मत्‍ति 3:2 - बान्‍तावा राई

² “निनाम्‍हाङ्‌एदा लासानिन, देकिनालो निनाम्‍हाङ्‌होन च़क्‌दा तायुङ्‌सा।”

मत्‍ति 3:2 ပူးပေါင်းရင်းမြစ်များ

मत्‍ति 10:7

खारानिन्‌कि ‘निनाम्‍हाङ्‌होन च़क्‌दा तायुङ्‌सा’नि य़ङ्‌सा नुय़ङ्‌खान खालुसानुम।

मत्‍ति 11:20

खोन्‍किना खा-खाक्‍को सहरादा खोक्‍कोसोओ ब़द्‍धे म़दोम्‍दाओ काचिचि म़लिसायुङ्‌सा। मेन येसुआ मोचि रेन्‍मा म़पुक्‍तुचि, देकिनालो मोचि निनाम्‍हाङ्‌एदात्‍नि मान्‍लाचि।

मत्‍ति 12:41

निनवेदाओ म़नाचि छ़ङ्‌छेन्‍माओ लेन्‌दा म़पुक्‍लोन, खोन्‍कि ओ दुङ्‌दाओ म़नाचि लाहि म़पाक्‍तुचि। देकिनालो योनाआ खालुसुङुहिदा मोचि अ़चुहेवादाङ्‌का म़लासा। मेन खानुम, योनादाङ्‌का तोक्‍पो ओदा अ़क्‍छा युङ्‌याङ।

मत्‍ति 13:11

येसुआ मोचि म़लासुलोचि, “खानानिन निनाम्‍हाङ्‌होन्‌ओ अ़कोङ्‌दुम्‌ओ अ़तुक्‌वादा तुप्‍खाताया ऩप़न्‌युङ्‌सिन, मेन निचि माआङ।

मत्‍ति 13:24

येसुआ मोचि नि दोय़ङ्‌ला म़लोचि, “निनाम्‍हाङ्‌होन अ़क्‍छा म़नाएनान तोङ्‌माखाङ्‌मा ऱम, मोसाआ अ़व़क्‌दा अ़नुवाक बिउ वेत्‍तु।

मत्‍ति 13:31

येसुआ मोचि नितात दोय़ङ्‌ला खाम़एत्‍तुचि, “निनाम्‍हाङ्‌होन प़सैओ अ़ल़वावाको ओ। मो अ़क्‍छा म़नाआ खात्‍तुकि अ़व़क्‌दा वेत्‍तु।

मत्‍ति 13:33

खोक्‍कोसाआ मोचि नितात दोय़ङ्‌ला खाम़एत्‍तुचि, “निनाम्‍हाङ्‌होन खमिरावाको ओ। मो अ़क्‍छा मेत्‍छामाआ खात्‍तु खोन्‍कि ब़द्‍धे बुत्‍थ़दा खमिरा होलु, खोन्‍कि खमिराआ झारा बुत्‍थ़ होम्‍सुलोइसु।”

मत्‍ति 13:47

हान, निनाम्‍हाङ्‌होन धियाङ्‌वामादा वेत्‍माय़ङ्‌ओ अ़क्‌तात बोप्‍छ़क्‌वाको ओ। मोदा झाराकाखालाओ ङाचि म़धा।

मत्‍ति 13:52

खोक्‍कोसाआ मोचि म़लोचि, “खोवात्‍निओसा, साङ्‌छाङ निनाम्‍हाङ्‌होन्‌ओ अ़तुक्‌वादा चिन्‍ताकिना अ़य़ङ्‌हुप काचिन्‍पा लिसानालो, खो अ़क्‍छा खिम्‍हाङ्‌पावाको ओ। खोसाआ अ़स़ङ्‌कुलुधुन्‌दाङ्‌का अ़ऩङ्‌वा खोन्‍कि बुयाओ अ़लुङ छ़ओ सामाचि बुङ्‌खादा लारुचि।”

