मत्‍ति 2:2 - बान्‍तावा राई

² “यहुदिचिओ अ़चुहाङ म़लिसाओ अ़ऩङ्‌वा छा खादा म़युङ्‌याङ? आन्‍कान्‍का खोक्‍कोसोओ अ़चुसाङ्‌केन्‍मा बुसुहोन्‌या खाम्‍का, खोन्‍कि खोक्‍को ब़क्‍सि तान्‌युङ्‌सिन्‍का।”

मत्‍ति 2:2 ပူးပေါင်းရင်းမြစ်များ

मत्‍ति 2:3

मोन्‍ग़रि हेरोद हाङ्‌आ ओ य़ङ एनुकि खो अ़न्‍नुनु मिन्‍राक्‌दा छुक्‍ता, खोन्‍कि खोएनान यरुसलेम्‌दाओ झारा म़नाचिछाङ मिन्‍राक्‌दा म़छुक्‍ता।

मत्‍ति 21:5

“सियोन्‌दा कायुङ म़नाचि ओ, खानुम, आम्‍नुओ हाङ खानानिन्‌एदा, सिम्‍नान्‍चिन्‍सा, गधा धुङ्‌दा म़वाङ्‌कि, गधाओ अ़क्‌तात अ़छादुङ्‌दुङ्‌का म़तायाङ।”

मत्‍ति 27:11

येसु धिखाहुप काखाङ्‌ओ अ़बुदा म़एवा, खोन्‍कि मोसाआ येसु सेनु, “दि खाना यहुदिचिओ अ़चुहाङ ओ?” येसुआ अ़लोवा, “खानानिन्‌ङा खोवात्‍नि त़य़ङिन्‌युङ्‌सिन म़ल़क।”

लुका 19:38

“निनाम्‍हाङ्‌ओ अ़चुऩङ्‌दा म़ताओ हाङ निनाम्‍हाङ्‌आ आसिखा अ़प़ने! निनाम्‍मादु सेवाङ्‌नि लिने खोन्‍कि झारादाङ्‌का धानि निनाम्‍हाङ्‌ओ अ़चुऩङ लोङ्‌ने।”

लुका 2:11

आय़ दाउद्‌ओ अ़तेन्‌दा कालेन्‍पा आम्‍नुओ निकि म़पुक्‍तान्‌युङ्‌सान्‍चिन। खो ख्रिस्‍त हाङ्‌पा म़युङ्‌याङ।

लुका 23:3

खोन्‍किना पिलातस्‌आ येसु सेनु, “दि खाना यहुदिचिओ अ़चुहाङ ओ?” येसुआ अ़लासालोवा, “खानानिन्‌ङा खोवात्‍नि त़य़ङिन्‌युङ्‌सिन म़ल़क।”

लुका 23:38

खोक्‍कोसोओ अ़चुताङ छोङ्‌दु “ओ यहुदिचिओ अ़चुहाङ ओ”नि फ़लेक्‌दा अ़छाप्‍ताओ याआङा।

युहन्‍ना 1:49

नथानेल्‌आ खोक्‍को लासुलो, “रब्‍बि, खानानिन निनाम्‍हाङ्‌ओ अ़चुछा ओ, खानानिन इस्राएल्‌दाओ हाङ ओ।”

युहन्‍ना 12:13

खोन्‍किना मोचिआ खजुराताङ्‌ओ अ़खेक्‌चि अ़खात्‍ताकि खोक्‍को साऩङ्‌वा मेत्‍सि पात्‌याङ्‌सा म़लोन्‍ता, “होसन्‍ना! खोक्‍को निनाम्‍हाङ्‌आ आसिखा अ़प़ने, साङ हाङ्‌पा निनाम्‍हाङ्‌ओ अ़चुऩङ्‌दा म़ता! खोक्‍को इस्राएलिचिओ अ़चुहाङ ओ!”

युहन्‍ना 18:37

पिलातस्‌आ खोक्‍को सेनु, “दि खाना हाङ्‌ङा ओ म़ल़क?” येसुआ लासुलो, “खानानिन्‌ङा खोवात्‍नि त़य़ङिन्‌युङ्‌सिन म़ल़क। ओसोओ निम्‍पाङ अ़ङ्‌का लिसाङ ओ, खोन्‍कि ओ अ़छ़ङ य़ङ्‍ओ निकिना सालुम्‍स़ङ प़सि अ़ङ्‌का ओ हेन्‍खामादा ताङ्‌ओ। झारा साङ्‌आ अ़छ़ङ य़ङ त़ङ्‌तु, मोसाआ अ़ङ्‌य़ङ एनु।”

युहन्‍ना 19:19

पिलातस्‌आ अ़क्‌तात लाहिपाक्‍मा छाप्‍माय़ङ्‌छाङ छाप्‍तु, खोन्‍कि क्रुस्‌दा अ़खेप्‍ता। मोदा ओवात्‍नि छाप्‍ताङा, “नासरत्‌ओ येसु, यहुदिचिओ अ़चुहाङ।”

युहन्‍ना 20:28

थोमाआ खोक्‍को लो, “अ़ङ्‌हाङ्‌पो, खोन्‍कि अ़ङ्‌निनाम्‍हाङ!”

युहन्‍ना 5:23

खोन्‍कि देत्‍नि मोचिआ पापा साया अ़मेत, मोवात्‍निङा झारासाआ अ़चुछा साया अ़मेत्‍ने। साङ्‌आ अ़चुछा साया अ़मेत्‍तुन, खो काछुत पापाछाङ साया अ़मेत्‍तुन।

युहन्‍ना 9:38

खोन्‍किना मोसाआ लो, “हाङ्‌पो, अ़ङ्‌का साकोङ्‌छ़ङ मुङा,” खोन्‍कि मो खोक्‍कोएदा बोम्‍सान्‍चिन।

हिब्रु 1:6

निनाम्‍हाङ्‌आ बुया लिसाओ अ़चुछा हेन्‍खामादा अ़ताराहिदा खोक्‍को म़य़ङा, “निनाम्‍हाङ्‌ओ झारा अ़चुकाफाचिआ खोक्‍कोङा अ़ब़क्‍ने।”

खाङ्‌मुमा 22:16

“अ़ङ्‌का येसुआ खानाएदा साम्‍भुङ्‌चिओ निम्‍पाङ ओ य़ङ्‌खान प़सि अ़ङ्‌को अ़ङ्‌काफा छुत्‍तुङ्‌युङ्‌सुङ। अ़ङ्‌का दाउद भुङ्‌ओ अ़भेन खोन्‍कि खोसोओ हाङ्‌कामु पाङ्‌यि कातोक ओ। अ़ङ्‌का अ़वाय़ङ लेत्‌याङ्‌ओ साङ्‌केन्‍मा ओ।”