मत्‍ति 17:12 - बान्‍तावा राई

¹² मेन अ़ङ्‌का खानानिन लोनानिन, एलिया बुयाङा ताचिआयुङ्‌सा, खोन्‍कि म़नाचिआ खो मान्‍सिन्‌अ़दा, मेन म़नाचिआ देमुमानि म़मिना, खोवात्‍निङा खो अ़मुवायुङ्‌सा। मोवात्‍निङा म़नाओ अ़छाआछाङ मोचिओ अ़चुछुक्‌दाङ्‌का दुखा आङ्‌मादोत।”

मत्‍ति 17:12 ပူးပေါင်းရင်းမြစ်များ

मत्‍ति 11:2

बप्‍तिस्‍मा काप़ युहन्‍नाआ ख्रिस्‍तओ अ़चुकाचिचिओ अ़तुक्‌वादा छेक्‍खादा एनुकिना अ़काखेङ्‌चि खोक्‍कोएदा सेन्‍सि छुत्‍तुचि।

मत्‍ति 16:21

खोक्‍को देत्‍नि यरुसलेम खात्‍मादोत, खोन्‍कि अ़धुवाचि, मुलो काब़क्‍पाचि खोन्‍कि य़ङ्‌हुप काचिन्‍पाचिदाङ्‌का ब़द्‍धे दुखा आङ्‌मादोत खोन्‍कि अ़सेत, मेन खो सुम्‌कालेन्‌दा स़दाओदाङ्‌का लाखोन्‍लोन निकिना येसुआ मोन्‍ग़रिदाङ्‌का अ़चुकाखेङ्‌पाचि खाएत्‍मा म़पुक्‍तुचि।

मत्‍ति 17:11

येसुआ मोचि म़लासुलोचि, “अ़नुछ्‍या एलिया बुया ता, खोन्‍कि झारा य़ङ्‌चि लासुतोङ्‌सुचि।

मत्‍ति 17:13

मोन्‍ग़रि खोक्‍कोसाआ बप्‍तिस्‍मा काप़ युहन्‍नाओ अ़तुक्‌वादा आन्‍कान म़लोवाओ निकिना काखेङ्‌पाचिआ अ़तुप्‍ता।

मत्‍ति 17:22

खोचि गालिल्‌दा म़लासान्‍कोवान्‍चिन्‌हिदा येसुआ मोचि “म़नाओ अ़छा म़नाचिओ अ़चुछुक्‌दा अ़पाक”नि म़लोचि।

मत्‍ति 17:9

खोन्‍कि खोचि भ़ऱदुङ्‌का म़धान्‍तान्‌यान्‍चिन्‌हिदा येसुआ मोचि म़लोचि, “देम्‍खातारि म़नाओ अ़छा स़दाओदाङ्‌का अ़लानिन्‍खोन्‍निन्‍लोन्‍निन, मोन्‌तारि खानानिन्‌आ त़खाम्‌ओ य़ङ साङ्‌छाङ खामान्‌एत्‌दानुम्‍च़म।”

मत्‍ति 21:32

देकिनालो युहन्‍ना खानानिन्‌एदा साम्‌योक लाम खाङ्‌मेत्‍सि ता, मेन खानानिन्‌आ खोएदा साकोङ्‌छ़ङ मान्‍मुत़दोम। मेन दाम्‍दु कालात्‍चिआ खोन्‍कि काचान्‍चाचि खोएदा साकोङ्‌छ़ङ म़मुवा। खानानिन्‌आ मो त़खाम्‌किछाङ आम्‍नुओ मिन्‍मा मान्‍लात़दोम, खोन्‍किना खोएदा साकोङ्‌छ़ङ मान्‍मुत़दान।”

मत्‍ति 8:20

खोन्‍कि येसुआ मो अ़लोवा, “हाप्‍सुचिओ अ़चुयुङ्‌खा बुक्‍ताङ्‌चि खोन्‍कि नाम्‍छ़ऱदु कापेन छोङ्‌वाचिओ अ़चुयाङ्‌चि म़याक्‌याङ, मेन म़नाओ अ़छाओ ना अ़ताङ नान्‍खाछाङ मात्‍द़ङ।”

लुका 7:33

खोन्‍नुछाङ बप्‍तिस्‍मा काप़ युहन्‍ना ना पेम्‍पाक चायाङ्‌सा माङ्‌लो अङ्‌गुरा माङ्‌वा दुङ्‌याङ्‌सा ता, खोन्‍कि खो खानानिन्‌आ चाकावालावाआ लाउओ म़नानि त़लोम।

युहन्‍ना 1:11

खोक्‍को आप्‍पिओ अ़चुम़नाचिएदा म़ता, मेन खोक्‍कोसोओ अ़चुओ म़नाचिआङा खोक्‍को मान्‍लोक्‌अ़दा।

छाम्‍माय़ङ 2:23

निनाम्‍हाङ्‌आ अ़मुवाओ अ़चुमित्‍चिऩङ्‌वात्‍नि खोन्‍कि आदेङ लिओ काचि सिन्‍मा अ़चुतायालाम्‍पा ओ येसु ख्रिस्‍त खानानिन ऩप़न्‌युङ्‌सिन। मेन खानानिन्‌आ निनाम्‍हाङ्‌ओ अ़य़ङ्‌हुप्‌वा मान्‍च़कादाचिओ अ़चुछुक्‌दा येसु त़पाक्‍तुम्‍प़म्‍च़म, खोन्‍कि मोचि खोक्‍को क्रुस्‌दा ख़न्‍सेत्‍त़मेत्‍तुम्‍च़म।

छाम्‍माय़ङ 4:10

खानानिन खोन्‍कि इस्राएल्‌दाओ झारा म़नाचिआ सिन्‍तानुम, खानानिन्‌आ क्रुस्‌दा त़ख़न्‍तुम्‍सेरुम्‌ओ नासरत्‌ओ येसु ख्रिस्‍त निनाम्‍हाङ्‌आ म़सुवादाओदाङ्‌का अ़ह़ङ्‌सालोइसा, येसुओ अ़चुऩङ्‌दा ओ म़ना नुवाकि आम्‍नुओ बुदा एप्‌याङ।

छाम्‍माय़ङ 7:52

आम्‍नुओ सुन्‍तुम्‌चिआ दुखा मान्‍प़म़दोचिओ निनाम्‍हाङ्‌य़ङ खाकालुचि साङ्‌छाङ मात्‍द़ङ्‌चि। आम्‍नुओ सुन्‍तुम्‌चिआ साम्‌योक्‍मि म़ना मसिह म़ताङाओ अ़तुक्‌वादा निनाम्‍हाङ्‌य़ङ खाकालुचि झारा म़सेरुचि। आइमित खानानिन खोक्‍को मसिह साकोङ्‌छ़ङ्‌दा त़धान्‍तुम, खोन्‍कि त़सेरुम।