मत्‍ति 11:5 - बान्‍तावा राई

⁵ दोप्‍म़क्‌चि खाम़खाङ, खोन्‍कि एक्‍सोक्‌वाचि म़कोन। क़माधामा सारिमाआ लाउचिओचि म़सेङायुङ्‌सा, खोन्‍कि फेङ्‌नाबाक्‌चि खाम़एन। म़सुवादाओचि म़खोन्‍तालोन्‍तायुङ्‌सा, खोन्‍कि मान्‍तोक्‍कादाचिआ निनाम्‍हाङ्‌ओ अ़चुनुय़ङ्‌खान एन्‍मा अ़तोक्‌याङ।

मत्‍ति 11:5 ပူးပေါင်းရင်းမြစ်များ

मत्‍ति 10:8

कातुक्‌चि नुसानुम्‍च़म, म़सुवादाओचि ह़ङ्‌सालोइसानुम्‍च़म, क़माधामा सारिमाआ लाउचिओचि सेङ्‌सानुम्‍च़म, खोन्‍कि चाकावालावाचि लोइसानुम्‍च़म। खानानिन्‌आ मोहा त़तोक्‍तुम, मोहाङा पुवानुम्‍च़म।

मत्‍ति 11:4

येसुआ मोचि म़लासुलोचि, “खानानिन्‌आ त़एनुम्‌ओ खोन्‍कि त़खाम्‌ओ य़ङ्‌चि युहन्‍ना खाएत्‍तानुम,

मत्‍ति 12:13

खोन्‍किना खोक्‍कोसाआ मो म़ना अ़लोवा, “आम्‍छुक फेसु।” खोसाआ अ़छुक फेसु, खोन्‍कि मो अ़छुक नि अ़छुक्‌वात्‍निङा अ़नुवाक लासालिसा।

मत्‍ति 21:14

दोप्‍म़क्‌चि खोन्‍कि पेसोलाचि निनाम्‍हाङ ब़क्‍खाखिम्‌दा येसुएदा म़ता, खोन्‍कि खोक्‍कोसाआ मोचि म़नुसुचि।

मत्‍ति 5:3

“लावामि य़ङ्‌दा आप्‍पि मान्‍तोक्‍कादा लिसिन्‍काओनि कातुप्‌चि आसिखा कातोक्‌चि ओ, देकिनालो निनाम्‍हाङ्‌होन मोचिओङा ओ।

मत्‍ति 9:30

खोन्‍किना मोचि लासाखाखाचि। येसुआ मोचि चात्‍लो चाप्‍म़चेत्‍तुचि, “ओसोओ अ़तुक्‌वादा साङ्‌आछाङ अ़सिन्‍तुन्‍ने।”

मर्कुस 7:37

खोन्‍कि म़नाचि अ़न्‍नुनु दोम्‍तुदोचिकि य़ङ्‌मा अ़पुङ्‌सा, “येसुआ झारा काचिचि म़दोम्‍दालो अ़मुवायुङ्‌सा। खोक्‍कोसाआ खामान्‌एन्‍कादा म़नाचिछाङ खाकाएन खोन्‍कि मान्‍चेप्‍कादा म़नाचि काचेप म़मुचि।”

मर्कुस 9:25

येसुआ म़ना मुक्‍ला म़कोवान्‌यान्‍चिन्‌ओ म़खाचिकि खोक्‍कोसाआ पोप्‍ताओ लावा अ़रेन्‍ता, “भोवा खोन्‍कि खामान्‌एन्‍कादा कामु चाकावालावा, अ़ङ्‌का खाना लोना, ओ छाएदाङ्‌का लोन्‍ताखारा, खोन्‍कि ओएदा देम्‍खाछाङ मान्‍लावाङ्‌दा।”

लुका 4:18

“हाङ्‌पाओ सेङ्‌लावा अ़ङ्‌काएदा याक्‌याङ। देकिनालो मान्‍तोक्‍कादाचि नुय़ङ्‌खान खाएत्‌सि अ़ङ्‌का ऩछेन्‍ताङ्‌युङ्‌साङ। म़छेक्‌याङ्‍ओचि लेत्‍लोइसि, दोप्‍म़क्‌चि खाकाखाङ मुसि, तिम्‍माछ़न्‍मादा म़छुक्‍ताओचि फोङ्‌लोइसि,

