मत्‍ति 11:23 - बान्‍तावा राई

²³ कफर्नहुम्‌दाओ म़नाचि ओ! दि निनाम्‍मादु साऩङ्‌वा तोक्‍तिन्‍कानि खानानिन त़मिनिन्‌येन? खानानिन सित्‍म़ङ दुखा तोक्‍खायु त़धान। देकिनालो खानानिन्‌एदा मुमाय़ङ्‌ओ म़दोम्‍दाओ काचिचि सदोम सहरादा म़मुवाओदे, मो आय़ओ लेन्‌तारि युङायुङ्‌साओ।

मत्‍ति 11:23 ပူးပေါင်းရင်းမြစ်များ

मत्‍ति 10:15

अ़नुछ्‍या, अ़ङ्‌का खानानिन लोनानिन, छ़ङ्‌छेन्‍खा लेन मो सहरादाओ म़नाचिदाङ्‌का सदोम खोन्‍कि गमोरादाओ म़नाचिआ च़लोक निनाम्‍हाङ्‌ओ अ़चुदन्‍दा आङ्‌मा अ़ऱलो लि।

मत्‍ति 16:18

खोन्‌ओसा अ़ङ्‌का खाना लोनाङ्‌ना, खाना पत्रुस ओ, खोन्‍कि अ़ङ्‌का ओ लुङ्‌छ़ङ्‌दुङ्‌दा अ़ङ्‌साम्‍भुङ मुङ। खोन्‍कि सित्‍म़ङ दुखा तोक्‍खादाओ लाप्‍तिखोप्‌चि ओदा ऩछोनिन।

मत्‍ति 17:24

खोन्‍कि खोचि कफर्नहुम्‌दा म़ताहिदा निनाम्‍हाङ ब़क्‍खाखिम्‌दाओ दाम्‍दु कालात्‌चि पत्रुस्‌एदा म़ताकि अ़सेना, “दि आम्‍नुओ काचिन्‍पा दाम्‍दु अ़छोन्‍निन?”

मत्‍ति 4:13

खोन्‍कि नासरत अ़छिरादाकि कफर्नहुम म़खारा खोन्‍कि मोदा म़युङा। कफर्नहुम सहरा जबुलुन खोन्‍कि नप्‍तालिओ खाहुप्‌दाओ गालिल धियाङ्‌वामाओ अ़केम्‌दा छुक।

मत्‍ति 8:5

येसु कफर्नहुम सहरादा म़वाङाहिदा अ़क्‍छा रोमि कप्‍ताना खोक्‍कोएदा ताकि छुक फाङ्‌याङ्‌सा य़ङा,

लुका 10:15

कफर्नहुम्‌दाओ म़नाचि ओ! दि निनाम्‍मादु साऩङ्‌वा तोक्‍तिन्‍कानि खानानिन त़मिनिन्‌येन? खानानिन सित्‍म़ङ दुखा तोक्‍खायु त़धान।”

लुका 14:11

देकिनालो साङ आप्‍पि झोन्‍नान्‍चिन, मो सिम, खोन्‍कि साङ आप्‍पि सिम्‍नान्‍चिन, मो झोन।”

लुका 16:23

मो कातोक म़ना सित्‍म़ङ्‌चि दुखा तोक्‍खादा खारा। मोदा चाअ़त्‍लो दुखा तोक्‌याङ्‌सा धात्‍नि खा-खाइसुहिदा अ़थादु अब्राहाम खोन्‍कि खोसोओ अ़च़क्‌दा युङाङाओ लाजरस खा।

लुका 4:23

खोन्‍कि येसुआ मोचि म़लोचि, “हान ब़द्‍धे म़नाचिआ अ़एनाओ ओ दोय़ङ्‌ला नुछ्‍याङा खानानिन्‌आ अ़ङ्‌का त़लोङाऩङ, ‘ओक्‍तोकामेत! खाना आप्‍पि नुसान्‍चिन। कफर्नहुम तेन्‌दा खाना त़मुओ सावा काचि आन्‍कान्‍काआ एनुम्‌युङ्‌सुम्‍का, मो काचि ओक्‍को आम्‍तेन्‌दाछाङ मु।’”

