10 मेन येसुआ मो अ़सिन्ताकि मोचि म़लोचि, “खानानिन ओ मेत्छामा देकि दुखा त़प़म्योम? ओसाआ ना अ़ङ्को निम्पाङ अ़क्तात अ़नुवाक काचि मुयुङ्सु।
देकिनालो मान्तोक्कादाचि ना खानानिन्एनान अ़धुन म़युङ्युङ, मेन अ़ङ्का ना खानानिन्एनान अ़धुन अ़युङ्ऩङ!
ओ नाम्नुओ सुङ ब़द्धे अ़लुङ्दा इनाकि मो फेक्वा मान्तोक्कादाचि म़पुवाओदे नुवाओ।”
मेन येसुआ म़लोचि, “मो देत्छाङ मान्लोदानुम! खानानिन ओ मेत्छामा देकि दुखा त़प़म्योम? ओसाआ ना अ़ङ्को निम्पाङ अ़क्तात अ़नुवाक काचि मुयुङ्सु।
येसु म़चेवाङाहिदाङा यावायोक्खिम्दाओ बुसुवा याइरस्ओ अ़खिम्दाङ्का अ़क्छा म़ना ताकि खो लो, “आम्नुओ मेत्छाछा छा ना सुवादाचिआ! हान काचिन्पा दुखा मान्प़दानुम।”
निनाम्हाङ्आ खानानिन झारा आसिखा च़लोक प़मा ऩऱन। खोन्ओसा खानानिन्एदा अ़धुन झारा य़ङ च़लोक युङ्ने, खोन्कि झारा अ़नुवाक काचिओ निम्पाङ च़लोक प़मा रुवानिन।
अ़नुछ्याङा नि नुय़ङ्खान खाक्कोछाङ मात्द़ङ, मेन खा-खाक्को म़नाचिआ खानानिन ऩथेम्सिन्खाइसिन्येन खोन्कि मोचिआ ख्रिस्तओ अ़चुनुय़ङ्खान अ़हुखान्याङ।
खानानिन काफोम्चिआ ना अ़चुयाम्ङे अ़सिप्नुछाङ नुओ।
हान्दाङ्का साङ्आछाङ अ़ङ्का दुखा ऩप़ऩङ्ने, देकिनालो अ़ङ्पोक्दा येसुओ अ़चुथुपिचि अ़ङ्का खुयुङ्योङ्च़ङ।
देकिनालो आन्कान अ़नुवाक काचिचिओ निम्पाङ ख्रिस्त येसुदा मुन्माय़ङ खोक्कोसोओ अ़चुसिकि ओ। आन्कान अ़नुवाक काचि मुन्ने निम्पाङ निनाम्हाङ्आ बुयाङा अ़चुम्सायुङ्सा ओ।
खोन्किना खानानिन हाङ्पाओ अ़चुमिन्मावाको ह़ङ्म़ङ त़ह़ङिन्कि अ़धुन खोक्कोसोओ अ़चुऩङानुमा त़ऱम। मोवात्नि त़ह़ङिन्नालो आम्नुओ ह़ङ्म़ङ्आ झाराकापाराओ अ़नुवाक सिवा सिसु, खोन्कि खानानिन निनाम्हाङ्ओ अ़चुतायादा पोइसा त़खारिन।
आम्नुओ साकोङ्वादा राक ऩप़न्ने। खोन्कि खोक्कोएदाङ्काओ झारा अ़नुवाक काचि खोन्कि य़ङ्चिदा खानानिन्आ राक खोन्कि सावा तोक्तानुम।
ओ य़ङ अ़छ़ङ मुयाङ, खाक्को धिकाखाङ्पा काचि मुमा स़नालो खो अ़नुवाक काचि मुमानि मिन।
