मत्‍ति 16:8 - बान्‍तावा राई

⁸ मेन येसुआ अ़सिन्‍ताकिना मोचि म़लोचि, “उन्‍नि ओन्‍ङा साकोङ्‌छ़ङ कामुचि ओ! आम्‍नुओ रादा पेम्‍पाक मात्‍द़ङ्‌ओ अ़तुक्‌वादा अ़क्‍छा निएदा देकि दुम त़छ़रिन्‌येन?

मत्‍ति 16:8 ပူးပေါင်းရင်းမြစ်များ

मत्‍ति 14:31

खोन्‍कि येसुआ च़क्‍नि अ़चुछुक अ़फेसाकि खो अ़लावा, खोन्‍कि खो अ़लोवा, “उन्‍नि ओन्‍ङा साकोङ्‌छ़ङ कामु, देकि खाना मान्‍केङ त़मुवा?”

मत्‍ति 16:7

“आन्‍कान पेम्‍पाक मान्‍बात्‌दोम्‌ओसा खोक्‍को ओवात्‍नि म़य़ङ्‌याङ”नि य़ङ्‌सा खोचि अ़क्‍छा निएदा दुम्‍छ़न्‍मा अ़पुङ्‌सा।

मत्‍ति 6:30

आय़ युङ्‌याङ्‌ओ खोन्‍कि अ़माङ्‌कोलेन मिदा वेन्‍दिओ वक्‌दाओ बुङ्‌वाचि निनाम्‍हाङ्‌आ ओवात्‍नि अ़चोङ्‌नालो खोक्‍कोसाआ खानानिन हान देम च़लोक ऩचोङ्‌सिन? देत्‍नि आम्‍नुओ साकोङ्‌छ़ङ उन्‍नि ओन्‍ङा?

मत्‍ति 8:26

येसुआ मोचि म़लोचि, “देम्‌छाङ साकोङ्‌छ़ङ मान्‍मुकादाचि ओ, खानानिन देकि त़क़सिन्‌येन?” खोन्‍किना येसु म़पुवालोन्‍ताकि खोक्‍कोसाआ कुह़क्‍मा खोन्‍कि धियाङ्‌वामा म़रेन्‍तुचि खोन्‍कि मोन्‍ग़रिङा सेम्‍ताखारा।

मर्कुस 16:14

आदेङ एघारकापाङ अ़चुकाखेङ्‌पाचि चा चासि म़युङाङाहिदा खोचिएदा येसु खाङ्‌म़मुसान्‍चिन। खोन्‍कि खोचिओ अ़चुसाकोङ्‌छ़ङ मान्‍मुदामा खोन्‍कि अ़चुओ ऱफोक्‌वादा मोचि याम़सान्‍तुचि, देकिनालो खोक्‍को म़खोन्‍तालोन्‍ताओ काखाङ्‌चिओ अ़चुय़ङ्‌छाङ मोचिआ साकोङ्‌छ़ङ मान्‍मुअ़दा।

युहन्‍ना 16:30

हान आन्‍कान्‍का तुप्‍तुम्‍का, खानानिन झारा य़ङ त़सिन्‍तुम्‌योम, खोन्‍किना साङ्‌आछाङ खानानिन सेन्‍मा अ़दोत्‍निन। ओ लाम्‍पाङा खानानिन निनाम्‍हाङ्‌एदाङ्‌का त़तान ओ निकिना आन्‍कान्‍का साकोङ्‌छ़ङ मुन्‍का।”

हिब्रु 4:13

निनाम्‍हाङ्‌ओ अ़चुखाङ्‌मादाङ्‌का मुन्‍माय़ङ दित्‍छाङ अ़कुम्‍निन। खोक्‍कोसोओ अ़चुबुदा झारा य़ङ्‌चि ऩदिप्‍निनिन, खोन्‍कि छेङ्‌छेङ्‌छेङ्‌वा म़मुयाङ। आन्‍कान मुम्‌ओ अ़छ़ङ य़ङ खोक्‍को खाएत्‍मादोत।

खाङ्‌मुमा 2:23

अ़ङ्‌का मो कात़ङ्‌चि सेरुङ्‌च़ङ। खोन्‍कि झारा साम्‍भुङ्‌चिआ अ़सिन, अ़ङ्‌का खोङा ओ, झारासोओ अ़चुमिन्‍माचि खोन्‍कि अ़चुसाकोङ्‌वाचि लामुङ्‌च़ङ, खोन्‍कि खानानिन झारासा त़मुम्‌ओ आम्‍नुओ काचिचिओ सिरिफा अ़ङ्‌का लानाप़नानिन।