मत्‍ति 10:5 - बान्‍तावा राई

⁵ येसुआ मो बारकापाङ अ़चुकाखेङ्‌पाचि म़लोचिउचिकि म़छुत्‍तुचि, “निरावाचिएदा मान्‍खात्‍दानिन, खोन्‍कि सामरिचिओ अ़चुसहरादा मान्‌वाङ्‌दानिन।

मत्‍ति 10:5 ပူးပေါင်းရင်းမြစ်များ

मत्‍ति 22:3

खोन्‍कि सायाकाम्‍मा खाबाचा चुम्‍साचिआकिना बुत्‍तुचिओ म़नाचि तानिन्‌नि लोसि अ़हारुक्‌चि छुत्‍तुचि, मेन मोचि तामा म़छुन्‍ता।

मत्‍ति 4:15

“जबुलुन खोन्‍कि नप्‍तालिओ खाहुप, यर्दन्‌ओ अ़ह्‍याउधेत्‌याओ धियाङ्‌वामा खात्‍खा लाम, खोन्‍किना निरावाचि म़युङाङाओ गालिल ओ,

मर्कुस 6:7

खोन्‍किना येसुआ बारकापाङ अ़चुकाखेङ्‌पाचि म़बुत्‍तुचि खोन्‍कि ह़-ह़वाङ मोचि खान्‍मा म़पुङ्‌सुचि। खोन्‍कि खोक्‍कोसाआ मोचि अ़अ़त्‍पा लावाचि लोन्‍माखान्‍मा मोचि पाङ म़प़चि।

लुका 10:1

खोन्‍किना हाङ्‌पाआ नि सत्‍तरिकापाङ म़छेन्‍तुचिकि खोक्‍को खात्‍मा म़मुवाङाओ झारा सहरा खोन्‍कि तेन्‌दा खोक्‍कोएदाङ्‌का बुया मोचि ह़-ह़वाङ म़छुत्‍तुचि।

लुका 10:33

मेन अ़क्‍छा सामरि मो लाम खाराङाहिदा मो म़ना युङाङाओदा तादिसा, खोन्‍कि मो खाकि खोसोओ अ़सोम तुआ।

लुका 17:16

खोन्‍कि मो येसुओ अ़चुलाङ्‌दा बोम्‍सान्‍चिन्‌कि आलाङ प़। मो अ़क्‍छा सामरियायाओ म़ना ओ।

लुका 9:1

येसुआ बारकापाङ अ़चुकाखेङ्‌पाचि अ़क्‍नि म़बुत्‍तुचिकि झारा चाकावालावाचि लोन्‍माखान्‍मा खोन्‍कि झारा सारिमाचि नुमा सावा खोन्‍कि पाङ मोचि म़प़चि।

लुका 9:2

खोक्‍कोसाआ मोचि निनाम्‍हाङ्‌ओ अ़चुहाङ्‌होन खालुमा खोन्‍कि कातुक्‌चि नुसि पाङ्‌एनान म़छुत्‍तुचि।

युहन्‍ना 17:18

देत्‍नि खानानिन्‌आ अ़ङ्‌का हेन्‍खामादा त़छुत्‍नि, मोवात्‍नि अ़ङ्‌काछाङ मोचि हेन्‍खामादा छुत्‍तुङ्‌योङ्‌च़ङ।

युहन्‍ना 20:21

खोन्‍कि येसुआ मोचि म़लासुलोचि, “खानानिन सेवाङ्‌नि लिसानिन! देत्‍नि पापा निनाम्‍हाङ्‌आ अ़ङ्‌का ऩछुत्‍ताङ, मोवात्‍निङा अ़ङ्‌काछाङ खानानिन छुत्‍नानिन।”

युहन्‍ना 4:20

आन्‍काओ सुन्‍तुम्‌चिआ ओ भ़ऱदु निनाम्‍हाङ अ़ब़क्‍ता, मेन खानानिन यहुदिचि त़य़ङिन, निनाम्‍हाङ ब़क्‍खा यरुसलेम्‌ङा ओ।”

