मत्‍ति 14:5 - बान्‍तावा राई

⁵ खोन्‌ओसा हेरोद्‌आ युहन्‍ना सेत्‍मा लाप्‍तुङु, मेन अ़म़नाचिएदाङ्‌का क़साङा। देकिनालो मोचिआ खो निनाम्‍हाङ्‌य़ङ खाकालुनि अ़मित्‍ताङा।

मत्‍ति 14:5 ပူးပေါင်းရင်းမြစ်များ

मत्‍ति 11:9

खानानिन देकि त़लोन्‍तिन म़ल़क? दि निनाम्‍हाङ्‌य़ङ खाकालु खाङ्‌सि? उवा, अ़ङ्‌का अ़नुछ्‍या खानानिन लोनानिन, निनाम्‍हाङ्‌य़ङ खाकालुचिदाङ्‌काछाङ अ़क्‍छा तोक्‍पो म़ना त़खाम्‌युङ्‌सुम।

मत्‍ति 21:26

‘म़नादाङ्‌का’नि आन्‍कान य़ङिन्‌नालो म़ना मुक्‍लाचि किरुम्‌योम्‍च़ङ। देकिनालो झारा म़नाचिआ युहन्‍ना निनाम्‍हाङ्‌य़ङ खाकालुनि अ़मित्‌याङ।”

मत्‍ति 21:32

देकिनालो युहन्‍ना खानानिन्‌एदा साम्‌योक लाम खाङ्‌मेत्‍सि ता, मेन खानानिन्‌आ खोएदा साकोङ्‌छ़ङ मान्‍मुत़दोम। मेन दाम्‍दु कालात्‍चिआ खोन्‍कि काचान्‍चाचि खोएदा साकोङ्‌छ़ङ म़मुवा। खानानिन्‌आ मो त़खाम्‌किछाङ आम्‍नुओ मिन्‍मा मान्‍लात़दोम, खोन्‍किना खोएदा साकोङ्‌छ़ङ मान्‍मुत़दान।”

लुका 20:6

मेन ‘म़नादाङ्‌का’नि आन्‍कान य़ङिन्‌नालो ना झारा म़नाचिआ आन्‍कान लुङ्‌ताक्‌आ म़कोक। देकिनालो युहन्‍ना निनाम्‍हाङ्‌य़ङ खाकालुनि मोचिआ साकोङ्‌छ़ङ अ़मुयाङ।”

छाम्‍माय़ङ 4:21

खोन्‍किना यहुदि बुसुवाचिआ पत्रुस खोन्‍कि युहन्‍ना दन्‍दा प़खा लाम दित्‍छाङ मान्‍धित्‌अ़दाकि च़लोक म़दुङ्‌तुचिकि खोचि म़लेरुखाइसुचि, देकिनालो पेसोला म़ना नुवाओ अ़खाकि झारा म़नाचिआ निनाम्‍हाङ अ़चोन्‍ताङा।

छाम्‍माय़ङ 5:26

खोन्‍किना रात्‍खामिचिओ अ़चुकप्‍ताना अ़रात्‍खामिचिएनान अ़क्‍नि खाराकि छाम्‍माय़ङ्‌चि बात्‍तुचि। खोन्‍नुछाङ राकाङ्‌थेत्‍नि मुमा मान्‍ऱम़दोचि, देकिनालो म़नाचिआ लुङ्‍आ ऩवेरिन्‍का निकिना मोचिओ अ़चुक़माकारा।