मत्‍ति 3:17 - बान्‍तावा राई

¹⁷ मोन्‍ग़रि निनाम्‍मादुङ्‌का ओवाको य़ङ ता, “ओक्‍को अ़ङ्‌का सोमातुक्‍तुङ्‌योङ्‌ओ अ़ङ्‌छा ओ, खोक्‍कोएदा अ़न्‍नुनु अ़ङ्‌ऩङानुयाङ।”

मत्‍ति 3:17 ပူးပေါင်းရင်းမြစ်များ

मत्‍ति 12:18

“खानुम, अ़ङ्‌काफा अ़ङ्‌का छेन्‍तुङ्‌युङ्‌सुङ। खो अ़ङ्‌का सोमातुक्‍तुङ्‌ओ, खोन्‍कि खोएदा अ़ङ्‌ऩङानुवायुङ्‌सा। अ़ङ्‌का खोएदा अ़ङ्‌लावा पाक्‍तुङ्‌प़ङ, खोन्‍कि खोसाआ रावा-रावाओ म़नाचि तोङ्‌लो छ़ङ्‌छेन्‍माय़ङ खाम़एत्‍तुचि।

मत्‍ति 17:5

पत्रुस चेवाङाहिदाङा, छोक्‍छोक्‍छोक्‌वाओ य़वारिआ मोचि भुक्‍तुखात्‍तुचि, खोन्‍कि मो य़वारिदाङ्‌का अ़क्‌तात य़ङ ता, “ओक्‍को सोमातुक्‍तुङ्‌योङ्‌ओ अ़ङ्‌छा ओ, खोक्‍कोएदा च़लोक अ़ङ्‌ऩङानुवायुङ्‌सा। खोक्‍कोसाआ ऩलोन्‌ओ एनानुम!”

मर्कुस 1:11

खोन्‍कि निनाम्‍मादुङ्‌का अ़क्‌तात य़ङ ता, “खाना अ़ङ्‌को अ़ङ्‌छा ओ। अ़ङ्‌का खाना सोमातुक्‍नाङ्‌ना। खानाएदा अ़ङ्‌को ब़द्‍धे अ़ङ्‌ऩङानुयाङ।”

मर्कुस 9:7

खोन्‍किना य़वारिआ मोचि भुक्‍तुखात्‍तुचि, खोन्‍कि य़वारिदाङ्‌का अ़क्‌तात य़ङ ता, “ओक्‍को अ़ङ्‌का सोमातुक्‍तुङ्‌योङ्‌ओ अ़ङ्‌छा ओ, खोक्‍कोसाआ ऩलोन्‌ओ एनानुम!”

लुका 3:22

खोन्‍कि सेङ्‌लावा साप्दुकुत्‌वावात्‍नि खोक्‍कोएदा म़धान्‍तान्‍चिन। खोन्‍कि निनाम्‍मादुङ्‌का अ़क्‌तात ओवाको य़ङ ता, “खाना अ़ङ्‌को अ़ङ्‌छा ओ। अ़ङ्‌का खाना सोमातुक्‍नाङ्‌ना। खानाएदा अ़ङ्‌को ब़द्‍धे अ़ङ्‌ऩङानुयाङ।”

लुका 9:35

मोन्‍ग़रि य़वारिदाङ्‌का अ़क्‌तात य़ङ ता, “ओक्‍को अ़ङ्‌छा ओ। ओक्‍को अ़ङ्‌का छेन्‍तुङ्‍ओ। खोक्‍कोसाआ ऩलोन्‌ओ एनानुम!”

युहन्‍ना 5:20

देकिनालो अ़चुपाआ अ़चुछा सोमाअ़तुक, खोन्‍कि खोक्‍कोसाआ आप्‍पि अ़मुओ झारा अ़चुकाचि अ़चुछा खाङ्‌अ़मेत। ओदाङ्‌का तोक्‍पो काचिचि खोक्‍कोसाआ अ़चुछा खाङ्‌अ़मेत, खोन्‍किना खानानिन त़दोम्‍तिन्‍दान।

युहन्‍ना 5:37

अ़ङ्‌का काछुत अ़ङ्‌पापाआङा अ़ङ्‌तुक्‌वादा आप्‍पि सालुम्‍स़ङ अ़पुवायुङ्‌सा। मेन खोक्‍कोसोओ अ़चुय़ङ खानानिन्‌आ देम्‍खाछाङ मान्‌एन्‍त़युक्‍तुम, खोन्‍किना खोक्‍कोसोओ अ़चुङाइवा देम्‍खाछाङ मान्‍खाङ्‌त़युक्‍तुम।

एफिसि 1:6

खोन्‌ओसा खोक्‍कोसाआ सोमाअ़तुक्‍ताङाओ अ़चुछालाम्‍पा आन्‍कान मोहा म़पुवाओ साम्‍स़रिओ अ़चुसोमातुक्‍माओ निम्‍पाङ आन्‍कान निनाम्‍हाङ चोन्‍तुम्‍ने।

कलस्‍सि 1:13

खोक्‍कोसाआ आन्‍कान कुन्‌यामाओ अ़सावादाङ्‌का म़फोङ्‌सा, खोन्‍कि सोमाअ़तुक्‍ताङाओ अ़चुओछाओ अ़चुहाङ्‌होन्‌दा म़खाइसायुङ्‌सा।

२ पत्रुस 1:17

मो तोक्‍पो सावापोरिओ निनाम्‍हाङ्‌आ “ओक्‍को अ़ङ्‌का सोमातुक्‍तुङ्‌योङ्‌ओ अ़ङ्‌छा ओ, खोक्‍कोएदा च़लोक अ़ङ्‌ऩङानुवायुङ्‌सा”नि येसु म़य़ङाहिदा खोक्‍कोसाआ निनाम्‍हाङ पापाएदाङ्‌का साया खोन्‍कि ऩङ्‌चोन्‍मा अ़तोक्‍ता।

१ युहन्‍ना 5:9

आन्‍कान म़नाओ अ़सालुम्‍स़ङ लोउम्‌नालो निनाम्‍हाङ्‌आ म़पुवाओ अ़चुसालुम्‍स़ङ तोक्‍पो मुयाङ। देकिनालो ओ निनाम्‍हाङ्‌ओ अ़चुसालुम्‍स़ङ ओ, खोक्‍कोसाआ अ़चुछाओ अ़तुक्‌वादा सालुम्‍स़ङ अ़पुवायुङ्‌सा।

खाङ्‌मुमा 14:2

खोन्‍किना चाक्‌वा मुक्‍तुङुओ अ़साप्‍मावाको खोन्‍कि अ़धिवा कुलुङ्‌धिप्‍पाओ अ़मुक्‍मावा निनाम्‍मादुङ्‌का ताओ अ़क्‌तात य़ङ अ़ङ्‌का एनुङ। अ़ङ्‌का एनुङ्‌ओ मो य़ङ वाकेन कासाङ्‌चिआ अ़साङ्‌याङ्‌ओ वाकेन्‌ओ अ़साङ्‌मावा मुवाङा।