युहन्‍ना 10:25

येसुआ मोचि म़लासुलोचि, “अ़ङ्‌का खानानिन खाएत्‍नायुङ्‌नाचिन्‍नानिन, मेन खानानिन साकोङ्‌छ़ङ त़मुन्‍मिन। अ़ङ्‌पापाओ अ़चुऩङ्‌दा खाक्‍को म़दोम्‍दाओ काचिचि अ़ङ्‌का मुङ्‌योङ्‌च़ङ, मोचिआङा अ़ङ्‌सालुम्‍स़ङ अ़प़।

युहन्‍ना 10:38

मेन अ़ङ्‌का अ़ङ्‌पापाओ अ़चुकाचि मुङ्‌नालो खानानिन अ़ङ्‌काएदा साकोङ्‌छ़ङ त़मुन्‍मिन्‌नुछाङ ओ म़दोम्‍दाओ काचिचिदा साकोङ्‌छ़ङ मुवानिन। खोन्‌ओसा खानानिन्‌आ सिन्‍मा त़ऱम खोन्‍कि त़तुप्‍तुम, पापा अ़ङ्‌काएदा म़याक्‌याङ खोन्‍कि अ़ङ्‌का पापाएदा याक्‍ङाङा।”

युहन्‍ना 2:23

खोन्‍कि खोक्‍को काक्‍माखात्‍मा चानुचाओ ग़रि यरुसलेम्‌दा म़युङाङाहिदा खोक्‍कोसाआ अ़मुवाओ म़दोम्‍दाओ काचिचि म़खाचिकि ब़द्‍धेसाआ खोक्‍कोएदा साकोङ्‌छ़ङ म़मुवा,

युहन्‍ना 3:2

खो अ़खाखुत येसुएदा ता, खोन्‍कि खोक्‍को लो, “रब्‍बि, आन्‍कान्‍का सिन्‍तुम्‌योम्‍का खानानिन निनाम्‍हाङ्‌एदाङ्‌का त़तान्‌ओ काचिन्‍पा ओ। देकिनालो निनाम्‍हाङ मात्‍द़ङ खानानिन्‌आ त़मुम्‍च़म्‌ओ ओ बुन्‌चि साङ्‌आछाङ मुमा ऩऱन्‍चिन।”

युहन्‍ना 5:36

देकिनालो अ़ङ्‌काएदा खाक्‍को सालुम्‍स़ङ युङ्‌याङ, मो युहन्‍नाओदाङ्‌का तोक्‍पो मुयाङ। खाक्‍को काचिचि तालासि अ़ङ्‌पापाआ अ़ङ्‌का ऩपुवाङ्‌युङ्‌साङ, मो काचि अ़ङ्‌का मुङ्‌योङ, खोन्‍कि अ़ङ्‌पापाआ अ़ङ्‌का ऩछुत्‍ताङ्‍ओ निकिना मोचिआङा अ़ङ्‌तुक्‌वादा सालुम्‍स़ङ अ़प़याङ।

युहन्‍ना 9:7

खोन्‍कि खोक्‍कोसाआ मो अ़लोवा, “खारा, सिलोआम वाताम्‍खादा खाराकि वास़।” खोन्‍किना मो म़ना खाराकि वास़, खोन्‍कि खाकाखाङ लिसाकि लासा। (सिलोआम्‌ओ अ़तुप्‌य़ङ छुत्‍माय़ङ्‍ओ)।

छाम्‍माय़ङ 2:22

इस्राएल म़नाचि ओ, ओ य़ङ्‌चि एनानुम्‍च़म! नासरत्‌ओ येसु आम्‍नुओ बुदा निनाम्‍हाङ्‌आ सावा काचिचि, म़दोम्‍दाओ काचिचि खोन्‍कि बुन्‍चिलाम्‍पा अ़य़साओ निकिना खाङ्‌अ़मुसा। मो खानानिन नुलोक त़सिन्‍तुम्‌योम।

याकुब 2:5

अ़ङ्‌का सोमातुक्‍नाङ्‌नानिन्‌ओ ब़ब़, नाना खोन्‍कि निछाचि ओ, एनानुम, दि निनाम्‍हाङ्‌आ हेन्‍खामादाओ मान्‍तोक्‍कादाचि साकोङ्‌छ़ङ्‌दा कातोक मुसि म़छेन्‍तुचिओ माआङ कि? खोक्‍को सोमाकातुक्‌चि निनाम्‍हाङ्‌आ म़हिप्‍तुचिओ हेन्‍कोप्‌ओ पाङ्‌यि दि मोचिआ ऩतोक्‍तुन कि?