मत्‍ति 17:22 - बान्‍तावा राई

²² खोचि गालिल्‌दा म़लासान्‍कोवान्‍चिन्‌हिदा येसुआ मोचि “म़नाओ अ़छा म़नाचिओ अ़चुछुक्‌दा अ़पाक”नि म़लोचि।

मत्‍ति 17:22 ပူးပေါင်းရင်းမြစ်များ

मत्‍ति 16:21

खोक्‍को देत्‍नि यरुसलेम खात्‍मादोत, खोन्‍कि अ़धुवाचि, मुलो काब़क्‍पाचि खोन्‍कि य़ङ्‌हुप काचिन्‍पाचिदाङ्‌का ब़द्‍धे दुखा आङ्‌मादोत खोन्‍कि अ़सेत, मेन खो सुम्‌कालेन्‌दा स़दाओदाङ्‌का लाखोन्‍लोन निकिना येसुआ मोन्‍ग़रिदाङ्‌का अ़चुकाखेङ्‌पाचि खाएत्‍मा म़पुक्‍तुचि।

मत्‍ति 16:28

अ़नुछ्‍या अ़ङ्‌का खानानिन लोनानिन, ओदा खा-खाक्‍को काएप्‌चिदाङ्‌का म़नाओ अ़छा अ़हाङ्‌होन्‌दा तायाङ्‌ओ मान्‍खाङ्‌माङ्‌तारि ऩस़निन्‍दानिन।”

मत्‍ति 17:12

मेन अ़ङ्‌का खानानिन लोनानिन, एलिया बुयाङा ताचिआयुङ्‌सा, खोन्‍कि म़नाचिआ खो मान्‍सिन्‌अ़दा, मेन म़नाचिआ देमुमानि म़मिना, खोवात्‍निङा खो अ़मुवायुङ्‌सा। मोवात्‍निङा म़नाओ अ़छाआछाङ मोचिओ अ़चुछुक्‌दाङ्‌का दुखा आङ्‌मादोत।”

मत्‍ति 17:23

“खोन्‍कि मोचिआ खो अ़सेत, मेन सुम्‌कालेन्‌दा खो लाखोन्‍लोन।” खोन्‌ओसा खोचिओ अ़न्‍नुनु अ़चुमिन्‍मा तुआ।

मत्‍ति 17:9

खोन्‍कि खोचि भ़ऱदुङ्‌का म़धान्‍तान्‌यान्‍चिन्‌हिदा येसुआ मोचि म़लोचि, “देम्‍खातारि म़नाओ अ़छा स़दाओदाङ्‌का अ़लानिन्‍खोन्‍निन्‍लोन्‍निन, मोन्‌तारि खानानिन्‌आ त़खाम्‌ओ य़ङ साङ्‌छाङ खामान्‌एत्‌दानुम्‍च़म।”

मत्‍ति 24:10

मोन्‍ग़रि ब़द्‍धेकापाङ अ़चुसाकोङ्‌छ़ङ्‌दाङ्‌का म़ला, खोन्‍कि अ़क्‍छा निएदा धान्‍का-धान खोन्‍कि ऩङाछित्‍काछित म़मु।

मत्‍ति 26:16

मोन्‍ग़रिदाङ्‌का यहुदाआ मोचि खोक्‍को लाप्‍माप़मा निम्‍पाङ अ़वाखाम लाम्‍मापुङ्‌सु।

मत्‍ति 26:46

थिन्‍तानिन! खारिन्‍ने! खानुम, अ़ङ्‌का काधान म़ना च़क्‌दा युङ्‌याङ!”

मर्कुस 8:31

खोन्‍किना येसुआ अ़चुकाखेङ्‌पाचि “म़नाओ अ़छाआ ब़द्‍धे दुखा आङ्‌मादोत, अ़धुवाचि, मुलो काब़क्‍पाचि, खोन्‍कि य़ङ्‌हुप काचिन्‍पाचिआ ऩङाअ़छित, खोन्‍कि अ़सेत, मेन सुम्‌कालेन्‌दा लाखोन्‍लोन्‌नि लोयाङ्‌सा खोचि चिन्‍मा म़पुक्‍तुचि।”

लुका 24:26

दि निनाम्‍मादु ख्रिस्‍तओ अ़चुऩङ तोक्‍पो लिमा बुया ओ दुखाचि आङ्‌मा मान्‍दोत्‌याङ्‌चि कि?”

लुका 9:22

खोन्‍कि खोक्‍को म़य़ङा, “अ़ङ्‌का म़नाओ अ़छाआ ब़द्‍धे दुखा आङ्‌मादोत खोन्‍कि अ़धुवाचि, मुलो काब़क्‍पाचि खोन्‍कि य़ङ्‌हुप काचिन्‍पाचिआ ऩङाअ़छित, खोन्‍कि अ़सेत मेन खो सुम्‌कालेन्‌दा स़दाओदाङ्‌का लाखोन्‍लोन।”

लुका 9:43

निनाम्‍हाङ्‌ओ अ़धिवा सावा अ़खाकि झारा म़नाचि दोम्‍तुदोचि। येसुआ अ़मुवाओ अ़क्‌तात काचिदा झाराकापाङ दोम्‍तुदोचिओ ग़रि खोक्‍कोसाआ अ़चुकाखेङ्‌पाचि म़लोचि।

छाम्‍माय़ङ 7:52

आम्‍नुओ सुन्‍तुम्‌चिआ दुखा मान्‍प़म़दोचिओ निनाम्‍हाङ्‌य़ङ खाकालुचि साङ्‌छाङ मात्‍द़ङ्‌चि। आम्‍नुओ सुन्‍तुम्‌चिआ साम्‌योक्‍मि म़ना मसिह म़ताङाओ अ़तुक्‌वादा निनाम्‍हाङ्‌य़ङ खाकालुचि झारा म़सेरुचि। आइमित खानानिन खोक्‍को मसिह साकोङ्‌छ़ङ्‌दा त़धान्‍तुम, खोन्‍कि त़सेरुम।

१ कोरिन्‍थि 11:23

देकिनालो हाङ्‌पाएदाङ्‌का अ़ङ्‌का दि तोक्‍तुङ, मो खानानिन प़नायुङ्‌नानिन। लाप्‍खावा म़चाओ अ़खाखुत हाङ्‌पा येसुआ पेम्‍पाक अ़क़क्‍ता,