मत्‍ति 23:9 - बान्‍तावा राई

⁹ खानानिन हेन्‍खामादा साङ्‌छाङ ‘अ़ङ्‌पा’नि मान्‍लोदानुम, देकिनालो निनाम्‍मादु आम्‍नुओ पापा अ़क्‍छा ओन्‍ङा म़युङ्‌याङ।

मत्‍ति 23:9 ပူးပေါင်းရင်းမြစ်များ

मत्‍ति 23:10

खानानिन साङ्‌आछाङ ‘हाङ्‌पा’नि ऩलोन्‍मिन्‍ने, देकिनालो आम्‍नुओ अ़क्‍छा ओन्‍ङा हाङ्‌पा, ख्रिस्‍त म़युङ्‌याङ।

मत्‍ति 6:32

निनाम्‍हाङ मान्‍सिन्‍कादाचिआ ओ झारा सामाचि म़लामुचि। मेन निनाम्‍मादुओ आम्‍नुओ पापाआ खानानिन ओवाको झारा सामाचि दोत्‌याङ निकिना अ़सिन्‌याङ।

मत्‍ति 7:11

मोवात्‍नि खानानिन अ़अ़त्‍पा त़मुन्‌येन्‌नुछाङ आम्‍नुओ छाचि अ़नुवाक सामाचि प़मा त़लेसिन्‌येन्‌नालो आम्‍नुओ निनाम्‍मादुओ पापाआ खोक्‍कोएदा कादोत्‌चि देम च़लोक अ़नुवाक सामाचि म़प़चि?

छाम्‍माय़ङ 22:1

“अ़ङ्‌यहुदि ब़ब़, नाना, निछाचि खोन्‍कि अ़ङ्‌पाचि ओ, हान अ़ङ्‌का आम्‍नुओ बुदा अ़ङ्‌लिप्‍पादा खालुसुङ्‌योङ्‍ओ य़ङ एनानुम।”

१ कोरिन्‍थि 4:15

देकिनालो ख्रिस्‍तदा आम्‍नुओ कातित्‌चि दस हजारा म़युङ्‌याङ्‌नुछाङ आम्‍नुओ लावामि पापा अ़क्‍छा ओन्‍ङा म़युङ्‌याङ। देकिनालो नुय़ङ्‌खान खाएत्‍निकि ख्रिस्‍त येसुदा अ़ङ्‌का आम्‍नुओपा लिसाङ।

२ कोरिन्‍थि 6:18

‘खोन्‍कि अ़ङ्‌का आम्‍नुओ पापा लिङा, खोन्‍कि खानानिन अ़ङ्‌दुवाछा छाचि खोन्‍कि अ़ङ्‌मेत्‍छाछा छाचि त़लिसिन’नि झारा सावापोरिओ निनाम्‍हाङ म़य़ङ्‌याङ।”

हिब्रु 12:9

हेन्‍खामादाओ आन्‍पापाचिआ अ़चुओ मिन्‍मावा च़मा आन्‍कान म़चिन, खोन्‍कि आन्‍कान खोचि साया मेत्‍तुम्‍च़म। ओदाङ्‌का च़लोक आन्‍लावामि पापा निनाम्‍हाङ्‌ओ अ़चुक़म्‍मादा आन्‍कान अ़धुन्‌तारि ह़ङिन।

१ युहन्‍ना 3:1

खानुम, निनाम्‍हाङ पापाआ आन्‍कान देम ब़द्‍धे सोमाम़तुक्‍तायुङ्‌सा! खोन्‌ओसा आन्‍कान निनाम्‍हाङ्‌ओ अ़चुछाचिनि लोमादोत, खोन्‍कि अ़नुछ्‍याछाङ ओ। हेन्‍खामादाओ म़नाचिआ आन्‍कान मान्‍सिन्‍दामाङा मोचिआ निनाम्‍हाङ मान्‍सिन्‍दामा ओ।