युहन्‍ना 4:5

खोन्‍कि खोक्‍को सामरियाओ सुखारनि लोवाङाओ सहरादा म़तादिसा। मो सहरा याकुब्‌आ अ़छा योसेफ प़ओ व़क्‌ओ अ़च़क्‌दा छुक्‍ताङा।

युहन्‍ना 4:9

खोन्‍कि सामरि मेत्‍छामाआ खोक्‍को लो, “खानानिन अ़क्‍छा यहुदि खोन्‍कि अ़ङ्‌का सामरि मेत्‍छामा ओ। देत्‍नि सामरि मेत्‍छामाएदा चाक्‌वा दुङ्‌मा त़दोत्‍निङ्‌नि?” (मोसाआ खोक्‍को ओवात्‍नि लो देकिनालो यहुदिचिआ सामरिचिएनान देत्‍छाङ मान्‍च़याङ्‌चि।)

युहन्‍ना 7:35

खोन्‌ओसा यहुदिचि अ़क्‍छा निएदा म़य़ङा, “ओ खादा खात्‍मा म़मुयाङ, खोन्‍कि आन्‍कान खो अ़धिरिमिन? दि ओक्‍को ग्रिक य़ङ काचेप्‌चिओ अ़चुरादा म़रिसाखाराकि म़युङ्‌याङ्‌ओ यहुदिचिएदा खात्‍माकि ग्रिक य़ङ काचेप्‌चि चिन्‍माचि म़स़याङ?

युहन्‍ना 8:48

यहुदिचिआ खोक्‍को अ़लासालोवा, “खाना सामरि ओ, खोन्‍कि खाना चाकावालावाआ त़लावायुङ्‌सा निकिना आन्‍कान्‍का य़ङिन्‍काओ ना अ़नुछ्‍याङा ओ!”

छाम्‍माय़ङ 1:8

मेन सेङ्‌लावा खानानिन्‌एदा म़य़कि खानानिन सावा त़तोक्‍तुम, खोन्‍किना खानानिन यरुसलेम्‌दा खोन्‍कि झारा यहुदियादा खोन्‍कि सामरियादाकिना झारा हेन्‍खामादाओ म़नाचि अ़ङ्‌तुक्‌वादा खात़एत्‍तुम्‍च़म।”

छाम्‍माय़ङ 10:45

खोन्‍कि सेङ्‌लावाओ आसिखा निरावाचिछाङ निनाम्‍हाङ्‌आ म़प़चिओ अ़खाकि पत्रुस्‌एनान अ़क्‍नि काबान यहुदि साकोङ्‌छ़ङ कामुचि दोम्‍तुदोचि,

छाम्‍माय़ङ 8:1

स्‍तिफनस लुङ्‌ताक्‌आ वेन्‍मासेत्‍मादा सावल काङ्‌सा। मो लेन्‌ङा यरुसलेम्‌दा साम्‍भुङ्‍ओ अ़देङ्‌सालाप्‍पादा म़नाचिआ चाअ़त्‍लो दुखा प़मा म़पुक्‍तुचि। खोन्‍कि छाम्‍माय़ङ्‌चिदाङ्‌का नि झारा साकोङ्‌छ़ङ कामुचि यहुदिया खोन्‍कि सामरिया धिखाहुप्‌चिदात्‍नि म़रिसाखारा।

१ थेसलोनिकि 2:16

मोचिआ आन्‍कान्‍का निरावाचि लेन्‍माओ नुय़ङ्‌खान खाएत्‍मा मान्‍प़ऩदान्‍का। मोवात्‍नि अ़धुन मोचिआ अ़चुहेवाचि पोन्‌याङ्‌सा अ़खात्‌याङ। मेन आदेङ मोचिएदा निनाम्‍हाङ्‌ओ अ़चुमाइसुङ छुक्‍तायुङ्‌सा!