मत्‍ति 18:23

खोन्‌ओसा निनाम्‍हाङ्‌होन अ़क्‌तात हाङ्‌एनान तोङ्‌माखाङ्‌मा ऱम, मोसाआ अ़हारुक्‌चिएदाङ्‌का अ़खिप्‍मा लात्‍मा मित्‍चिऩङ मुवा।

मत्‍ति 20:1

“निनाम्‍हाङ्‌होन अ़क्‍छा व़क हाङ्‌पावाको ओ। खो अ़वाय़ङ अ़अङ्‌गुराखादा काचि कामुचि काचिलुङ्‌दा काचि मुमेत्‍सि बुङ्‌खाया लोन्‍ता।

मत्‍ति 22:2

“निनाम्‍हाङ्‌होन अ़क्‍छा हाङ्‌एनान तोङ्‌माखाङ्‌मा ऱम। खोसाआ अ़छाओ अ़चुसायाकाम्‍मादा खाबाचा चुम्‍सु।

मत्‍ति 23:13

अ़चाअ़त्‍मादा त़छुक्‍तिन खानानिन य़ङ्‌हुप काचिन्‍पाचि खोन्‍कि फरिसिचि ओ! खानानिन कोङ्‌क़त्‌वाचि ओ! देकिनालो खानानिन्‌आ म़नाचिओ अ़चुबुदा निनाम्‍हाङ्‌होन्‌ओ अ़लाप्‍तिखोप त़छेक्‍तुम्‌योम। ना खानानिन त़वाङिन ना वाङ्‌मा कालाम्‌चि वाङ्‌मा त़प़म्‍च़म।

मत्‍ति 25:1

“खोन्‍किना निनाम्‍हाङ्‌होन दस्‌कापाङ वारिसाचिएनान तोङ्‌मा ऱम। मोचिआ अ़चुओ खाउप्‍खाचि म़खात्‍तुचिकि सायाकाकाम्‍पा तुप्‍सि म़लोन्‍ता।

मत्‍ति 25:14

येसुआ नि दोय़ङ्‌ला म़लासुलोचि, “निनाम्‍हाङ्‌होन अ़क्‍छा म़नावाको ओ। खो प़न्‍था खात्‌हिदा अ़हारुक्‌चि बुत्‍तुचिकि अ़चासुम्‍छेन्‍बि मोचि पाङ्‌खुन पाक्‍तुदाचि।

मत्‍ति 4:17

मोन्‍ग़रिदाङ्‌का येसुआ नुय़ङ्‌खान खालुमा अ़पुङ्‌सा, “निनाम्‍हाङ्‌एदा लासानिन, देकिनालो निनाम्‍हाङ्‌होन च़क्‌दा तायुङ्‌सा।”

मत्‍ति 4:23

खोन्‍किना येसु मोचिओ अ़चुयावायोक्‍खिम्‌चिदा चिन्‌याङ्‌सा, निनाम्‍हाङ्‌होन्‌ओ अ़तुक्‌वादा नुय़ङ्‌खान खालुयाङ्‌सा, खोन्‍कि म़नाचिओ अ़चुरादाओ झाराकापाराओ अ़चुसारिमा खोन्‍कि अ़चुमान्‍ऱदामादा नुयाङ्‌सा झारा गालिल्‌दा म़कोला।

मत्‍ति 5:10

साम्‌योक्‍मिओ निम्‍पाङ दुखा कातोक्‌चि आसिखा कातोक्‌चि ओ, देकिनालो निनाम्‍हाङ्‌होन मोचिओङा ओ।

मत्‍ति 5:3

“लावामि य़ङ्‌दा आप्‍पि मान्‍तोक्‍कादा लिसिन्‍काओनि कातुप्‌चि आसिखा कातोक्‌चि ओ, देकिनालो निनाम्‍हाङ्‌होन मोचिओङा ओ।