मो अ़नुवाक काचि मुवाओसा झारासाआ साया अ़मेत्ताओ मुमादोत। अ़छाचि नुलोक पोइसुचिओ, तावाङ्चि साऩङ्वा मेत्तुचिओ, निनाम्हाङ्ओ अ़चुम़नाचिओ अ़चुलाङ वास़त्तुचिओ, दुखा कातोक्चि फासुचिओ खोन्कि झारा अ़नुवाक काचिदा अ़मिन्मा कापाक काइसाओ मुमादोत।
खाक्को साऩङ्वा मान्मेत्दामायु मुयाङ, साङ मोदाङ्का आप्पि सेङ्नान्चिन्नालो खो साऩङ्वा मित्चिऩङ्ओ निम्पाङ अ़क्छा खाम्मा लि, खोन्कि खिम्दाओ खिम्हाङ्पाओ निम्पाङ सेङ्साओ, याङ्मा खान्तुओ लि, खोन्कि खाक्कोछाङ अ़नुवाक काचिओ निम्पाङ चुम्युङ।
मोचि “निनाम्हाङ सिन्तुङ्योङ”नि ना म़य़ङ, मेन मोचिओ अ़चुकाचिआ ओन निनाम्हाङ ऩङाअ़छित निकिना खाङ्मुसु। मोचि ना चिप्माकात्तुचिओ, लोमान्तेत खोन्कि खाक्कोछाङ अ़नुवाक काचि मुमा खान्तुओचि मात्द़ङ्चि।
झाराकापाराओ आन्हेवादाङ्का आन्कान फोङ्सि, आन्कान सेङ्सि, खोन्कि अ़नुवाक काचि मुमा कास़ आप्पिओ अ़चुम़ना मुसि येसु ख्रिस्तआ आन्को निकि अ़चुह़ङ्म़ङ म़पुवा।
हाङ्काचि कामुचि खोन्कि पाङ कातोक्चिओ अ़चुक़म्मादा युङ्मादोत निकिना मोदाओ म़नाचि मित्मेत्तुचि। मोचि लोमावा म़च़ने, खोन्कि झाराकापाराआ नुलोक च़सि म़चुम्नान्युङ्नान्चिन्ने।
आन्म़नाचिआ अ़नुवाक काचि मुमादा अ़चुमिन्मा अ़पाक्ने, खोन्किना अ़न्नुनु दोत्याङ्ओ सामाचि कोप्मा अ़ऱने। मोवात्नि म़च़नालो आन्म़नाचिआ सोज्जेओ ह़ङ्म़ङ ऩखाइसुन।
ओ अ़नुछ्याओ य़ङ ओ। निनाम्हाङ्एदा साकोङ्छ़ङ कामु झारासा अ़नुवाक काचि मुमादा मिन्मा अ़पाक्ने निकिना खाना त़छ़म्तुचिनेनि अ़ङ्का लोना। ओवाको काचिचि अ़नुवाक म़मु खोन्कि झारा म़नाचिओ निकि अ़नुवाक य़ङ ओ।
खोक्कोसोओ अ़चुमिन्मा तामालामा रुवानुम निकिना झारा अ़नुवाक य़ङ्चिआ ऩयाङ्सिन्प़न्ने। दिसु य़ङ्आ निनाम्हाङ्ओ अ़चुऩङानुयाङ, येसु ख्रिस्तलाम्पा खोक्कोसाआ खानानिन्एदा ओ अ़मुने। अ़धुन-अ़धुन्तारि खोक्कोसोओ अ़चुऩङ्लोङ्ने! मोवात्निङा लिने।
निरावाचिओ अ़चुरादा आम्नुओ च़माथाङ्मा अ़नुवाक मुवानुम। मोचिआ खानानिन अ़त्लो काच़चिनि आम्नुओ देङ्सालाप्पादा म़चेप्नुछाङ मोचिआ आम्नुओ अ़नुवाक काचिचि म़खाचिकि हाङ्पा म़ताओ लेन मोचिआ निनाम्हाङ्ओ अ़चुओ ऩङ अ़चोन्ने।