मत्‍ति 10:32 - बान्‍तावा राई

³² अ़ङ्‌का लोनानिन, साङ्‌आ म़नाचिओ अ़चुबुदा अ़ङ्‌का अ़लोक्‍ङा, अ़ङ्‌काछाङ मो निनाम्‍मादु कायुङ अ़ङ्‌पापाओ अ़चुबुदा मो लोउङ।

मत्‍ति 10:32 ပူးပေါင်းရင်းမြစ်များ

मत्‍ति 25:34

खोन्‍किना हाङ्‌आ अ़चुचुप्‍ताङ्‌छुक्‍लिप्‍पाओचि म़लोचि, ‘बानानिन, अ़ङ्‌पापाओ अ़चुआसिखा कातोक्‌चि ओ! हेन्‍खामा मुन्‍माय़ङ ग़रिदाङ्‌काङा आम्‍नुओ निम्‍पाङ चुम्‍सायुङ्‌साओ हाङ्‌होन्‌दा त़वाङिन।

लुका 15:10

अ़ङ्‌का खानानिन लोनानिन, मोवात्‍निङा अ़हेवादाङ्‌का काला अ़क्‍छा हेवामिओ निकि निनाम्‍हाङ काफाचिओ अ़चुऩङानु।”

युहन्‍ना 9:22

मोसोओ अ़मा-अ़पाचि ओवात्‍नि य़ङाचि, देकिनालो खोचि यहुदि बुसुवाचिदाङ्‌का क़साङाचि। देकिनालो साङ्‌आ येसुङा ख्रिस्‍त ओ निकिना लोउनालो मो यावायोक्‍खिम्‌दाङ्‌का लोन्‍माखान्‍मादोत निकिना यहुदिचि बुयाङा याम़योआयुङ्‌सा।

२ तिमोथि 1:8

खोन्‌ओसा आन्‍हाङ्‌पाओ अ़चुसालुम्‍स़ङ प़मा आम्‍लेजो अ़कात्‍निन्‍ने, ना अ़ङ्‌का, ख्रिस्‍तओ निम्‍पाङ छेक्‍ङाङाओसो निम्‍पाङ आम्‍लेजो कात्‍ने। मेन निनाम्‍हाङ्‌ओ अ़चुसावादा नुय़ङ्‌खान्‌ओ निम्‍पाङ दुखा आङ्‌मादा अ़ङ्‌काएनान वाङा।

१ युहन्‍ना 4:15

साङ्‌आ येसु निनाम्‍हाङ्‌ओ अ़चुछा निकिना लोउ, मोएदा निनाम्‍हाङ म़युङ, खोन्‍कि मो निनाम्‍हाङ्‌एदा युङ।

खाङ्‌मुमा 2:13

खानानिन खादा त़युङिन्‌येन, अ़ङ्‌का सिन्‍तुङ्‌योङ। मोदा सैतानाओ अ़हाङ्‌युङ्‌खा युङ्‌याङ। खोन्‍नुछाङ अ़ङ्‌ऩङ्‌दा खानानिन नुलोक त़युङिन। सोम्‍कुवा मुमा खान्‍तुओ अ़ङ्‌सालुम्‍स़ङ काप़पा एन्‍तिपास्‌ओ अ़ग़रिदाछाङ अ़ङ्‌काएदा साकोङ्‌छ़ङ मुमा मान्‍छित्‍त़दोम, खो सैतानाओ अ़युङ्‌खादा आम्‍नुओ रादा सेरायुङ्‌सा।

खाङ्‌मुमा 3:5

साङ छो, खो ओवात्‍नि ओम्‌याङ्‌ओ तित हुम्‍मेत। अ़ङ्‌का देम्‍खाछाङ मोसोओ अ़ऩङ ह़ङ्‌म़ङ्‌ओ छाप्‍लाखादाङ्‌का अ़सोप्‍ऩङ्‌खान्‍ऩङ। अ़ङ्‌का मोसोओ अ़ऩङ अ़ङ्‌पापाओ अ़चुबुदा खोन्‍कि खोक्‍को काफाचिओ अ़चुबुदा मो अ़ङ्‌को ओ निकिना लोउङ।