मत्‍ति 10:2 - बान्‍तावा राई

² बारकापाङ छाम्‍माय़ङ्‌चिओ अ़चुऩङ्‌चि ओचिङा ओ, बुया पत्रुस्‌नि लोवाङाओ सिमोन खोन्‍कि खोसोओ अ़निछा अन्‍द्रियास, जब्‍दियाओ अ़छा याकुब खोन्‍कि खोसोओ अ़निछा युहन्‍ना,

मत्‍ति 10:2 ပူးပေါင်းရင်းမြစ်များ

मत्‍ति 17:1

खोन्‍कि छकालेन्‌कि येसुआ पत्रुस, याकुब खोन्‍कि खोसोओ अ़निछा युहन्‍ना म़खात्‍तुचिकि अ़क्‌तात झोन्‍ताङाओ भ़ऱदु म़लोन्‍ता।

मत्‍ति 20:20

खोन्‍किना जब्‍दियाओ अ़दुवाछाचिओ अ़चुमाआ अ़छाचि अ़क्‍नि खात्‍तुचिकि येसुओ अ़चुबुदा अ़तुम्‍प़छ़क तोम्‍तुकि खोक्‍को बुउ।

मत्‍ति 26:37

खोन्‍कि खोक्‍कोसाआ पत्रुस खोन्‍कि जब्‍दियाओ ह़वाङ अ़छाचि अ़क्‍नि म़खात्‍तुचि खोन्‍कि खोक्‍को मिन्‍राक खोन्‍कि दुखाआ चाअ़त्‍लो योक्‍तुकिना अ़चुराक सुवा

मत्‍ति 4:18

येसु गालिल धियाङ्‌वामाओ अ़केम्‌दा म़कोलाङाहिदा खोक्‍कोसाआ पत्रुस्‌नि लोवाङाओ सिमोन खोन्‍कि खोसोओ अ़निछा अन्‍द्रियास ह़वाङ्‌माङ धियाङ्‌वामादा बोप्‍छ़क वेत्‍ताङाचिओ म़खाचि, देकिनालो खोचि ङा कालाप्‌चि ओ।

मत्‍ति 4:21

खोन्‍कि अ़क्‍चित ह्‍यात्‍नि येसु म़खाराहिदा खोक्‍कोसाआ नि ह़वाङ जब्‍दियाओ अ़छा याकुब खोन्‍कि अ़निछा युहन्‍नाआ अ़चुपाएनान अ़चुनावादा अ़चुबोप्‍छ़क्‌चि अ़थुआङाचुओ म़खाचि, खोन्‍कि खोक्‍कोसाआ मोचि म़बुत्‍तुचि।

मर्कुस 1:29

खोन्‍कि येसु मोन्‍ग़रिङा यावायोक्‍खिम अ़छिरादाकि याकुब खोन्‍कि युहन्‍नाएनान सिमोन खोन्‍कि अन्‍द्रियास्‌ओ अ़चुखिम्‌दा म़खारा।

मर्कुस 13:3

येसु निनाम्‍हाङ ब़क्‍खाखिम्‌ओ अ़बुदाओ जैतुन भ़ऱदु म़युङा, मोन्‍ग़रि पत्रुस, याकुब, युहन्‍ना खोन्‍कि अन्‍द्रियास म़ताकि सुकुलादा अ़सेना।

मर्कुस 6:30

बारकापाङ छाम्‍माय़ङ्‌चि येसुएदा म़लासाता खोन्‍कि झारा खोचिआ अ़मुवाओ खोन्‍कि म़चिन्‍तुचिओ य़ङ्‌चि खोक्‍को खाअ़एत्‍ता।

लुका 11:49

खोवात्‍निओसा निनाम्‍हाङ्‌ओ अ़चुखारुआ म़लोयाङ, ‘अ़ङ्‌का मोचिएदा निनाम्‍हाङ्‌य़ङ खाकालुचि खोन्‍कि छाम्‍माय़ङ्‌चि छुत्‍तुङ्‌च़ङ। मोचिदाङ्‌का खा-खाक्‍कोचि म़सेरुचि खोन्‍कि खा-खाक्‍कोचि दुखा म़प़चि।’

लुका 22:14

काक्‍माखात्‍मा चानुचा चामा ग़रि लिसाहिदा येसु अ़चुओ छाम्‍माय़ङ्‌चिएनान चासि म़युङा।

