मत्‍ति 3:4 - बान्‍तावा राई

⁴ युहन्‍ना उताओ अ़मुवाआ बामाय़ङ्‌ओ तित हुम्‍साङा, खोन्‍कि अ़छुमाय़क्‌दा साहोक्‌वाओ छिप्‍माय़ङ छिआङा। खोसोओ अ़चामायु रुइ खोन्‍कि खोक्‍लि खुदो ओ।

मत्‍ति 3:4 ပူးပေါင်းရင်းမြစ်များ

मत्‍ति 11:18

ओ निओ, युहन्‍ना ना चायाङ्‌सा माङ्‌लो अङ्‌गुरा माङ्‌वा दुङ्‌याङ्‌सा ता, खोन्‍कि खो मोचिआ चाकावालावाआ लाउओ म़नानि अ़लोयाङ।

मत्‍ति 11:8

माङ्‌नालो खानानिन दि खाङ्‌सि त़लोन्‍तिन? दि अ़नुवाक तित्‌चि काहुम म़ना खाङ्‌सि? माआङ, अ़नुवाक तित्‌चि काहुम्‌चि ना हाङ्‌ओ अ़चुहाङ मुखा खिम्‌चिदा म़युङ।

मर्कुस 1:6

युहन्‍ना उताओ अ़मुवाआ बामाय़ङ्‌ओ तित हुम्‍साङा, खोन्‍कि अ़छुमाय़क्‌दा साहोक्‌वाओ छिप्‍माय़ङ छिआङा, खोन्‍कि रुइचि खोन्‍कि खोक्‍लि खुदो चाङा।

लुका 1:17

खोसोओ अ़लावा निनाम्‍हाङ्‌य़ङ खाकालु एलियाओवात्‍नि लिकि हाङ्‌पा ख्रिस्‍तओ अ़बुदा ताकि खोक्‍कोसोओ अ़चुलाम चुम्‍सु। खोसाआ म़नाचिओ अ़चुपाचिओ अ़चुसाकोङ्‌वा अ़चुछाचिह्‍यात्‍नि म़लासुप़चि खोन्‍कि लोमान्‍तेत्‌चि साम्‌योक्‍मिचिओ अ़चुतायादात्‍नि तित्‍तुचि। ओवात्‍नि खोसाआ हाङ्‌पाओ अ़चुम़नाचि हाङ्‌पा लोक्‍माओ निम्‍पाङ चुम्‍सुचि।”

खाङ्‌मुमा 11:3

अ़ङ्‌को ह़वाङ अ़ङ्‌सालुम्‍स़ङ्‌चि बोराओ तित हुम्‍मेत्‍तुङ्‌च़ङ्‌कि छुत्‍तुङ्‌च़ङ खोन्‍कि अ़क हजारा ह्‍वा सये साथिकालेन्‌तारि निनाम्‍हाङ्‌ओ अ़चुय़ङ खालुमेत्‍तुङ्‌च़ङ।”