मत्‍ति 13:2 - बान्‍तावा राई

² ब़द्‍धे म़ना मुक्‍लाचि खोक्‍कोसोओ अ़चुऱङ्‌कोप्‍नि म़कोवान्‍चिन, खोन्‌ओसा खोक्‍को नावादा म़वाङाकि मोदा म़युङा। खोन्‍कि झारा म़नाचि मो धियाङ्‌वामाओ अ़केम्‌दा म़एवा।

मत्‍ति 13:2 ပူးပေါင်းရင်းမြစ်များ

मत्‍ति 15:30

खोन्‍कि अ़धिवो म़ना मुक्‍लाचि खोक्‍कोएदा म़ता। मोचिआ एक्‍सोक्‌वा, पेसोला, दोप्‍म़क, क़वा खोन्‍कि नि ब़द्‍धेकापाङ खोक्‍कोएदा अ़क्‍नि म़तारुचि। खोन्‍कि मोचिआ खोक्‍कोसोओ अ़चुबुदा अ़युक्‍ता, खोन्‍कि खोक्‍कोसाआ मोचि म़नुसुचि।

मत्‍ति 4:25

खोन्‍किना गालिल, देकापोलिस, यरुसलेम, यहुदिया खोन्‍कि यर्दन याङ्‌वामाओ ह्‍याउधेत्‌याङ्‌का अ़धिवाङ म़ना मुक्‍लाचिआ खोक्‍को अ़त़ङ्‌ता।

मर्कुस 4:1

खोन्‍किना आदेङ्‌छाङ येसुआ धियाङ्‌वामाओ अ़केम्‌दा लामाचिन्‍मा म़पुङ्‌सुचि। खोन्‍कि खोक्‍कोसोओ अ़चुऱङ्‌कोप्‍नि ब़द्‍धे म़ना मुक्‍लाचि म़कोवान्‍चिन, खोन्‌ओसा खोक्‍को मो धियाङ्‌वामादाओ अ़क्‌तात नावादा म़वाङाकि मोदा म़युङा, खोन्‍कि झारा म़नाचि धियाङ्‌वामाओ अ़केम्‌दा म़युङा।

लुका 5:3

मो नावाचिएदा अ़क्‌तात सिमोन्‌ओ ओ। येसु मो नावादा म़वाङाकि “ओदाङ्‌का अ़क्‍चित ह्‍यात्‍नि वाक्‍तु”नि सिमोन अ़लोवा। खोन्‍कि खोक्‍को मो नावादा म़युङाकि म़नाचि म़चिन्‍तुचि।