मत्‍ति 6:10

आम्‍नुओ हाङ्‌होन ताने, आम्‍नुओ मित्‍मा निनाम्‍मादुवात्‍निङा ओ हेन्‍खामादाछाङ तालाने।

मत्‍ति 6:33

खोन्‌ओसा बुया निनाम्‍हाङ्‌ओ अ़चुहाङ्‌होन खोन्‍कि खोक्‍कोसोओ अ़चुसाम्‌योक्‍मि लामानुम, खोन्‍नालो ओ झारा सामाचि निनाम्‍हाङ्‌आ खानानिन ऩतेप्‍तिन्‍प़न।

मर्कुस 1:15

खोन्‍कि खोक्‍कोसाआ म़लोचि, “ग़रि तालायुङ्‌सा, खोन्‍कि निनाम्‍हाङ्‌ओ अ़चुहाङ्‌होन च़क्‌दा तायुङ्‌सा, हेवादाङ्‌का लासानिन्‌कि नुय़ङ्‌खान्‌दा साकोङ्‌छ़ङ मुवानिन!”

मर्कुस 1:4

खोन्‍किना बप्‍तिस्‍मा काप़ युहन्‍नाआ “आम्‍नुओ हेवाचि छिरानुम्‍च़म्‌कि बप्‍तिस्‍मा लोआनिन। खोन्‍कि निनाम्‍हाङ्‌आ आम्‍नुओ हेवाचि ऩलेत्‍तिन्‍प़न!”नि य़ङ्‌याङ्‌सा लेक्‍लेक्‍लेक्‌वाओदा ता।

मर्कुस 6:12

खोन्‍किना अ़चुकाखेङ्‌पाचि म़खाराकि म़नाचि अ़चुहेवाचिदाङ्‌का म़लाने निकिना नुय़ङ्‌खान खाम़एत्‍तुचि।

लुका 1:16

खोसाआ इस्राएल्‌ओ अ़छाचि ब़द्‍धेकापाङ अ़चुहाङ्‌पा निनाम्‍हाङ्‌ह्‍यात्‍नि म़लासुचि।

लुका 11:20

मेन मोवात्‍नि अ़ङ्‌का निनाम्‍हाङ्‌ओ अ़चुसावाआ चाकावालावाचि लोइसुङ्‌योङ्‌च़ङ्‌नालो निनाम्‍हाङ्‌ओ अ़चुहाङ्‌होन खानानिन्‌एदा ताचिआयुङ्‌सा।

लुका 13:3

अ़ङ्‌का खानानिन लोनानिन, माआङ! मेन खानानिन्‌छाङ आम्‍नुओ हेवादाङ्‌का त़लासिमिन्‌नालो झारा मोवात्‍निङा त़लुक्‍तिन।

लुका 13:5

अ़ङ्‌का खानानिन लोनानिन। माआङ, खानानिन्‌छाङ आम्‍नुओ हेवादाङ्‌का त़लासिमिन्‌नालो झारा मोवात्‍निङा त़लुक्‍तिन।”

लुका 15:10

अ़ङ्‌का खानानिन लोनानिन, मोवात्‍निङा अ़हेवादाङ्‌का काला अ़क्‍छा हेवामिओ निकि निनाम्‍हाङ काफाचिओ अ़चुऩङानु।”

लुका 15:7

अ़ङ्‌का खानानिन लोनानिन, मोवात्‍निङा हेवादाङ्‌का लामा अ़दोत्‍निन्‌ओ उनान्‍सयेकापाङ साम्‌योक्‍मिचिएदाङ्‌का हेवादाङ्‌का काला अ़क्‍छा हेवामिओ निकि निनाम्‍मादु झारासोओ ब़द्‍धे अ़चुऩङानु।”

लुका 16:30

मो म़ना य़ङा, ‘माआङ, अब्राहाम आपो। मेन खाक्‍को अ़क्‍छा सुवादाओदाङ्‌का लाखोन्‍लोन्‌कि मोचिएदा खात्‍नालोना मोचि अ़चुहेवादाङ्‌का म़लानान्‍चिन।’

