मत्‍ति 2:1 - बान्‍तावा राई

¹ हेरोद हाङ मुवाङाओ ग़रिदा यहुदियादाओ बेथलेहेम तेन्‌दा येसु म़लिसा। मोन्‍ग़रि बुसुहोन्‌याङ्‌का सालुत्‍लिचि यरुसलेम्‌दा म़ताकि मोचि म़य़ङा,

मत्‍ति 2:1 ပူးပေါင်းရင်းမြစ်များ

मत्‍ति 1:25

मरियम छा मान्‍तोक्‌युक्‍तातारि योसेफ मरियम्‌एनान अ़क्‍नि मान्‌इम। खोन्‍कि योसेफ्‌आ खोक्‍कोसोओ अ़चुऩङ येसु पाक्‍तु।

मत्‍ति 2:16

खोन्‍किना सालुत्‍लिचिआ अ़म़प्‍ताओ य़ङ हेरोद्‌आ सिन्‍तुकि अ़माइसुङ्‌आ पुन्‍तुदो। खोन्‍कि सालुत्‍लिचिदाङ्‌का सिन्‍तुओ ग़रिदा बेथलेहेम खोन्‍कि मोसोओ अ़च़क्‌दाओ तेन्‌दाओ ह्‍वा दोङ खोन्‍कि ह्‍वा दोङ्‌दाङ्‌का अ़चुप्‍पो झारा दुवाछा छाचि सेत्‍मेत्‍तुचि।

मत्‍ति 2:19

हेरोद सुवादाकिना निनाम्‍हाङ्‌ओ अ़क्‍छा अ़चुकाफा सेन्‍मुयुदा योसेफ्‌एदा मिस्रदा खाङ्‌मुसान्‍चिन खोन्‍कि ओवात्‍नि लो,

मत्‍ति 2:3

मोन्‍ग़रि हेरोद हाङ्‌आ ओ य़ङ एनुकि खो अ़न्‍नुनु मिन्‍राक्‌दा छुक्‍ता, खोन्‍कि खोएनान यरुसलेम्‌दाओ झारा म़नाचिछाङ मिन्‍राक्‌दा म़छुक्‍ता।

मत्‍ति 2:5

मोचिआ खो अ़लोवा, “यहुदियाओ बेथलेहेम्‌दा। देकिनालो निनाम्‍हाङ्‌य़ङ खाकालुआ छाप्‍तुयुङ्‌सु:

मत्‍ति 2:7

खोन्‍किना हेरोद्‌आ मो सालुत्‍लिचि सुकुलादा बुत्‍तुचि खोन्‍कि साङ्‌केन्‍मा खाउग़रि खाङ्‌मुसान्‍चिन्‌ओ, मो मोचि सेनुचि।

लुका 1:5

यहुदिया धिखाहुप्‌दा हेरोद हाङ मुवाङाओ योक्‌दा अबिया रुहुप्‌दा जकरिया अ़ऩङ मुवाङाओ अ़क्‍छा निनाम्‍हाङ काब़क्‍पा युङाङा। खोसोओ अ़खिम्‍हाङ्‌माओ अ़ऩङ एलिसिबा याआङा। एलिसिबा मुलो काब़क्‍पा हारुन भुङ्‌ओ छा युङाङा।

लुका 2:11

आय़ दाउद्‌ओ अ़तेन्‌दा कालेन्‍पा आम्‍नुओ निकि म़पुक्‍तान्‌युङ्‌सान्‍चिन। खो ख्रिस्‍त हाङ्‌पा म़युङ्‌याङ।

लुका 2:15

निनाम्‍हाङ काफाचि मोचिदाङ्‌का म़हासान्‍चिन्‌कि निनाम्‍मादुत्‍नि म़लासा। खोन्‍कि भेरा काचान्‌चि खोचिखोचिएदा म़य़ङा, “लु, हान बेथलेहेम्‌या खारिन्‍ने खोन्‍कि निनाम्‍हाङ्‌आ आन्‍कान म़लोवाओ य़ङ तालाओ खाम्‍ने।”

युहन्‍ना 7:42

दि साम्‍कालिन्‌दा मान्‍छाप्‌युक, ख्रिस्‍त दाउद्‌ओ अ़भुङ्‌दाङ्‌का खोन्‍कि दाउद्‌ओ अ़तेन बेथलेहेम्‌दाङ्‌का म़ता?”