8 मेन मोसोओ अ़माआ यायोक प़ओसा मो य़ङा, “बप्तिस्मा काप़ युहन्नाओ अ़ताङ ओ फाङ्लान्दा अ़ङ्का प़नि!”
खोन्किना युहन्नाओ अ़ताङ अ़क्तात फाङ्लान्दा अ़पाआकि मो मेत्छाछा छा अ़पुवा। खोन्कि मोसाआ मो खात्तुकि अ़मा प़।
खोन्ओसा खोसाआ मो दि दोत्तुनुछाङ प़मा किरे चासा मो हिप्तु।
मेन हाङ मिन्राक्दा छुक्तानुछाङ तावाङ्चिओ अ़चुबुदा खोसाआ हिप्तुओसा मोसोओ निम्पाङ मोवात्निङा मुमेत्तुचि,
खोन्किना हेरोदियास्ओ अ़छा अ़माएदा खाराकि सेनु, “अ़ङ्का दि दोत्मा?” अ़माआ लासुलो, “बप्तिस्मा काप़ युहन्नाओ अ़ताङ दोरु।”
खोन्कि मो छा मोन्ग़रिङा फुलिलिवा हाङ्एदा खाराकि दोत्तु, “बप्तिस्मा काप़ युहन्नाओ अ़ताङ ओन्ग़रिङा फाङ्लान्दा अ़ङ्का प़निनि लोनिङ्नि।”
खोन्कि युहन्नाओ अ़ताङ फाङ्लान्दा बात्तु, खोन्कि मो मेत्छाछा छा प़, खोन्किना मो मेत्छाछा छाआ मो खात्तुकि अ़मा प़।