मत्‍ति 27:4 - बान्‍तावा राई

⁴ खोन्‍कि खोसाआ लोचि, “अ़ङ्‌का मान्‍फिकादा म़ना धान्‍तुङ्‌कि हेवा मुवाङ्‌युङ्‌साङ।” मेन मोचिआ अ़लासालोवा, “आन्‍कान्‍का दित्‍छाङ अ़सिन्‍तिमिन्‍का? खानाङा सिन्‍ता।”

मत्‍ति 27:4 ပူးပေါင်းရင်းမြစ်များ

मत्‍ति 27:19

खोन्‍कि पिलातस छ़ङ्‌छेन्‍खादा युङाङाओ ग़रि खोसोओ अ़खिम्‍हाङ्‌माआ ओवाको य़ङ्‌खान छोक्‍तु, “मो साम्‌योक्‍मि म़ना देत्‍छाङ मान्‍मुदानुम, देकिनालो आय़ सेन्‍मुयुदा मोसोओ अ़तुक्‌वाआ अ़ङ्‌का ब़द्‍धे दुखा आङ्‌तुङ्‌युङ्‌सुङ।”

मत्‍ति 27:54

कप्‍ताना खोन्‍कि येसु काहुङ रात्‍खामिचिआ लुत्‍लि खोन्‍कि मोदा झारा म़लिसाङाओचि म़खाचि, खोन्‍किना अ़न्‍नुनु अ़चुक़माकाराकि मोचि ओवात्‍नि म़य़ङा, “अ़नुछ्‍याङा, ओ म़ना ना निनाम्‍हाङ्‌ओ अ़चुछा ओ।”

लुका 23:22

खोन्‍किना सुम्‌कादुओदु पिलातस्‌आ लासुलोचि, “देकि? दि ओ म़नाआ अ़त्‍लो काचि मुयुङ्‌सु कि? अ़ङ्‌का ना ओसाआ स़मा दन्‍दा तोक्‍मायु खाक्‍कोछाङ फिसुओ य़ङ मान्‍धित्‌ङा। खोन्‌ओसा अ़ङ्‌का य़हुप पाक्‍तुङ्‌कि लेरुङ्‌खाइसुङ।”

लुका 23:41

मोचिआ आन्‍काचि तोङ्‌लो दन्‍दा ऩप़चिङ्‌चि। आन्‍काचि ना आन्‍चुओ काचिओ अ़खान्‍मा अ़सिवा तोक्‍चुङ्‌चु, मेन ओ म़नाआ ना दित्‍छाङ अ़त्‍लो काचि मान्‍मुयुक।”

लुका 23:47

ओवात्‍नि लिसाओ झारा अ़खाकि रात्‍खामिचिओ अ़चुकप्‍तानाआ ओवात्‍नि य़ङ्‌याङ्‌सा निनाम्‍हाङ्‌ओ अ़चुऩङ लोङ्‌सु: “अ़नुछ्‍याङा ओ म़ना ना साम्‌योक्‍मि मुवाङा!”

युहन्‍ना 19:7

यहुदि बुसुवाचिआ खोक्‍को अ़लासालोवा, “आन्‍काओ अ़क्‌तात य़ङ्‌हुप युङ्‌याङ, खोन्‍कि मो य़ङ्‌हुप्‌वा ओ स़माङादोत, देकिनालो ओसाआ आप्‍पि निनाम्‍हाङ्‌ओ अ़चुछा मुवान्‌युङ्‌सान्‍चिन।”

छाम्‍माय़ङ 13:28

येसु सेत्‍मा दन्‍दा प़माओ अ़तुक्‌वा दित्‍छाङ मान्‍धित्‌अ़दा, खोन्‍नुछाङ खोचिआ येसु सेत्‍मादोत निकिना पिलातस अ़दोत्‍ता।

रोमि 3:19

हान आन्‍कान सिन्‍तुम्‌योम, देत्‍नि य़ङ्‌हुप य़ङ्‌याङ, ओसाआ य़ङ्‌हुप्‌दा कायुङ्‌चि लोचि, खोन्‌ओसा झारा दोचि वाइवेत म़युङ्‌ने खोन्‍कि हेन्‍खामादाओ झारा म़नाचि निनाम्‍हाङ्‌आ अ़चुछ़ङ म़छेन्‍तुचि।

१ तिमोथि 4:2

ओवाको चिन्‍माय़ङ्‌चि चाचाचाकाच़ सोज्‍जे काचेप्‌चिएदाङ्‌का ता, मोचिओ अ़चुछेन्‍खाताया कुयाङ्‌ओ काकाराआ ङेप्‍तिन्‌वात्‍नि लिसायुङ्‌सा।

तितस 1:16

मोचि “निनाम्‍हाङ सिन्‍तुङ्‌योङ”नि ना म़य़ङ, मेन मोचिओ अ़चुकाचिआ ओन निनाम्‍हाङ ऩङाअ़छित निकिना खाङ्‌मुसु। मोचि ना चिप्‍माकात्‍तुचिओ, लोमान्‍तेत खोन्‍कि खाक्‍कोछाङ अ़नुवाक काचि मुमा खान्‍तुओचि मात्‍द़ङ्‌चि।

हिब्रु 7:26

आन्‍कान दोत्‌ओ मुलो काब़क्‍पा येसुङा ओ। खोक्‍को म़सेङ्‌याङ्‌ओ, थुपि मात्‍द़ङ्‌ओ, अ़च़क़ल़क, हेवामिचिदाङ्‌का अ़फेआकि निनाम्‍माचिदाङ्‌का धाना अ़झोइसा।

१ पत्रुस 1:19

मेन खेन मान्‌वान्‍माय़ङ खोन्‍कि थुपि मात्‍द़ङ्‌ओ अ़क्‌तात थुबाछावाको ख्रिस्‍तओ छ़ओ अ़चुह़आ खानानिन ऩफोङ्‌सिन्‌ओ।

१ युहन्‍ना 3:12

आन्‍कान कयिन्‌वाको लिमा अ़नुनिन, खो अ़अ़त्‍पा लिसाकि अ़निछा हाविल सेरु। कयिन्‌आ देकि अ़निछा सेरु? देकिनालो मोसोओ अ़काचिचि अ़अ़त्‍पा म़याआङा, खोन्‍कि अ़निछाओ अ़काचिचि साम्‌योक्‍मि म़मुवाङा।

खाङ्‌मुमा 11:10

ओ हेन्‍खामादाओ म़नाचि मोचि ह़वाङ स़चिओदा अ़चुऩङानु। खोचिओ अ़चुछेमाकात खोन्‍कि अ़क्‍छा निएदा छुक्‍तुप्‍मा छोक्‍काछोक म़मु, देकिनालो मो ह़वाङ निनाम्‍हाङ्‌य़ङ खाकालुचिआ हेन्‍खामादाओ म़नाचि ब़द्‍धे दुखा अ़पुवाचुचिन।