मत्‍ति 11:18 - बान्‍तावा राई

¹⁸ ओ निओ, युहन्‍ना ना चायाङ्‌सा माङ्‌लो अङ्‌गुरा माङ्‌वा दुङ्‌याङ्‌सा ता, खोन्‍कि खो मोचिआ चाकावालावाआ लाउओ म़नानि अ़लोयाङ।

मत्‍ति 11:18 ပူးပေါင်းရင်းမြစ်များ

मत्‍ति 10:25

काखेङ अ़काचिन्‍पावात्‍नि खोन्‍कि हारुक अ़हाङ्‌पावात्‍नि लिमादा अ़सोम्‍स़ने। मेन मोचिआ अ़ङ्‌का खिम्‍हाङ्‌पाङा चाकावालावाचिओ अ़चुहाङ बालजिबुलनि ऩलोङाङानालो अ़ङ्‌खिम्‍लुम्‍पाचि देम च़लोक अ़त्‍लो म़लोचि!

मत्‍ति 11:17

‘आन्‍कान्‍का आम्‍नुओ निम्‍पाङ बासुरि मुतिन्‍का, मेन खानानिन मान्‍थोम्‍त़दान। आन्‍कान्‍का म़ना खुम्‍माओ छाम लुन्‍का, मेन खानानिन सोखा मान्‍मुत़दान।’

मत्‍ति 3:4

युहन्‍ना उताओ अ़मुवाआ बामाय़ङ्‌ओ तित हुम्‍साङा, खोन्‍कि अ़छुमाय़क्‌दा साहोक्‌वाओ छिप्‍माय़ङ छिआङा। खोसोओ अ़चामायु रुइ खोन्‍कि खोक्‍लि खुदो ओ।

मत्‍ति 9:34

मेन फरिसिचि म़य़ङा, “चाकावालावाचिओ अ़चुहाङ्‌पालाम्‍पा खोसाआ चाकावालावाचि लोइसुङुचि।”

मर्कुस 3:22

खोन्‍कि यरुसलेम्‌दुङ्‌का म़युवाओ य़ङ्‌हुप काचिन्‍पाचि म़य़ङा, “खोक्‍कोएदा चाकावालावाचिओ अ़चुहाङ बालजिबुल याक्‌याङ, खोन्‍कि मोसोओ अ़सावालाम्‍पा खोक्‍कोसाआ चाकावालावाचि लोइसुङुचि।”

लुका 1:15

देकिनालो खो निनाम्‍हाङ्‌ओ अ़मित्‍मादा अ़धिवाङ म़ना लि। खोसाआ अङ्‌गुरा माङ्‌वा खोन्‍कि नि खाक्‍कोछाङ खाबात अ़दुङुन्‍चिन। खो अ़माओ अ़साकोङ्‌वादा याक्‌याङ्‌हिदाङा सेङ्‌लावाओ अ़सावा खोएदा याक।

युहन्‍ना 10:20

मोचिएदाओ ब़द्‍धेकापाङ म़य़ङाङा, “ओ चाकावालावाआ लाउयुङ्‌सु, खोन्‍कि ओ हिम्‍सावा ओ। देकि खानानिन ओसोओ अ़य़ङ त़एनुम्‌योम?”

युहन्‍ना 7:20

म़ना मुक्‍लाचिआ अ़लासालोवा, “खाना चाकावालावाआ त़लावायुङ्‌सा। साङ्‌आ खाना सेत्‍मा त़लाप्‌याङ?”

युहन्‍ना 8:48

यहुदिचिआ खोक्‍को अ़लासालोवा, “खाना सामरि ओ, खोन्‍कि खाना चाकावालावाआ त़लावायुङ्‌सा निकिना आन्‍कान्‍का य़ङिन्‍काओ ना अ़नुछ्‍याङा ओ!”

युहन्‍ना 8:52

यहुदिचिआ खोक्‍को अ़लोवा, “हान आन्‍कान्‍का नुछ्‍या सिन्‍तुम्‍का, खाना चाकावालावाआ त़लावाओङा ओ। अब्राहाम सुवादा, निनाम्‍हाङ्‌य़ङ खाकालुचिछाङ म़सुवादा, मेन खाना त़य़ङ्‌याङ, ‘साङ अ़ङ्‌य़ङ्‌वा च़नालो मो देम्‍खाछाङ अ़स़निन्‍दानिन।’

छाम्‍माय़ङ 26:24

पावल रात्‍नान्‍चिन्‍सा चेवाङाओ ग़रि फेस्‍तस्‌आ पावल अ़धिवाङ य़ङ्‌आ लो, “पावल, खाना त़हिम्‌याङओ! ब़द्‍धे आम्‍चिन्‍मान्‍चिन्‌आ खाना हिम्‍सावा त़मुवायुङ्‌सा!”

१ कोरिन्‍थि 9:27

मेन अ़ङ्‌याम चाअ़त्‍लो क़म्‍तुङ खोन्‍कि ओ अ़ङ्‌हारुक मुङ। खोन्‌ओसा निचि नुय़ङ्‌खान खाएत्‍तुङ्‌च़ङ्‌नुछाङ अ़ङ्‌का आप्‍पि सिरिफाओ निम्‍पाङ अ़खान्‍ऩङ्‌लो अ़लिऩङ्‌ने।