छाम्‍माय़ङ 2:27

देकिनालो खानानिन्‌आ अ़ङ्‌लावा सित्‍म़ङ्‌चि युङ्‌खादा त़छिरिन्‍दान्‍मिन, खोन्‍कि खानानिन सेङ्‌याङ्‌ओ म़नाओ अ़चुपोक क़माखात्‍मा त़प़न्‍मिन।

छाम्‍माय़ङ 2:31

निनाम्‍हाङ्‌आ मुमा अ़मुवाङाओ काचि दाउद्‌आ बुयाङा सिन्‍तुओसा ख्रिस्‍तओ अ़चुलामाखोन्‍मालोन्‍माओ अ़तुक्‌वादा खालुवा, ‘खोक्‍को निनाम्‍हाङ्‌आ सित्‍म़ङ्‌चि युङ्‌खादा मान्‍छित्‌दाअ़दा, खोन्‍कि खोक्‍कोसोओ अ़चुपोक्‌छाङ एप्‍मादा क़मा मान्‍प़अ़दा।’

यहुदा 1:7

मोवात्‍निङा सदोम खोन्‍कि गमोरा खोन्‍कि मोसोओ अ़च़क्‍चिदात्निओ सहराचि आन्‍को निम्‍पाङ अ़मात्‍ऩङ म़लिसायुङ्‌सा। मोचि अ़चुताकावा ताङ्‌लान म़मुवाकि पोक मित्‍मादा म़धा। मोवात्‍नि लिसाओसा मो सहराचि अ़धुन अ़लुक्‍निन्‌ओ मिआ म़लुक्‍तुचि।

खाङ्‌मुमा 1:18

अ़ङ्‌काङा अ़ह़ङ ओ। अ़ङ्‌का सुवाङ्‌दाङ्‌ओ, खानुम, अ़ङ्‌का अ़धुन-अ़धुन्‌तारिओ निम्‍पाङ ह़ङ्‌ङाङा। खोन्‍कि स़माओ खोन्‍कि सित्‍म़ङ दुखा तोक्‍खायुओ अ़होत्‍खाचि अ़ङ्‌काएदा म़युङ्‌याङ।

खाङ्‌मुमा 11:8

मोचिओ अ़चुस़पोक्‌चि मो अ़धिवा सहराओ तोक्‍पो लाम्‌दा ध़चियुङ्‌चि मोदा अ़चुहाङ्‌पा क्रुस्‌दा अ़ख़न्‍ताओ। लावामि तुप्‍माय़ङ्‌दा मो सहराचिओ अ़चुऩङ्‌चि सदोम खोन्‍कि मिस्रनि लो।

खाङ्‌मुमा 20:13

धियाङ्‌वामाआ मोदा म़याआङाओ म़सुवादाओचि म़प़लाउचिओ अ़ङ्‌का खाङ, खोन्‍कि स़माआ खोन्‍कि सित्‍म़ङ्‌चि दुखा तोक्‍खाआछाङ मोचिएदा म़सुवादाओचि म़प़लाउचि। मोचिओ आआप्‍पिओ अ़चुकाचिवा अ़चुछ़ङ म़छेन्‍तुचि।

खाङ्‌मुमा 6:8

खोन्‍किना अ़ङ्‌का हारादिदिओ युक्‌वा खाङ। युक्‌वा कायुक्‌ओ अ़ऩङ ‘स़मा’नि याआङा, खोन्‍कि सित्‍म़ङ्‌चि दुखा तोक्‍खाआ मोसोओ अ़देङ-अ़देङ त़ङ्‌तुङु। हेन्‍खामाओ चारकालोक्‌ओ अ़क लोक म़नाचि बान्‍छोन, स़ङ्‌साक्‌वा, अ़धिवा सारिमा खोन्‍कि खोक्‍लिदाओ साक्‍स़ङ्‌चिलाम्‍पा सेत्‍मा पाङ मोचि म़प़चि।