लुका 21:31

मोवात्‍निङा, खानानिन्‌आछाङ ओ झारा य़ङ्‌चि त़खाम्‍च़म, मोन्‍ग़रि निनाम्‍हाङ्‌ओ अ़चुहाङ्‌होन च़क्‌दाङा युङ्‌याङ निकिना त़सिन्‍तुम।

लुका 24:47

खोन्‍कि ‘देत्‍नि हेवादाङ्‌का लामाकि हेवा लेत्‍माय़ङ तोक्‍तिन’निओ य़ङ यरुसलेम्‌दाङ्‌का पुङ्‌किना झाराकारावाचितारि ख्रिस्‍तओ अ़चुऩङ्‌दा खालुमादोत।

लुका 6:20

खोन्‍कि येसुआ अ़चुकाखेङ्‌पाचि म़चोउचिकि म़य़ङा, “मान्‍तोक्‍कादाचि ओ! खानानिन आसिखा कातोक्‌चि ओ। देकिनालो निनाम्‍हाङ्‌ओ अ़चुहाङ्‌होन आम्‍नुओङा ओ।

लुका 9:2

खोक्‍कोसाआ मोचि निनाम्‍हाङ्‌ओ अ़चुहाङ्‌होन खालुमा खोन्‍कि कातुक्‌चि नुसि पाङ्‌एनान म़छुत्‍तुचि।

छाम्‍माय़ङ 11:18

ओ य़ङ अ़एनाकि मोचि वाइवेत म़लिसा, खोन्‍कि निनाम्‍हाङ्‌ओ अ़चुऩङ लोङ्‌याङ्‌सा, “हान निरावाचिछाङ अ़चुहेवादाङ्‌का लामाकिना म़ह़ङ्‌ने निम्‍पाङ अ़वाखाम निनाम्‍हाङ्‌आ म़प़युङ्‌सुचि”नि म़य़ङा।

छाम्‍माय़ङ 17:30

म़नाचिआ निनाम्‍हाङ मान्‍सिन्‍माङ बुया अ़मुवाओ काचिदा अ़चुम़क अ़सिप्‍ता। मेन हान खोक्‍कोसाआ झारादात्‍निओ झारा म़नाचि अ़चुहेवादाङ्‌का म़लानेनि म़य़ङ्‌याङ।

छाम्‍माय़ङ 2:38

खोन्‍कि पत्रुस्‌आ मोचि लासुलोचि, “खानानिन झारा आम्‍नुओ हेवाचिदाङ्‌का लासानिन्‌कि येसु ख्रिस्‍तओ अ़चुऩङ्‌दा बप्‍तिस्‍मा लोआनिन, खोन्‍कि आम्‍नुओ हेवाचि लेत्‍लुवानिन। खोन्‍नालो सेङ्‌लावा मोहाङा त़तोक्‍तुम।

छाम्‍माय़ङ 20:21

यहुदिचि खोन्‍कि ग्रिक्‌चि अ़चुहेवादाङ्‌का निनाम्‍हाङ्‌एदा लामादोत, खोन्‍कि आन्‍हाङ्‌पा येसुएदा साकोङ्‌छ़ङ मुमादोत्‌निओसो अ़तुक्‌वादा अ़ङ्‌का खालुसुङ्‌युङ्‌सुङ।

छाम्‍माय़ङ 26:20

बुया दमस्‍कस्‌दा कायुङ यहुदिचि खोन्‍कि यरुसलेम्‌दाओचि खोन्‍कि झारा यहुदियादाओचि खोन्‍कि निरावाचिआछाङ ‘हेवा मुमा छिरानुम्‌कि निनाम्‍हाङ्‌एदा लासानिन, खोन्‍कि हेवादाङ्‌का त़लासिन्‌ओ आम्‍नुओ अ़नुवाक काचिचिलाम्‍पा खाङ्‌मुसानुम।’ निकिना अ़ङ्‌का म़नाचि खाएत्‍तुङ्‌च़ङ।

