मत्‍ति 11:1 - बान्‍तावा राई

¹ खोक्‍कोसोओ बारकापाङ अ़चुकाखेङ्‌पाचि यायोक म़प़चिउचिकि येसु मोदाङ्‌का मोचिओ अ़चुसहराचिदा चिन्‍सि खोन्‍कि खालुसि म़खारा।

मत्‍ति 11:1 ပူးပေါင်းရင်းမြစ်များ

मत्‍ति 28:20

अ़ङ्‌का खानानिन लोनानिन्‌ओ झारा य़ङ्‌चि मोचि मुमा चिन्‍तानुम्‍च़म। खानुम, अ़ङ्‌का जुगाओ आदेङ्‌तारि अ़धुन खानानिन्‌एनान युङ्‌ङायुङ्‌ङा।”

मत्‍ति 4:23

खोन्‍किना येसु मोचिओ अ़चुयावायोक्‍खिम्‌चिदा चिन्‌याङ्‌सा, निनाम्‍हाङ्‌होन्‌ओ अ़तुक्‌वादा नुय़ङ्‌खान खालुयाङ्‌सा, खोन्‍कि म़नाचिओ अ़चुरादाओ झाराकापाराओ अ़चुसारिमा खोन्‍कि अ़चुमान्‍ऱदामादा नुयाङ्‌सा झारा गालिल्‌दा म़कोला।

मत्‍ति 7:28

येसुओ ओ अ़चुय़ङ्‌चि म़य़ङाचिआ खोन्‍कि मो म़ना मुक्‍लाचि अ़चुओ चिन्‍माय़ङ अ़एनाकि दोम्‍तुदोचि।

मत्‍ति 9:35

येसु झारा सहराचि खोन्‍कि तेन्‍चिदात्‍निओ अ़चुयावायोक्‍खिम्‌चिदा चिन्‌याङ्‌सा, निनाम्‍हाङ्‌होन्‌ओ अ़तुक्‌वादा नुय़ङ्‌खान खालुयाङ्‌सा, झाराकापाराओ अ़चुसारिमा खोन्‍कि अ़चुमान्‍ऱदामादा नुयाङ्‌सा म़कोला।

मर्कुस 6:12

खोन्‍किना अ़चुकाखेङ्‌पाचि म़खाराकि म़नाचि अ़चुहेवाचिदाङ्‌का म़लाने निकिना नुय़ङ्‌खान खाम़एत्‍तुचि।

लुका 23:5

मेन मोचि क़न्‍नान्‍चिन्‍सा म़य़ङा, “ओसाआ झारा यहुदियादा चिन्‌याङ्‌सा म़नाचि अ़चुचोङ्‌माङ काइसुखात्‍तुङुचि। खोक्‍कोसाआ गालिल्‌दाङ्‌का पुङ्‌सुकि ओदातारि तालायुङ्‌सा।”

लुका 8:1

अ़क्‍चित्‌कि येसु निनाम्‍हाङ्‌ओ अ़चुहाङ्‌होन्‌ओ अ़तुक्‌वादा नुय़ङ्‌खान खालुयाङ्‌सा, खाएत्‌याङ्‌सा सहराचि खोन्‍कि तेन्‌चिदात्‍नि म़हुवा। बारकापाङ अ़चुकाखेङ्‌पाचि खोक्‍कोएनान अ़क्‍नि म़याआङा।

युहन्‍ना 15:10

अ़ङ्‌लोमाय़ङ्‌चि त़मुम्‍च़म्‌नालो खानानिन अ़ङ्‌सोमातुक्‍मादा त़याइन। मोवात्‍निङा अ़ङ्‌का अ़ङ्‌पापाओ अ़चुलोमाय़ङ्‌चि मुङ्‌युङ्‌सुङ्‌च़ङ खोन्‍कि खोक्‍कोसोओ अ़चुसोमातुक्‍मादा युङ्‌ङा।

युहन्‍ना 15:14

अ़ङ्‌का खानानिन देत्‍नि लोनानिन, मोवात्‍नि खानानिन त़च़न्‌नालो खानानिन अ़ङ्‌यावाचि ओ।

छाम्‍माय़ङ 10:38

खोन्‍कि देत्‍नि निनाम्‍हाङ्‌आ सेङ्‌लावा खोन्‍कि सावा नासरत्‌ओ येसु अ़पुवा, खोक्‍कोसोओ अ़तुक्‌वादा खानानिन्‌आ त़सिन्‍तुम्‌योम्‌ङा। खोन्‍किना खोक्‍को अ़नुवाक काचि मुयाङ्‌सा खोन्‍कि सैतानाआ क़म्‍तुङुचिओचि नुयाङ्‌सा झारादात्‍नि म़कोला, देकिनालो निनाम्‍हाङ खोक्‍कोएदा म़याआङा।

छाम्‍माय़ङ 10:42

खोन्‍कि येसुआ आन्‍कान्‍का ऩलोन्‌युङ्‌सिन्‍का, ‘निनाम्‍हाङ्‌आ अ़ङ्‌का अ़ह़ङ्‌चि खोन्‍कि म़सुवादाओचिओ अ़चुछ़ङ्‌छेइसि अ़छेन्‍ताओ निकिना खालुसानुम खोन्‍कि सालुम्‍स़ङ पुवानुम।’

१ थेसलोनिकि 4:2

देकिनालो आन्‍कान्‍का हाङ्‌पा येसुओ अ़चुपाङ्‌लाम्‍पा दि-दि चिन्‍नियुङ्‌नि मो खानानिन त़सिन्‍तुम्‌योम्‍च़म।

२ थेसलोनिकि 3:10

आन्‍कान्‍का खानानिन्‌एनान अ़क्‍नि युङिन्‌येन्‍काहिदा आन्‍कान्‍का खानानिन “साङ काचि अ़मुनिन, मोसाआ चा चामा अ़नुनिन”नि लोनियुङ्‌नि।

२ थेसलोनिकि 3:6

ब़ब़, नाना खोन्‍कि निछाचि ओ, आन्‍हाङ्‌पा येसु ख्रिस्‍तओ अ़चुऩङ्‌दा आन्‍कान्‍का खानानिन लोनिङ्‌नि, आन्‍कान्‍का खानानिन चिन्‍माय़ङ्‌वा मान्‍काङ्‌कादा झारा कासो साकोङ्‌छ़ङ कामुचिदाङ्‌का अ़थाया युङानिन।

१ तिमोथि 6:14

आन्‍हाङ्‌पा येसु ख्रिस्‍त खाङ्‌मान्‍मुयुक्‍नान्‍चिन्‌तारि ओ लोमाय़ङ्‌वा नुलोक चुवा, खोन्‍कि थुपि माङ्‌लो लाहिदाङ्‌का अ़थादा युङ्‌सु।