मत्‍ति 10:4 - बान्‍तावा राई

⁴ सिमोन कनानि खोन्‍कि यहुदा इस्‍करियोत, खोसाआ येसु लाप्‍तुप़चि।

मत्‍ति 10:4 ပူးပေါင်းရင်းမြစ်များ

मत्‍ति 26:14

खोन्‍किना बारकापाङ्‌दा अ़क्‍छा यहुदा इस्‍करियोत मुलो काब़क्‍पाचिएदा खारा,

मत्‍ति 26:15

खोन्‍कि सेनुचि, “अ़ङ्‌का येसु खानानिन लाप्‍नाप़नानिन्‌नालो अ़ङ्‌का दि प़मानि त़मिनिन्‌येन?” खोन्‍कि मोचिआ खो रुपाओ तिस्‌काफेक फेक्‌वा अ़खिप्‍तापुवा।

मत्‍ति 26:2

“खानानिन त़सिन्‍तुम्‌योम, हान ह्‍वालेन्‌कि काक्‍माखात्‍मा चानुचा तायाङ, खोन्‍किना म़नाओ अ़छा क्रुस्‌दा क़ङ्‌मासेत्‍मा निम्‍पाङ म़नाचिओ अ़चुछुक्‌दा म़प़चि।”

मत्‍ति 26:47

येसु म़चेवाङाहिदाङा बारकापाङ अ़चुकाखेङ्‌पाचिएदाओ अ़क्‍छा यहुदा तादिसा। खोएनान मुलो काब़क्‍पाचिआ खोन्‍कि म़नाचिओ अ़चुअ़धुवाचिआ म़छुत्‍तुचिओ म़ना मुक्‍लाचि बान्‍छोन्‌चि खोन्‍कि रोलाचि म़खुयुचिकि म़तादिसा।

मत्‍ति 27:3

येसु काधान्‍पा यहुदाआ येसु दन्‍दा प़माय़ङ एनुहिदा अ़न्‍नुनु अ़मिन्‍मा चाअ़त्‍सा, खोन्‌ओसा मुलो काब़क्‍पाचि खोन्‍कि अ़धुवाचि रुपाओ तिस्‌काफेक फेक्‌वा लासुप़चि।

मर्कुस 14:10

खोन्‍किना येसुओ बारकापाङ अ़चुकाखेङ्‌पाचिएदाङ्‌काओ अ़क्‍छा यहुदा इस्‍करियोत्‌निओ येसु लाप्‍माप़मा निम्‍पाङ मुलो काब़क्‍पाचिएदा खारा।

मर्कुस 14:43

येसु म़चेवाङाहिदाङा बारकापाङ अ़चुकाखेङ्‌पाचिएदाओ अ़क्‍छा, यहुदा तादिसा। खोएनान मुलो काब़क्‍पाचिआ, मोसाओ य़ङ्‌हुप काचिन्‍पाचि खोन्‍कि म़नाचिओ अ़चुअ़धुवाचिआ म़छुत्‍तुचिओ अ़धिवा म़ना मुक्‍लाचि बान्‍छोन्‌चि खोन्‍कि रोलाचि म़खुयुचिकि म़तादिसा।

लुका 22:3

खोन्‍किना येसुओ बारकापाङ अ़चुकाखेङ्‌पाचिएदाङ्‌काओ अ़क्‍छा इस्‍करियोत्‌निओ यहुदाएदा सैताना वाङा।

लुका 22:47

येसु म़चेवाङाहिदाङा म़ना मुक्‍लाचि मोदा म़तादिसा। बारकापाङ अ़चुकाखेङ्‌पाचिएदाओ अ़क्‍छा यहुदाआ मोचि तित्‍तुङुचि। येसु चुप्‍मा मेत्‍सि खोक्‍कोसोओ अ़चुच़क्‌दा खो खारा।

युहन्‍ना 13:2

खोन्‍कि अ़नाम्‍प़क्‌ओ चा-चामा ग़रि दियाबलस्‌आ सिमोन्‌ओ अ़छा यहुदा इस्‍करियोत्‌ओ अ़मिन्‍मादा येसु धान्‍मा मिन्‍मा बुयाङा पाक्‍तुप़युङ्‌सु।

युहन्‍ना 6:64

मेन खानानिन्‌एदाओ देम्‍पाङ्‌साआ अ़ङ्‌का साकोङ्‌छ़ङ्‌ङा त़मुऩङ्‌ऩम़ङ।” येसु ओवात्‍नि म़य़ङा, देकिनालो साकोङ्‌छ़ङ मान्‍मुकादाचि साङ-साङ ओ, खोन्‍कि खोक्‍को काधान साङ लि निकिना खोक्‍कोसाआ बुयादाङ्‌काङा अ़सिन्‍ताङा।

युहन्‍ना 6:71

ओ खोक्‍कोसाआ सिमोन इस्‍करियोत्‌ओ अ़छा यहुदाओ अ़तुक्‌वादा म़य़ङाओ, देकिनालो बारकापाङ्‌दाओ अ़क्‍छा मुवाङानुछाङ खोसाआ येसु धान्‍मा मुङु।

छाम्‍माय़ङ 1:13

यरुसलेम म़तालाकि मोचि म़युङाङाओ खिम्‌ओ धाउछान्‌दु म़वाङा, मोदा बुया युङ्‌याङ्‌सा म़मुवाङा। मोदा काकोप्‍नान्‍चिन्‌चि पत्रुस, युहन्‍ना, याकुब, अन्‍द्रियास, फिलिप, थोमा, बारथोलोमाइ, मत्‍ति, अल्‍फयस्‌ओ अ़छा याकुब, हेन्‍कोप सोमाकातुक सिमोन खोन्‍कि याकुब्‌ओ अ़छा यहुदा म़याआङा।

छाम्‍माय़ङ 1:25

खोन्‍कि खोसाआ यहुदाओ अ़फान्‌दा छाम्‍माय़ङ काचि मुमा ऱने, देकिनालो यहुदाआ अ़छिरिन्‍दान्‍काकि खादा खात्‍मा खान्‍तुओ खोदाङा खारायुङ्‌सा।”