लुका 22:8

येसुआ पत्रुस खोन्‍कि युहन्‍ना ओवात्‍नि लोयाङ्‌सा म़छुत्‍तुचि, “खाराचिकि आन्‍को निकि काक्‍माखात्‍मा चानुचा चामा चुम्‍साचु।”

लुका 5:10

मोवात्‍निङा जब्‍दियाओ अ़छाचि याकुब खोन्‍कि युहन्‍नाछाङ दोम्‍तुदोचि। मोचि सिमोन्‌एनान अ़क्‍नि काचि कामु अ़यावाचि याआङाचि। येसुआ सिमोन अ़लोवा, “मान्‍क़दा, हान्‌दाङ्‌का खाना ङाचि माआङ, मेन म़नाचि अ़ङ्‌काएदा त़तारुचि।”

लुका 9:10

बारकापाङ छाम्‍माय़ङ्‌चि येसुएदा म़लासाता खोन्‍कि झारा खोचिआ अ़मुवाओ काचि येसु खाअ़एत्‍ता। खोसाआ मोचि म़खात्‍तुचिकि बेथसेदानिओ तेन्‌दा नि म़नाचिआ मान्‍सिन्‍माङ म़खारा।

युहन्‍ना 12:22

फिलिप खाराकि अन्‍द्रियास लो, खोन्‍कि अन्‍द्रियास खोन्‍कि फिलिप खाराचिकि येसु अ़लोवाचु।

युहन्‍ना 13:23

खोक्‍कोसोओ अ़चुकाखेङ्‌पाचिएदाओ येसुआ सोमाअ़तुक्‍ताओ अ़चुकाखेङ्‌पा खोक्‍कोसोओ अ़चुकोङ्‌कोम्‌दा नालान्‍चिन्‌कि युङाङा।

युहन्‍ना 20:2

खोन्‌ओसा मो सिमोन पत्रुस खोन्‍कि येसुआ सोमाअ़तुक्‍ताङाओ नि काखेङ्‌पाएदा लोराखाराकि मोचि लोचि, “मोचिआ हाङ्‌पा एप्‍मादाङ्‌का अ़लाराखात्‍ताकि खोक्‍को खादा अ़युङ्‌सा, मो आन्‍कान्‍का अ़सिन्‍तिमिन्‍का!”

युहन्‍ना 21:2

सिमोन पत्रुस, दिदुमस्‌नि लोवाङाओ थोमा, गालिल्‌दाओ काना सहरादाओ नथानेल, जब्‍दियाओ ह़वाङ अ़छाचि खोन्‍कि खोक्‍कोसोओ अ़चुकाखेङ्‌पाचिएदाङ्‌काओ नि ह़वाङ अ़क्‍नि म़युङाङा।

युहन्‍ना 21:20

पत्रुस अ़देङ्‌ह्‍यात्‍नि हुसान्‍चिन्‌कि चोउहिदा येसुआ सोमाअ़तुक्‍ताओ अ़चुकाखेङ्‌पा खोचिओ अ़चुदेङ-देङ बानाङाओ खा। खोसाआङा अ़नाम्‍प़क्‌ओ चा-चामा ग़रिदा खोक्‍कोसोओ अ़चुकोङ्‌कोम्‌दा नालान्‍चिन्‌कि, “हाङ्‌पो, खानानिन कालाप्‍प़पा साङ ओ?”नि सेनुओ।

युहन्‍ना 21:24

ओ मो काखेङ्‌पाङा ओ, खोसाआ ओ य़ङ्‌चिओ अ़तुक्‌वादा सालुम्‍स़ङ प़ङु, खोन्‍कि ओ य़ङ छाप्‍तुयुङ्‌सु, खोन्‍किना आन्‍कान्‍का सिन्‍तुम्‌योम्‍का खोसोओ अ़सालुम्‍स़ङ अ़नुछ्‍या मुयाङ।

युहन्‍ना 6:67

येसुआ बारकापाङ्‌माङ अ़चुकाखेङ्‌पाचि म़लोचि, “दि खानानिन्‌आछाङ छित्‍मादामानि त़मिनिन्‌येन?”

