍का हेवा मुन्‌युङ्‌सिन्‍का”नि य़ङ्‌सा खोलाम्‍पा यर्दन याङ्‌वामादा मोचि बप्‍तिस्‍मा म़लोआ।

मत्‍ति 3:6 ပူးပေါင်းရင်းမြစ်များ

मत्‍ति 3:11

अ़ङ्‌का ना खानानिन आम्‍नुओ हेवादाङ्‌का त़लासिन्‌ओ बुन्‌ओ निम्‍पाङ चाक्‌वाआ बप्‍तिस्‍मा प़नानिन, मेन अ़ङ्‌कादाङ्‌का आदेङ काता अ़ङ्‌कादाङ्‌का च़लोक सावापोरिओ म़मुयाङ, खोक्‍कोसोओ अ़चुफेङ्‌ता खुन्‍माछाङ अ़ङ्‌का अ़खान्‍ऩङ। खोक्‍कोसाआ खानानिन सेङ्‌लावाआ खोन्‍कि मिआ बप्‍तिस्‍मा ऩप़न।

मर्कुस 1:5

झारा यहुदिया धिखाहुप्‌दाओचि खोन्‍कि झारा यरुसलेम्‌दाओ म़नाचि बप्‍तिस्‍मा काप़ युहन्‍नाओ अ़य़ङ एन्‍सि म़खाराङा। खोन्‍कि “आन्‍कान्‍का हेवा मुन्‌युङ्‌सिन्‍का”नि य़ङ्‌सा खोलाम्‍पा यर्दन याङ्‌वामादा मोचि बप्‍तिस्‍मा म़लोआ।

लुका 1:16

खोसाआ इस्राएल्‌ओ अ़छाचि ब़द्‍धेकापाङ अ़चुहाङ्‌पा निनाम्‍हाङ्‌ह्‍यात्‍नि म़लासुचि।

लुका 3:16

खोवात्‍निओसा युहन्‍नाआ झारा लासुलोचि, “अ़ङ्‌का ना खानानिन चाक्‌वाआ बप्‍तिस्‍मा प़नानिन, मेन अ़क्‍छा अ़ङ्‌कादाङ्‌का च़लोक सावापोरिओ म़मुयाङ। अ़ङ्‌का ना खोक्‍कोसोओ अ़चुफेङ्‌ताओ अ़छुम्‍खाचि हुत्‍माछाङ अ़ङ्‌का अ़खान्‍ऩङ। खोक्‍कोसाआ खानानिन सेङ्‌लावाआ खोन्‍कि मिआ बप्‍तिस्‍मा ऩप़न।

छाम्‍माय़ङ 1:5

देकिनालो युहन्‍नाआ ना चाक्‌वाआ ओन्‍ङा म़नाचि बप्‍तिस्‍मा प़चि, मेन अ़क्‍चित्‌का लेन्‌कि निनाम्‍हाङ्‌आ खानानिन सेङ्‌लावाआ बप्‍तिस्‍मा ऩप़न।”

छाम्‍माय़ङ 11:16

खोन्‍किना हाङ्‌पा म़य़ङाओ य़ङ अ़ङ्‌का मित्‍तुङ, ‘युहन्‍नाआ ना चाक्‌वाआ बप्‍तिस्‍मा प़चि, मेन अ़ङ्‌का खानानिन सेङ्‌लावाआ बप्‍तिस्‍मा प़नानिन।’

छाम्‍माय़ङ 19:18

येसुएदा साकोङ्‌छ़ङ म़मुवाओ ब़द्‍धे म़नाचि म़ताकि मोचिआ अ़मुवाओ अ़अ़त्‍पा अ़चुकाचिचि म़नाचिओ अ़चुबुदा खाअ़लुसा।

छाम्‍माय़ङ 22:16

खोन्‍कि हान दि त़हुङुम? पुवालोन्‍तानिन्‌कि हाङ्‌पा येसुएदा साकोङ्‌छ़ङ मुवानिन्‌कि बप्‍तिस्‍मा लोआनिन। खोन्‍कि आम्‍नुओ हेवाचि सेङ्‌प़लुवानिन।’

१ कोरिन्‍थि 10:2

खोन्‍कि निनाम्‍हाङ्‌य़ङ खाकालु मोसाएदा मोचि झारासा य़वारि खोन्‍कि धियाङ्‌वामादा बप्‍तिस्‍मा अ़तोक्‍ता।

कलस्‍सि 2:12

खानानिन बप्‍तिस्‍मा त़लोइन्‌हिदा ख्रिस्‍तएनान अ़क्‍नि त़खुम्‍तिन्‌ओसा, खानानिन्‌छाङ ख्रिस्‍तएनान अ़क्‍नि ऩह़ङ्‌सिन देकिनालो म़सुवादाओदाङ्‌का ख्रिस्‍त काह़ङ्‌लोन निनाम्‍हाङ्‌ओ अ़चुसावादा खानानिन्‌आ साकोङ्‌छ़ङ त़मुन।

हिब्रु 6:2

वास़मा थाप्‍स़ङ्‌चि, छुक युङ्‌मा थाप्‍स़ङ, म़सुवादाओचिओ अ़चुलामाखोन्‍मालोन्‍मा खोन्‍कि अ़लुक्‍निन्‌ओ दन्‍दाओ अ़तुक्‌वादा अ़दु-अ़दु मान्‍चिन्‌युङ्‌दानिन्‍चिन।

हिब्रु 9:10

मो चामायु, दुङ्‌मायु खोन्‍कि अ़खाला-खालाओ सेङ्‌मान्‍चिन च़माथाङ्‌माचि बुङ्‌खालिप्‍पाओ य़ङ्‌हुप ओन्‍ङा ओ। ओवाको बुयाओ य़ङ्‌हुप्‌चि अ़ऩङ्‌वा य़ङ्‌हुप अ़तानिन्‌तारि ओन्‍ङा अ़काचि याक।

याकुब 5:16

खोन्‌ओसा अ़क्‍छा निएदा आम्‍नुओ हेवा खालुसानुम, खोन्‍कि अ़क्‍छा निओ निम्‍पाङ यामारानिन, खोवात्‍निनालो खानानिन त़नुन। साम्‌योक्‍मि म़नाओ अ़यामात्‍मा सावापोरि खोन्‍कि नुलोक काचि मु।

१ पत्रुस 3:21

ओसाआ चाक्‌वाओ बप्‍तिस्‍मा खाङ्‌मुसु, खोन्‍कि ओसाआ खानानिन ऩलेइसिन्‌छाङ। ओ पोक्‌दाओ सिप्‍भाङ वालेक्‍तिन्‍खाइसिन्‌वात्‍नि माआङ, मेन ओसोओ अ़तुप्‍माय़ङ अ़च़क़ल़क छेन्‍खातायाएनान निनाम्‍हाङ्‌एदा लामा ओ। येसु ख्रिस्‍तओ अ़चुलामाखोन्‍मालोन्‍मालाम्‍पा ओसाआ खानानिन ऩलेइसिन।

१ युहन्‍ना 1:9

आन्‍कान आन्‍हेवाचि निनाम्‍हाङ्‌ओ अ़चुबुदा लोउम्‍च़म्‌नालो खोक्‍कोसाआ आन्‍हेवाचि आन्‍कान म़लेत प़, खोन्‍कि झारा मान्‍साम्‌योक्‍मिचिदाङ्‌का म़सेङ, देकिनालो खोक्‍को साकोङ्‌छ़ङ मुमा खान्‍तुओ खोन्‍कि साम्‌योक्‍मि म़मुयाङ।