मत्‍ति 13:52 - बान्‍तावा राई

⁵² खोक्‍कोसाआ मोचि म़लोचि, “खोवात्‍निओसा, साङ्‌छाङ निनाम्‍हाङ्‌होन्‌ओ अ़तुक्‌वादा चिन्‍ताकिना अ़य़ङ्‌हुप काचिन्‍पा लिसानालो, खो अ़क्‍छा खिम्‍हाङ्‌पावाको ओ। खोसाआ अ़स़ङ्‌कुलुधुन्‌दाङ्‌का अ़ऩङ्‌वा खोन्‍कि बुयाओ अ़लुङ छ़ओ सामाचि बुङ्‌खादा लारुचि।”

मत्‍ति 13:52 ပူးပေါင်းရင်းမြစ်များ

मत्‍ति 12:35

अ़नुवाक म़नाआ अ़साकोङ्‌वादा कोउओ अ़नुवाक य़ङ्‌चि लोइसुचि, मेन अ़अ़त्‍पा म़नाआ अ़साकोङ्‌वादा कोउओ अ़अ़त्‍पा य़ङ्‌चि लोइसुचि।

मत्‍ति 13:51

येसुआ म़सेनुचि, “दि खानानिन्‌आ ओ झारा य़ङ्‌चि त़तुप्‍तुम्‍च़म?” मोचिआ खोक्‍को अ़लोवा, “तुप्‍तुम्‍च़म्‍का।”

मत्‍ति 13:53

दोय़ङ्‌लाचि खाम़एत्‍तुचिउचिकि येसु मोदाङ्‌का म़खारा।

मत्‍ति 23:34

अ़ङ्‌का खानानिन्‌एदा निनाम्‍हाङ्‌य़ङ खाकालुचि, खारु कातोक म़नाचि खोन्‍कि य़ङ्‌हुप काचिन्‍पाचि छुत्‍तुङ्‌च़ङ। मोचिएदाओ देम्‌कापाङ त़सेरुम्‍च़म, खोन्‍कि क्रुस्‌दा त़ख़न्‍तुम्‍च़म खोन्‍कि देम्‌कापाङ आम्‍नुओ यावायोक्‍खिम्‌चिदा य़हुप त़पाक्‍तुम्‍च़म, खोन्‍कि सहरा-सहराचिदा त़ऱसुम्‍च़म।

मत्‍ति 28:19

खोन्‌ओसा खारानिन, खोन्‍कि झारा रावाचि काखेङ मुवानुम्‍च़म, निनाम्‍हाङ पापा, अ़चुछा खोन्‍कि सेङ्‌लावाओ अ़चुऩङ्‌दा मोचि बप्‍तिस्‍मा पुवानुम्‍च़म।

लुका 11:49

खोवात्‍निओसा निनाम्‍हाङ्‌ओ अ़चुखारुआ म़लोयाङ, ‘अ़ङ्‌का मोचिएदा निनाम्‍हाङ्‌य़ङ खाकालुचि खोन्‍कि छाम्‍माय़ङ्‌चि छुत्‍तुङ्‌च़ङ। मोचिदाङ्‌का खा-खाक्‍कोचि म़सेरुचि खोन्‍कि खा-खाक्‍कोचि दुखा म़प़चि।’

युहन्‍ना 13:34

अ़क्‌तात अ़ऩङ्‌वा लोमाय़ङ अ़ङ्‌का खानानिन प़नानिन: खानानिन अ़क्‍छा निएदा सोमातुक्‍कातुक मुवानिन। खानानिन अ़ङ्‌का देत्‍नि सोमातुक्‍नानिन, खानानिन्‌आछाङ अ़क्‍छा निएदा मोवात्‍निङा सोमातुक्‍कातुक मुवानिन।

२ कोरिन्‍थि 6:10

आन्‍काओ राक स़याङ, खोन्‍नुछाङ अ़धुन आन्‍काओ ऩङानुसिन्‍चिन्‍का। मान्‍तोक्‍कादानुछाङ, ब़द्‍धेकापाङ कातोक मुम्‍च़म्‍का, दित्‍छाङ मात्‍द़ङ्‌नुछाङ आन्‍कान्‍काएदा झारा सामाचि म़याक्‌याङ।

एफिसि 3:4

खानानिन्‌आ ओ त़खिप्‍तुम्‌कि ख्रिस्‍तओ अ़चुकोङ्‌दुम्‌ओ अ़तुक्‌वादा अ़ङ्‌का तुप्‍तुङ्‍ओ अ़तुक्‌वा सिन्‍मा त़ऱम।

एफिसि 3:8

झारा निनाम्‍हाङ्‌ओ अ़चुम़नाचिएदा अ़ङ्‌का अ़न्‍नुनु अ़चुप्‍पा लिसाङ्‌नुछाङ ख्रिस्‍तओ तुप्‍माङा अ़ऱन्‍मिन्‌ओ अ़चुआसिखाओ नुय़ङ्‌खान निरावाचि खाएत्‍मा निम्‍पाङ अ़ङ्‌का ओ अ़वाखाम ऩपुवाङ्‌ओ।

कलस्‍सि 1:7

मो नुय़ङ्‌खान आन्‍कान्‍का सोमातुक्‍तुम्‌योम्‍काओ काफापा यावा इपाफ्रास्‌आ खानानिन त़चिन्‍तिन। मो आन्‍काओ लिप्‍पादा ख्रिस्‍तओ अ़क्‍छा सोम्‍कुवा मुमा खान्‍तुओ काब़त्‍पा ओ।

कलस्‍सि 3:16

ख्रिस्‍तओ अ़चुय़ङ खानानिन्‌एदा च़लोक याक्‍ने। झारा खारुएनान अ़क्‍छानिएदात्‍नि चिन्‍मुवानिन खोन्‍कि चाप्‍चेत्‍मुवानिन। चोन्‍मा छाम, साम्‍ऱङ, खोन्‍कि लावामि छाम लुवानिन। आम्‍नुओ साकोङ्‌वादाओ आलाङ्‌एनान निनाम्‍हाङ्‌एदा छाम लुवानिन।

१ तिमोथि 3:6

खो अ़ऩङ्‌वा साकोङ्‌छ़ङ कामु माआङ्‌ने, देकिनालो खो ऱक्‍भाक लिकिना सैतानाआ तोक्‍माओ दन्‍दादा छुक।

तितस 1:9

आन्‍कान्‍काआ चिन्‍तुम्‍च़म्‍काओ अ़नुछ्‍याओ तायादा युङ्‌युङ्‌ओ खोन्‍कि नि म़नाचिछाङ ओ ताया प़चिकि राक प़मा काऱ लिमादोत। ओ ताया आन्‍कान्‍काआ चिन्‍निओवात्‍नि लिमादोत। खोन्‍किना ओसोओ देङ्‌सा काच़चिओ अ़चुफिमाछाङ खाङ्‌मेत्‍मा काऱ लिमादोत।