छाम्‍माय़ङ 3:19

खोन्‌ओसा हेवा मुमा छिरानुम्‌कि निनाम्‍हाङ्‌एदा लासानिन, खोन्‍किना निनाम्‍हाङ्‌आ आम्‍नुओ हेवाचि ऩलेत्‍तिन्‍प़न।

२ कोरिन्‍थि 7:10

देकिनालो निनाम्‍हाङ्‌आ तारुओ राक स़माआ लेन्‍माओ निम्‍पाङ मिन्‍मालामादा म़तित, खोन्‌ओसा मिन्‍मालामा अ़दोत्‍निन, मेन हेन्‍खामादाओ राक स़माआ स़खादा म़खात।

कलस्‍सि 1:13

खोक्‍कोसाआ आन्‍कान कुन्‌यामाओ अ़सावादाङ्‌का म़फोङ्‌सा, खोन्‍कि सोमाअ़तुक्‍ताङाओ अ़चुओछाओ अ़चुहाङ्‌होन्‌दा म़खाइसायुङ्‌सा।

२ तिमोथि 2:25

खोन्‍कि सिम्‍नान्‍चिन्‍सा अ़चुमिन्‍मालामाकिना फित्‍चि कामुचि यायोक काप़ लिमादोत। मोवात्‍नि निनाम्‍हाङ्‌आ मोचि अ़छ़ङ तुप्‍मा मिन्‍मा म़प़चि हे।

हिब्रु 6:1

खोन्‌ओसा ख्रिस्‍तओ अ़चुतुक्‌वादाओ ताक्‍पेत्‍निओ चिन्‍माय़ङ्‌चिदा अ़युङिन्‌युङ्‌सिमिन्‍ने, मेन आन्‍कान आन्‍तुप्‍मादा चात्‌याङ्‌सा खारिन्‍ने। आन्‍कान स़मादा कालाखात काचिचिओ अ़तुक्‌वादा खोन्‍कि निनाम्‍हाङ्‌दा साकोङ्‌छ़ङ्‌ओ अ़तुक्‌वादा चिन्‍माय़ङ अ़लासिन्‍पुङ्‌सिमिन्‍ने।

२ पत्रुस 3:9

खोक्‍कोसोओ अ़चुहिप्‍माय़ङ्‌ओ अ़तुक्‌वादा स़लेनि म़च़नि खा-खाक्‍कोचि म़य़ङ्‌नुछाङ खोक्‍को स़लेनि ऩच़निन। मेन साङ्‌छाङ ऩलुक्‍निन्‍ने, मेन झाराकापाङ्‌आ हेवा मुमा अ़छित्‍नेनि म़मिन्‌कि खोक्‍कोसाआ खानानिन ऩहुङिन्‌येन।

खाङ्‌मुमा 2:21

अ़ङ्‌का मो हेवा मुमादाङ्‌का लामान्‍चिन ग़रि प़ङ्‌युङ्‌सुङ, मेन मो अ़ताङ्‌लान्‌दाङ्‌का लामान्‍चिन छुन।

खाङ्‌मुमा 2:5

खोन्‌ओसा निनाम्‍हाङ्‌ओ अ़चुखाङ्‌मादाङ्‌का खाना त़धाखाराओ, मो मित्‍तु, खोन्‍कि अ़ङ्‌काएदा लासाता, खोन्‍कि खाना बुया त़मुङुओ काचिचि मुचि। खाना अ़ङ्‌काएदा त़लानान्‍तानान्‌नालो अ़ङ्‌का खानाएदा ताङाकि आम्‍कुपियुङ्‌खा मोसोओ अ़युङ्‌खादाङ्‌का चुमुङ।