युहन्‍ना 6:70

येसुआ मोचि म़लासुलोचि, “दि अ़ङ्‌का खानानिन बारकापाङ छेन्‍नानिन्‌ओ माआङ कि? मेन खानानिन्‌एदाओ अ़क्‍छा सैतानाआ क़म्‍तुयुङ्‌सु।”

युहन्‍ना 6:71

ओ खोक्‍कोसाआ सिमोन इस्‍करियोत्‌ओ अ़छा यहुदाओ अ़तुक्‌वादा म़य़ङाओ, देकिनालो बारकापाङ्‌दाओ अ़क्‍छा मुवाङानुछाङ खोसाआ येसु धान्‍मा मुङु।

युहन्‍ना 6:8

खोक्‍कोसोओ अ़चुकाखेङ्‌पाचिएदाओ सिमोन पत्रुस्‌ओ अ़निछा आन्‍द्रियास्‌आ खोक्‍को लो,

छाम्‍माय़ङ 1:13

यरुसलेम म़तालाकि मोचि म़युङाङाओ खिम्‌ओ धाउछान्‌दु म़वाङा, मोदा बुया युङ्‌याङ्‌सा म़मुवाङा। मोदा काकोप्‍नान्‍चिन्‌चि पत्रुस, युहन्‍ना, याकुब, अन्‍द्रियास, फिलिप, थोमा, बारथोलोमाइ, मत्‍ति, अल्‍फयस्‌ओ अ़छा याकुब, हेन्‍कोप सोमाकातुक सिमोन खोन्‍कि याकुब्‌ओ अ़छा यहुदा म़याआङा।

छाम्‍माय़ङ 1:26

खोन्‍किना मोचिआ मो ह़वाङ्‌दा छेन्‍मा निम्‍पाङ अ़चुऩङ्‌दा चित्‍था म़पाआ, खोन्‍कि चित्‍था मतियास्‌ओ अ़ऩङ्‌दा छुक्‍ता, खोन्‌ओसा खो एघारकापाङ छाम्‍माय़ङ्‌चिएदा तेप्‍ता।

छाम्‍माय़ङ 12:2

खोसाआ युहन्‍नाओ अ़बुवा याकुब बान्‍छोन्‌आ सेत्‍मेत्‍तुचि।

छाम्‍माय़ङ 3:1

अ़क लेन पत्रुस खोन्‍कि युहन्‍ना यहुदिचिओ यामात्‍मा ग़रि लिसाकि अ़खोलेन सुम्‌काकोम साङाहिदा निनाम्‍हाङ ब़क्‍खाखिम्‌दु यामात्‍सि लोन्‍ताङाचि।

१ कोरिन्‍थि 15:7

खोन्‍किना याकुब खोन्‍कि झारा छाम्‍माय़ङ म़नाचिएदा खोक्‍को खाङ्‌म़मुसान्‍चिन।

एफिसि 4:11

खोन्‍कि खोक्‍कोसोओ अ़चुओ मोहामाय़ङ्‌चि ओचिङा ओ, खा-खाक्‍को छाम्‍माय़ङ्‌चि, खा-खाक्‍को निनाम्‍हाङ्‌य़ङ खाकालुचि, खा-खाक्‍को नुय़ङ्‌खान खाकालुचि, खा-खाक्‍को साम्‍भुङ्‌दाओ काखाङ्‌चि खोन्‍कि खा-खाक्‍को काचिन्‌चि म़छेन्‍तुचि।

हिब्रु 3:1

खोन्‌ओसा निनाम्‍हाङ्‌आ ऩबुत्‍तिन्‌ओ त़सेङियेन्‌ओ अ़ङ्‍ब़ब़, नाना, खोन्‍कि निछाचि ओ, निनाम्‍हाङ्‌आ अ़छाम्‍साओ खोन्‍कि मुलो काब़क्‍पानि आन्‍कान य़ङिन्‌ओ येसु मित्‍तानुम।

१ पत्रुस 1:1

येसु ख्रिस्‍तओ अ़चुछाम्‍माय़ङ पत्रुस्‌दाङ्‌का, पोन्‍तस, गलातिया, कापादोकिया, एसिया खोन्‍कि बिथिनियादा कायुङ लोन्‍माखान्‍माय़ङ फात्‍ताफेला म़लिसाओचि निनाम्‍हाङ्‌आ म़छेन्‍तुचिओचिओ निम्‍पाङ ओ छाप्‍लावा छाप्‍तुङ्‌योङ।

