मत्‍ति 16:6 - बान्‍तावा राई

⁶ येसुआ मोचि म़लोचि, “चाप्‍चाप्‍चाप्‌वा युङ्‌निन, फरिसि खोन्‍कि सदुकिचिओ खमिरादाङ्‌का चाप्‍चेत्‍तानिन्‍चिन।”

मत्‍ति 16:6 ပူးပေါင်းရင်းမြစ်များ

मत्‍ति 16:1

फरिसि खोन्‍कि सदुकिचि येसुएदा म़ता, खोन्‍कि चिन्‍माखाङ्‌मा निम्‍पाङ खोक्‍को निनाम्‍मादुङ्‌काओ अ़क्‌तात बुन खाङ्‌मेत्‍म़लुवा।

मत्‍ति 16:11

अ़ङ्‌का खानानिन पेम्‍पाक्‌ओ अ़तुक्‌वादा लोनानिन्‌ओ माआङ निकिना दि खानानिन त़तुप्‍तिमिन्‌येन? मेन फरिसि खोन्‍कि सदुकिचिओ अ़चुखमिरादाङ्‌का चाप्‍चेत्‍तानिन्‍चिन।”

मत्‍ति 16:12

मोन्‍ग़रिङा खोक्‍कोसाआ मोचि खमिरा अ़तुक्‌वादा म़लोङुचिओ माआङ, मेन फरिसि खोन्‍कि सदुकिचिओ अ़चुचिन्‍माय़ङ्‌ओ अ़देङ्‌सालाप्‍पादा चाप्‍चेत्‍तानिन्‍चिन्‌नि म़य़ङाओ निकिना अ़तुप्‍ता।

मत्‍ति 16:5

अ़चुकाखेङ्‌पाचि धियाङ्‌वामाओ अ़ह्‍याउधेत्‌या म़तालाहिदा खोचिआ पेम्‍पाक बात्‍मा अ़मान्‍ताखाइसा।

मत्‍ति 16:7

“आन्‍कान पेम्‍पाक मान्‍बात्‌दोम्‌ओसा खोक्‍को ओवात्‍नि म़य़ङ्‌याङ”नि य़ङ्‌सा खोचि अ़क्‍छा निएदा दुम्‍छ़न्‍मा अ़पुङ्‌सा।

मत्‍ति 3:7

मेन फरिसिचि खोन्‍कि सदुकिचिएदाओ ब़द्‍धेकापाङ बप्‍तिस्‍मा लोक्‍सि म़ताङाओ खाचिकि खोसाआ मोचि लोचि, “खानानिन अ़छ़क याक्‌याङ्‍ओ प़ओ अ़छाचि ओ! तामा मुयाङ्‌ओ निनाम्‍हाङ्‌ओ अ़चुमाइसुङ्‌दाङ्‌का फुङ्‌मा खानानिन साङ्‌आ चाप्‍ऩचेत्‍तिन?

मर्कुस 8:15

खोन्‍कि खोचिआ वाताम्‍खा अ़धेराङाहिदा येसुआ चाप्‍म़चेत्‍तुचि खोन्‍कि मोचि म़लोचि, “चाप्‍चाप्‍चाप्‌वायुङ्‌निन! फरिसिचि खोन्‍कि हेरोद आन्‍तिपास्‌ओ खमिरादाङ्‌का रात्‍तानिन्‍चिन।”

लुका 12:1

मोवात्‍नि लिसाङाहिदा मोदा ब़द्‍धेकाहजाराओ मुक्‍ला म़कोवान्‍चिन्‌ओसा अ़क्‍छा निएदा नेप्‍कानेप मुमा अ़पुङ्‌सा। येसुआ बुया अ़चुकाखेङ्‌पाचि लोमा म़पुङ्‌सुचि, “फरिसिचिओ खमिरादाङ्‌का चाप्‍चेत्‍तानिन्‍चिन। मोवात्‍नि च़मा मोचिओ कोङ्‌क़त्‌वा काचि ओ।

लुका 12:15

खोन्‍कि येसुआ मोचि म़लोचि, “चाप्‍चेत्‍तानिन्‍चिन! झाराकापाराओ च़क्‍ख़य़दाङ्‌का रात्‍तानिन्‍चिन। देकिनालो चासुम्‍छेन्‍बि देम च़लोक लिनुछाङ मोसाआ म़ना अ़ह़ङ्‌सुन।”

युहन्‍ना 4:33

खोन्‌ओसा अ़चुकाखेङ्‌पाचि अ़क्‍छा निएदा म़य़ङा, “साङ-साङ्‌आ खोक्‍को चामायु अ़खुत्‍ता हे?”

गलाति 5:9

अ़क्‍चिलोक खमिराआ झारा होन्‍माय़ङ्‌ओ बुत्‍थ़ झारा होम्‍सुलोइसु।