मत्‍ति 13:44 - बान्‍तावा राई

⁴⁴ निनाम्‍हाङ्‌होन व़क्‌दा कुम्‍माय़ङ फेक्‌वावाको ओ। मो अ़क्‍छा म़नाआ धिरुकि मो लासुकुम्‍सु, खोन्‍कि अ़ऩङानुयाङ्‌सा खो खात्‌कि खोएदा युङ्‌याङ्‌ओ झारा सामा इनु खोन्‍कि मो व़क खिरु।

मत्‍ति 13:44 ပူးပေါင်းရင်းမြစ်များ

मत्‍ति 13:24

येसुआ मोचि नि दोय़ङ्‌ला म़लोचि, “निनाम्‍हाङ्‌होन अ़क्‍छा म़नाएनान तोङ्‌माखाङ्‌मा ऱम, मोसाआ अ़व़क्‌दा अ़नुवाक बिउ वेत्‍तु।

मत्‍ति 13:46

मोसाआ अ़क्‌तात ब़द्‍धे अ़लुङ छ़ओ वाचेत्‍लुङ धिरु, खोन्‍कि खात्‌कि खोएदाओ झारा सामा इनुकि मो खिरु।

मत्‍ति 13:47

हान, निनाम्‍हाङ्‌होन धियाङ्‌वामादा वेत्‍माय़ङ्‌ओ अ़क्‌तात बोप्‍छ़क्‌वाको ओ। मोदा झाराकाखालाओ ङाचि म़धा।

मत्‍ति 19:21

येसुआ मो अ़लासालोवा, “खाना झारा अ़नुवाक लिमा त़स़याङ्‌नालो खाराकि झारा आम्‍सामाचि इनुचिकि मान्‍तोक्‍कादाचि प़चि। खोन्‍कि खाना निनाम्‍मादु चासुम्‍छेन्‍बि त़तोक्‍तु। खोन्‍किना बानाकि अ़ङ्‌का त़ङ्‌ताङ।”

मत्‍ति 19:27

खोन्‍कि पत्रुस्‌आ खोक्‍को अ़लोवा, “खानुम, आन्‍कान्‍का झारा सामाचि छिरुम्दोम्‍च़म्‍काकि खानानिन त़ङ्‌निङ्‌नि। आन्‍कान्‍का दि तोक्‍तुम्‍का?”

मत्‍ति 19:29

खोन्‍कि साङ-साङ्‌आ अ़ङ्‌ऩङ्‌ओ निम्‍पाङ अ़खिम माङ्‌लो अ़द़क्‍छा-बुवाचि माङ्‌लो अ़ना-निछाचि माङ्‌लो अ़पापा-अ़मामाचि माङ्‌लो अ़छाचि माङ्‌लो अ़व़क्‍स़ङ्‌चि छिरुयुङ्‌सुचि, मोसाआ सयेकास़रो तोक्‍तु, खोन्‍कि अ़लुक्‍निन्‌ओ ह़ङ्‌म़ङ्‌ओ पाङ तोक्‍तु।

मत्‍ति 6:21

खादा आम्‍चासुम्‍छेन्‍बि युङ्‌याङ, मोदाङा आम्‍मिन्‍माछाङ युङ।

लुका 14:33

खोन्‌ओसा झारा आम्‍नुओ सामाचि त़छिरिमिन्‍चिन्‌नालो साङ्‌छाङ अ़ङ्‌काखेङ लिमा त़ऱन्‍मिन।

युहन्‍ना 6:35

येसुआ मोचि म़लोचि, “ह़ङ्‌म़ङ काप़ पेम्‍पाक अ़ङ्‌काङा ओ। अ़ङ्‌काएदा काता देम्‍खाछाङ साअ़स़निन, खोन्‍कि अ़ङ्‌काएदा साकोङ्‌छ़ङ कामु देम्‍खाछाङ वामित्‍मा अ़स़निन।

रोमि 15:4

बुया म़छाप्‍ताओ झारा य़ङ्‌चि आन्‍कान चिन्‍माओ निम्‍पाङ म़छाप्‍ता ओ, खोन्‍कि साम्‍कालिन्‌आ आन्‍कान तामामित्‍मा म़प़, खोन्‌ओसा नुलोक आन्‍कान निनाम्‍हाङ्‌आ म़हिप्‍ताओ य़ङ्‌चि हुङुम्‍च़म।

कलस्‍सि 2:3

निनाम्‍हाङ्‌ओ झारा अ़चुखारु खोन्‍कि अ़चुताया ख्रिस्‍तएदा कोआयुङ्‌सा।

कलस्‍सि 3:16

ख्रिस्‍तओ अ़चुय़ङ खानानिन्‌एदा च़लोक याक्‍ने। झारा खारुएनान अ़क्‍छानिएदात्‍नि चिन्‍मुवानिन खोन्‍कि चाप्‍चेत्‍मुवानिन। चोन्‍मा छाम, साम्‍ऱङ, खोन्‍कि लावामि छाम लुवानिन। आम्‍नुओ साकोङ्‌वादाओ आलाङ्‌एनान निनाम्‍हाङ्‌एदा छाम लुवानिन।

हिब्रु 10:34

म़छेक्‍ताङाओचि खानानिन सोमात़तुक्‍तुम्‍च़म। आम्‍नुओ चासुम्‍छेन्‍बि ऩङाप्‍तिन्‌हिदाछाङ आम्‍नुओ ऩङानुयाङ्‌सा त़आङ्‌तुम, देकिनालो खानानिन त़सिन्‍तुम्‌योम आम्‍नुओ झारासोओ अ़नुवाक चासुम्‍छेन्‍बि युङ्‌याङ, मो अ़धुन्‌तारि युङ्‌युङ।

खाङ्‌मुमा 3:18

खोन्‌ओसा कातोक लिमा मिआ हेङ्‌माय़ङ हाराक्‌वा, खोन्‍कि आम्‍कालाङ्‌द़क्‌ओ लेजो दिप्‍मा निम्‍पाङ ओम्‌याङ्‌ओ तित खोन्‍कि खाना खाङ्‌मा त़ऱने निकिना आम्‍म़क्‌दा पाक्‍मा ओक्‍तो, अ़ङ्‌काएदाङ्‌का खित्‍माछाङ खाना यायोक प़ना।