२ पत्रुस 1:1

येसु ख्रिस्‍तओ अ़चुहारुक खोन्‍कि छाम्‍माय़ङ सिमोन पत्रुस्‌दाङ्‌का, आन्‍निनाम्‍हाङ खोन्‍कि कालेन्‍पा येसु ख्रिस्‍तओ अ़चुसाम्‌योक्‍मिदा आन्‍काओवाको अ़लुङ छुक्‌ओ अ़क्‍निवा सोम्‍कुवा कामुचिएदा ओ छाप्‍लावा छाप्‍तुङ्‌योङ।

२ युहन्‍ना 1:1

ताङ्‌पाएदाङ्‌का छेन्‍माय़ङ मेत्‍छामा खोन्‍कि अ़छाचि, अ़ङ्‌का खानानिन अ़नुछ्‍या सोमातुक्‍नाङ्‌नानिन खोन्‍कि अ़ङ्‌का ओन्‍ङा माआङ, मेन अ़छ़ङ कासिन निचिआछाङ खानानिन सोमाऩतुक्‍तिन्‌येन।

३ युहन्‍ना 1:1

साम्‍भुङ्‌दाओ ताङ्‌पाएदाङ्‌का, सोमातुक्‍नाओ अ़ङ्‌यावा गायस, अ़ङ्‌का खाना अ़नुछ्‍या सोमातुक्‍नाङ्‌ना।

खाङ्‌मुमा 1:1

ओ निनाम्‍हाङ्‌आ येसु ख्रिस्‍त खाङ्‍अ़मेत्‍ताओ य़ङ ओ, खोन्‌ओसा खोक्‍कोसाआ अ़चुकाब़त्‍पाचि च़क्‍नि लिसि तामा म़मुयाङ्‌ओ य़ङ्‌चि खाङ्‌मेत्‍मा म़ऱचि। ख्रिस्‍तआ अ़चुकाफा अ़छुत्‍ताकि ओ य़ङ अ़चुकाब़त्‍पा युहन्‍ना खाङ्‌अ़मेत्‍ता।

खाङ्‌मुमा 1:9

अ़ङ्‌का युहन्‍ना, आम्‍नुओ बुवा, येसुएदा साकोङ्‌छ़ङ मुवाङ्‌ओसा खानानिन्‌एनान अ़क्‍नि हुङ्‌याङ्‌सा अ़चाअ़त्‍मा आङ्‌तुङ्‌योङ। मो दुखा खोक्‍कोसोओ अ़चुहाङ्‌होन्‌दा कावाङ्‌चिएदा ता। निनाम्‍हाङ्‌ओ अ़चुय़ङ खालुसुङ खोन्‍कि येसु ख्रिस्‍तओ अ़चुसालुम्‍स़ङ प़ङ्‌ओसा अ़ङ्‌का पत्‍मोस्‌निओ खाम्‍दाक्‌दा ऩखाइसाङ।

खाङ्‌मुमा 18:20

खोन्‍किना निनाम्‍मादुङ्‌का अ़क्‌तात य़ङ ता, “निनाम्‍मादु कायुङ्‌चिओ, आम्‍नुओ ऩङानुसानिन्‍चिन! निनाम्‍हाङ काब़क्‌चि, छाम्‍माय़ङ म़नाचि खोन्‍कि निनाम्‍हाङ्‌य़ङ खाकालुचि ओ, ऩङानुसानिन्‍चिन! मोसाआ खानानिन्‌एदा मुओ अ़त्‍लोओ निनाम्‍हाङ्‌आ छ़ङ्‌अ़छेन्‍तायुङ्‌सा।”

खाङ्‌मुमा 22:8

ओ झारा य़ङ काएन खोन्‍कि काखाङ अ़ङ्‌का युहन्‍ना ओ। खाउग़रि अ़ङ्‌का ओ य़ङ्‌चि एनुङ्‌चिउङ्‌च़ङ खोन्‍कि खाङ्‌चिउङ्‌च़ङ, अ़ङ्‌का ओ य़ङ खाङ्‌कामेत निनाम्‍हाङ काफा ब़त्‍सि खोसोओ अ़लाङ्‌दा बोम्‍मान्‍चिन लामाङ।