मत्‍ति 24:9 - बान्‍तावा राई

⁹ खोन्‍किना म़नाचिआ खानानिन चाअ़त्‍लो दुखा प़सि निचिओ अ़चुछुक्‌दा ऩप़न, खोन्‍कि खानानिन ऩसेरिन, खोन्‍कि अ़ङ्‌का कात़ङ्‌चिओसा झारा रावाचिआ खानानिन ऩङाऩछिरिन।

मत्‍ति 24:9 ပူးပေါင်းရင်းမြစ်များ

मत्‍ति 22:6

निचिआ खोसोओ अ़हारुक्‌चि म़लाउचिकि मोचि अ़त्‍लो म़मुचि खोन्‍कि मोचि म़सेरुचि।

मत्‍ति 23:34

अ़ङ्‌का खानानिन्‌एदा निनाम्‍हाङ्‌य़ङ खाकालुचि, खारु कातोक म़नाचि खोन्‍कि य़ङ्‌हुप काचिन्‍पाचि छुत्‍तुङ्‌च़ङ। मोचिएदाओ देम्‌कापाङ त़सेरुम्‍च़म, खोन्‍कि क्रुस्‌दा त़ख़न्‍तुम्‍च़म खोन्‍कि देम्‌कापाङ आम्‍नुओ यावायोक्‍खिम्‌चिदा य़हुप त़पाक्‍तुम्‍च़म, खोन्‍कि सहरा-सहराचिदा त़ऱसुम्‍च़म।

लुका 11:49

खोवात्‍निओसा निनाम्‍हाङ्‌ओ अ़चुखारुआ म़लोयाङ, ‘अ़ङ्‌का मोचिएदा निनाम्‍हाङ्‌य़ङ खाकालुचि खोन्‍कि छाम्‍माय़ङ्‌चि छुत्‍तुङ्‌च़ङ। मोचिदाङ्‌का खा-खाक्‍कोचि म़सेरुचि खोन्‍कि खा-खाक्‍कोचि दुखा म़प़चि।’

लुका 21:12

मेन ओ झारा काचि लिमा बुया म़नाचिआ खानानिन ऩलाविन्‌कि दुखा ऩप़न, खोन्‍कि खानानिन छ़ङ छेइसि यावायोक्‍खिम्‌चिदा ऩतारिन्‍लान, खोन्‍कि छेक्‍खाखिम्‌चिदा ऩछेक्‍तिन। खानानिन अ़ङ्‌का कात़ङ्‌चिओसा हाङ्‌चि खोन्‍कि हाङ्‌कामुचिओ अ़चुबुदा ऩसारिन्‍खात्‍तिन।

युहन्‍ना 15:18

हेन्‍खामादाओ म़नाचिआ खानानिन ऩङाऩछिरिन्‌नालो खानानिन सिन्‍तानुम, खानानिन ऩङाछित्‍मा बुया मोसाआ अ़ङ्‌का ऩङाअ़छिराङ्‌ओ।

युहन्‍ना 15:21

मोचिआ ओ झारा काचिचि अ़ङ्‌ऩङ्‌ओ अ़तुक्‌वाआ खानानिन ऩमुन, देकिनालो मोचिआ अ़ङ्‌का काछुत ऩसिन्‍तुन।

युहन्‍ना 16:2

मोचिआ खानानिन यावायोक्‍खिम्‌चिदाङ्‌का ऩलोइसिन्‍खाइसिन। अ़नुछ्‍या ओवाको ग़रि तायाङ, खानानिन कासेत्‌आ निनाम्‍हाङ ब़क्‍तुङ्‌योङ्‌नि मिन।

छाम्‍माय़ङ 28:22

मेन आन्‍कान्‍का आम्‍मिन्‍माचि एन्‍मा स़न्‌येन्‍का, देकिनालो ओ साम्‌योक रुहुप्‌ओ अ़तुक्‌वाओ अ़देङ्‌सालाप्‍पादा झारादात्‍नि म़नाचि म़चेप्‌याङ्‍ओ आन्‍कान्‍का सिन्‍तुम्‌योम्‍का।”

छाम्‍माय़ङ 7:59

म़नाचिआ स्‍तिफनस लुङ्‌ताक्‌आ अ़कोआङाहिदा स्‍तिफनस यामारा, “हाङ्‌पा येसु, अ़ङ्‌लावा लोआनुम!”

१ पत्रुस 4:16

मेन साङ ख्रिस्‍तियान लिकि दुखा आङ्‌तुङुनालो मोसोओ अ़लेजो अ़कात्‍निन्‍ने। मेन म़नाचिआ ख्रिस्‍तओ अ़चुऩङ्‌लाम्‍पा खानानिन ऩबुत्‍तिन्‌ओदा निनाम्‍हाङ्‌ओ अ़चुऩङ चोन्‍तानुम।

खाङ्‌मुमा 2:10

खानानिन अ़चाअ़त्‍मादा छुक्‍मा त़मुन्‌येन्‌ओदा मान्‍क़दानिन। खानुम! सैतानाआ खानानिन्‌एदाङ्‌का देम्‍कापाङ आम्‍नुओ चिन्‍माखाङ्‌माओ निम्‍पाङ छेक्‍खादा छेक्‍मा त़मुन्‌येन, खोन्‍कि खानानिन दस्‌कालेन दुखा त़तोक्‍तिन। खानानिन आम्‍नुओ स़मादामातारि साकोङ्‌छ़ङ मुमा त़खान्‍तिन्‍लो त़लिसिन्‌नालो अ़ङ्‌का खानानिन ह़ङ्‌म़ङ्‌ओ सिरिफा प़नानिन।

खाङ्‌मुमा 2:13

खानानिन खादा त़युङिन्‌येन, अ़ङ्‌का सिन्‍तुङ्‌योङ। मोदा सैतानाओ अ़हाङ्‌युङ्‌खा युङ्‌याङ। खोन्‍नुछाङ अ़ङ्‌ऩङ्‌दा खानानिन नुलोक त़युङिन। सोम्‍कुवा मुमा खान्‍तुओ अ़ङ्‌सालुम्‍स़ङ काप़पा एन्‍तिपास्‌ओ अ़ग़रिदाछाङ अ़ङ्‌काएदा साकोङ्‌छ़ङ मुमा मान्‍छित्‍त़दोम, खो सैतानाओ अ़युङ्‌खादा आम्‍नुओ रादा सेरायुङ्‌सा।

खाङ्‌मुमा 7:14

खोन्‍कि अ़ङ्‌का मो लासुङ्‌लोङ, “उवा, खानानिन्‌ङा त़सिन्‍तिन।” खोन्‍कि खोसाआ अ़ङ्‌का अ़लोवाङ, “ओचि तोक्‍पो ल़क्‍माचिदा निनाम्‍हाङ्‌एदा सोम्‍कुवा कामु म़लिसाओ म़नाचि ओ। मोचिआ अ़चुतित्‌चि थुबाछाओ अ़चुह़दा वाअ़सुवाकि ओम्‍पुवाचिचिओ अ़मुवायुङ्‌सा।