मत्‍ति 2:12 - बान्‍तावा राई

¹² खोन्‍किना हेरोद्‌एदा मान्‍लाखात्‌दानिन निकिना अ़चुसेन्‍मुयुदा चाप्‍चेत्‍माय़ङ अ़तोक्‍ताकि नि लाम लियाङ्‌सा मोचि अ़चुहेन्‍कोप म़लासा।

मत्‍ति 2:12 ပူးပေါင်းရင်းမြစ်များ

मत्‍ति 1:20

मेन योसेफ ओवात्‍नि मिनाङाहिदा अ़सेन्‍मुयुदा अ़क्‍छा निनाम्‍हाङ काफा योसेफ्‌एदा खाङ्‌मुसान्‍चिन खोन्‍कि खो ओवात्‍नि लो, “योसेफ, दाउद्‌ओ अ़छा, मरियम आम्‍खिम्‍हाङ्‌मा लोक्‍मा मान्‍क़दा। देकिनालो मरियम बुक खुयाओ ना सेङ्‌लावादाङ्‌का ओ।

मत्‍ति 2:13

मो सालुत्‍लिचि म़खाराचिआकि निनाम्‍हाङ्‌ओ अ़क्‍छा अ़चुकाफा अ़चुसेन्‍मुयुदा योसेफ्‌एदा खाङ्‌मुसान्‍चिन खोन्‍कि लो, “पुवालोन्‍ता, नुनु खोन्‍कि खोक्‍कोसोओ अ़चुमा खात्‍तुचिकि मिस्र हेन्‍कोप फुङ्‌सा, खोन्‍कि अ़ङ्‌का खाना मान्‍लोयुक्‍नातारि मोयाङा युङा, देकिनालो हेरोद्‌आ नुनु सेत्‍मा निम्‍पाङ खोक्‍को लाम्‍मा मुङु।”

मत्‍ति 2:19

हेरोद सुवादाकिना निनाम्‍हाङ्‌ओ अ़क्‍छा अ़चुकाफा सेन्‍मुयुदा योसेफ्‌एदा मिस्रदा खाङ्‌मुसान्‍चिन खोन्‍कि ओवात्‍नि लो,

मत्‍ति 2:22

मेन यहुदियादा हेरोद हाङ्‌ओ अ़फान्‌दा अ़छा अर्खिलाउस हाङ मुयाङ्‌नि योसेफ्‌आ एनुकि मोह्‍यात्‍नि खात्‍मा योसेफ क़सा, खोन्‍कि अ़सेन्‍मुयुदा चाप्‍चेत्‍माय़ङ तोक्‍तुकि योसेफ गालिल धिखाहुप्‌ह्‍यात्‍नि खारा।

मत्‍ति 27:19

खोन्‍कि पिलातस छ़ङ्‌छेन्‍खादा युङाङाओ ग़रि खोसोओ अ़खिम्‍हाङ्‌माआ ओवाको य़ङ्‌खान छोक्‍तु, “मो साम्‌योक्‍मि म़ना देत्‍छाङ मान्‍मुदानुम, देकिनालो आय़ सेन्‍मुयुदा मोसोओ अ़तुक्‌वाआ अ़ङ्‌का ब़द्‍धे दुखा आङ्‌तुङ्‌युङ्‌सुङ।”

लुका 2:26

हाङ्‌पाआ अ़य़ओ कालेन्‍पा ख्रिस्‍त मान्‍खाङ्‌माङ खो अ़स़निन्‍दानिन निकिना सेङ्‌लावाआ बुयाङा खोक्‍को अ़लोवायुङ्‌साओ।

छाम्‍माय़ङ 10:22

मो म़नाचिआ अ़लासालोवा, “रोमि रात्‍खामिचिओ अ़चुकप्‍ताना कर्नेलियस्‌आ अ़बाइसिन्‍काओ। खो साम्‌योक्‍मि म़ना खोन्‍कि निनाम्‍हाङ काकित खोन्‍कि झारा यहुदिचिआ अ़न्‍नुनु साया अ़मेत्‌याङ्‍ओ म़ना म़मुयाङ। खोसोओ अ़खिम्‌दा खानानिन ऩबुत्‍तिन्‌येन, खोन्‍कि खानानिन्‌एदाङ्‌का खोसाआ य़ङ्‌खान एन्‍मानि अ़क्‍छा निनाम्‍हाङ्‌ओ अ़चुकाफाआ लोयुङ्‌सु।”

छाम्‍माय़ङ 4:19

मेन पत्रुस खोन्‍कि युहन्‍नाआ मोचि अ़लासालोवाचुचिन, “निनाम्‍हाङ्‌ओ अ़चुबुदा आम्‍नुओ य़ङ एन्‍मा अ़नुवाक हे, निनाम्‍हाङ्‌ओ अ़चुय़ङ एन्‍मा अ़नुवाक? खानानिन्‌ङा अ़छ़ङ मुवानुम।

छाम्‍माय़ङ 5:29

मेन पत्रुस खोन्‍कि नि छाम्‍माय़ङ्‌चिआ म़लासुलोचि, “म़नाचिआ लोमाय़ङ माआङ, निनाम्‍हाङ्‌आ लोमाय़ङ आन्‍कान्‍का काङ्‌मादोत।

१ कोरिन्‍थि 3:19

देकिनालो हेन्‍खामाओ खारु निनाम्‍हाङ्‌ओ अ़चुबुदा खामान्‍सिन ओ। साम्‍कालिन्‌दा ओवात्‍नि छाप्‌याङ, “खोक्‍कोसाआ ताया कातोक्‌चि मोचिओ अ़चुचाप्‍चादा म़लाउचि।”

हिब्रु 11:7

मान्‍लियुक्‍ताओ य़ङ्‌ओ अ़तुक्‌वादा निनाम्‍हाङ्‌आ चाप्‍चेत्‍तुहिदा नोआआ साकोङ्‌छ़ङ्‌लाम्‍पा मो य़ङ काङ्‌सा खोन्‍कि अ़खिम्‍लुम्‍पा वाधुप्‌दाङ्‌का लेन्‍मा निम्‍पाङ अ़क्‌तात तोक्‍पो वाप्‍तेला मु। मोवात्‍नि नोआआ हेन्‍खामादाओ म़नाचि लाहि पाक्‍तुचिकि निनाम्‍हाङ्‌दाङ्‌का ताओ साम्‌योक्‍मि साकोङ्‌छ़ङ्‌लाम्‍पा तोक्‍तु।

हिब्रु 8:5

मोचिआ सेङ्‌याङ्‌ओदाओ ब़त्‍मायु काचि निनाम्‍मादुओ अ़छ़ङ य़ङ्‌ओ अ़मात्‍ऩङ खोन्‍कि अ़इप्‍नाम्‍मा ओ। देकिनालो निनाम्‍हाङ्‌य़ङ खाकालु मोसाआ सेङ्‌याङ्‌ओ तित्‍खिम मुङुहिदा निनाम्‍हाङ्‌आ ओवात्‍नि अ़लोवा, “भ़ऱदु खाना खाङ्‌मेत्‍नाओ अ़मात्‍ऩङ्‌वा खाना झारा नुलोक मुचि।”