मत्‍ति 22:11 - बान्‍तावा राई

¹¹ आदेङ हाङ तावाङ्‌चि खाङ्‌सि निम्‍पाङ खिम्‍हुत्‌दा वाङा, मोन्‍ग़रि खोसाआ सायाकाम्‍खा तित मान्‍हुम्‌याङ्‌ओ अ़क्‍छा म़ना खा।

मत्‍ति 22:11 ပူးပေါင်းရင်းမြစ်များ

मत्‍ति 13:30

चा कोप्‍मा मान्‍लियुक्‌तारि ह्‍वातात्‍माङ अ़क्‍नि पोन्‍मा पुवानुम्‍च़म। चा कोप्‍मा ग़रिदा चाकाहेक्‌चि अ़ङ्‌का लोङ्‌च़ङ, बुया सामा धेलानुम खोन्‍कि मोचि भोङानुम्‍च़म्‌कि ह़त्‍माखाइसानुम्‍च़म। खोन्‍किना छुमाचा अ़ङ्‌स़ङ्‌कुलुधुन्‌दा कोआनुम।’”

मत्‍ति 22:10

खोन्‍किना मो अ़हारुक्‌चि लाम्‌चिदात्‍नि म़खाराकिना म़धिरुचिओ अ़अ़त्‍पा खोन्‍कि अ़नुवाक झारा म़कोउचि, खोन्‍कि सायाकाम्‍खा खिम तावाङ्‌चिआ अ़भेप्‍ता।

मत्‍ति 3:12

खोक्‍कोसोओ अ़चुचाथाप्‍खा खोक्‍कोसोओ अ़चुछुक्‌दा याक्‌याङ, खोन्‍कि खोक्‍कोसोओ अ़चुचा नुक्‍खा खाला अ़सेङ खोन्‍कि अ़चुछुमाचा स़ङ्‌कुलुधुन्‌दा अ़कोप, मेन अ़होम्‍पा देम्‍खाछाङ अ़स़निन्‍दानिन्‌ओ मिदा अ़ह़त्‍खान।”

रोमि 13:14

मेन हाङ्‌पा येसु ख्रिस्‍तओ अ़मात्‍ऩङ त़ङ्‌तानुम खोन्‍कि हेवामि च़माथाङ्‌माओ मित्‍माचिदा देत्‍नि सोम्‍सेत्‍मान्‍चिन्‌ओ अ़तुक्‌वादा मिन्‍मा मान्‍पाक्‍दानुम।

रोमि 3:22

येसु ख्रिस्‍तदा झारा साकोङ्‌छ़ङ कामुचिएदा निनाम्‍हाङ्‌दाङ्‌काओ साम्‌योक्‍मि साकोङ्‌छ़ङ्‌लाम्‍पा ता। देकिनालो निनाम्‍हाङ्‌आ यहुदि खोन्‍कि निरावाचिओ अ़चुरादा लिप्‍पा ऩवाङ्‌निन,

१ कोरिन्‍थि 4:5

खोन्‌ओसा काइसाओ ग़रिदाङ्‌का बुया दित्‍छाङ छ़ङ्‌मान्‍छेन्‌दानिन। हाङ्‌पा म़तालो हुङानुम। दि कुइयामादा कुमायुङ्‌सा, खोक्‍कोसाआ साम्‌दा म़तारुचि खोन्‍कि म़नाचिओ अ़चुसाकोङ्‌वादाओ अ़चुमित्‍चिऩङ्‌चि खाङ्‌म़मुसुचि। मोन्‍ग़रि झारा म़नाचिआ निनाम्‍हाङ्‌एदाङ्‌का अ़चुचोन्‍मा अ़तोक।

२ कोरिन्‍थि 5:3

देकिनालो ओसाआ आन्‍कान म़दिप, खोन्‌ओसा आन्‍लावा पोक मात्‍द़ङ्‌ओवाको अ़कालाङ्‌द़क अ़मुनिन।

गलाति 3:27

देकिनालो खानानिन्‌एदाओ देम्‍पाङ्‌साआ ख्रिस्‍तदा बप्‍तिस्‍मा त़लोउम, खानानिन झारासाआ अ़ऩङ्‌वा तित त़हुम्‍सिन्‌येन्‌वा ख्रिस्‍तवाको त़लिसिन्‌युङ्‌सिन।

एफिसि 4:24

खोन्‍कि निनाम्‍हाङ्‌ओ अ़चुकात्‍मादा अ़नुछ्‍याओ साम्‌योक्‍मि खोन्‍कि सेङ्‌माय़ङ्‌दा मुयाओ अ़ऩङ्‌वा च़माथाङ्‌मा लोआनुम।

खाङ्‌मुमा 16:15

मोचिआ हाङ्‌चि मोदा म़कोउचि मो हिब्रु य़ङ्‌दा ‘आरमागेद्‍दोन’नि लो। हाङ्‌पा म़य़ङ्‌याङ, “खानुम, अ़ङ्‌का काख़पावा ताङा! मो आसिखा कातोक ओ। साङ चाप्‍चाप्‍चाप्‌वा युङ, खोन्‍कि अ़तित हुम्‍सु। मोवात्‍नि मो म़ना अ़कालाङ्‌द़क कोन्‍मा खोन्‍कि अ़लेजो कात्‍मा अ़दोत्‍निन।”

खाङ्‌मुमा 19:8

बाङ्‌गाय़ओ छोक्‍छोक्‍छोक्‌वाओ खोन्‍कि सेङाङाओ तित हुम्‍मा मो पुवा।” बाङ्‌गाय़ओ छोक्‍छोक्‍छोक्‌वाओ तित निनाम्‍हाङ्‌ओ अ़चुम़नाचिओ अ़नुवाक काचिचि ओ।

खाङ्‌मुमा 2:23

अ़ङ्‌का मो कात़ङ्‌चि सेरुङ्‌च़ङ। खोन्‍कि झारा साम्‍भुङ्‌चिआ अ़सिन, अ़ङ्‌का खोङा ओ, झारासोओ अ़चुमिन्‍माचि खोन्‍कि अ़चुसाकोङ्‌वाचि लामुङ्‌च़ङ, खोन्‍कि खानानिन झारासा त़मुम्‌ओ आम्‍नुओ काचिचिओ सिरिफा अ़ङ्‌का लानाप़नानिन।

खाङ्‌मुमा 3:18

खोन्‌ओसा कातोक लिमा मिआ हेङ्‌माय़ङ हाराक्‌वा, खोन्‍कि आम्‍कालाङ्‌द़क्‌ओ लेजो दिप्‍मा निम्‍पाङ ओम्‌याङ्‌ओ तित खोन्‍कि खाना खाङ्‌मा त़ऱने निकिना आम्‍म़क्‌दा पाक्‍मा ओक्‍तो, अ़ङ्‌काएदाङ्‌का खित्‍माछाङ खाना यायोक प़ना।