मत्‍ति 10:18 - बान्‍तावा राई

¹⁸ खानानिन अ़ङ्‌का कात़ङ्‌चिओसा हाङ्‌कामुचिओ खोन्‍कि हाङ्‌चिओ अ़चुबुदा ऩसारिन्‍खात्‍तिन। मोचिओ खोन्‍कि निरावाचिओ निम्‍पाङ अ़चुसालुम्‍स़ङ त़लिसिन।

मत्‍ति 10:18 ပူးပေါင်းရင်းမြစ်များ

मत्‍ति 10:17

मेन म़नाचिदाङ्‌का खानानिन चाप्‍चेत्‍तानिन्‍चिन, देकिनालो म़नाचिआ खानानिन छ़ङ्‌छेन्‍खाचिदा ऩखात्‍तिन, खोन्‍कि मोचिआ अ़चुओ यावायोक्‍खिम्‌चिदा खानानिन य़हुप ऩपाक्‍तिन।

मत्‍ति 10:19

मोचिआ खानानिन ऩलाविन, मेन मोन्‍ग़रि देत्‍नि चेप्‍मा माङ्‌लो दे य़ङ्‌माओ निकिना मिन्‍राक मान्‍मुदानिन। देकिनालो खानानिन्‌आ दि चेप्‍मादोत ओ, मोन्‍ग़रिङा खानानिन निनाम्‍हाङ्‌आ ऩप़न।

मत्‍ति 8:4

खोन्‍कि येसुआ मो अ़लोवा, “एनु खो, साङ्‌छाङ खामान्‌एत्‍दोचि! मेन खारा, खोन्‍कि आप्‍पि काब़क्‍पाएदा खाङ्‌मुसान्‍चिन, खोन्‍कि निनाम्‍हाङ्‌य़ङ खाकालु मोसाआ लोमाय़ङ्‌ओ छुक्‍दाम पाउ, खोन्‍कि म़नाचिओ निम्‍पाङ सालुम्‍स़ङ लिने।”

मर्कुस 13:9

मेन खानानिन चाप्‍चेत्‍तानिन्‍चिन, देकिनालो म़नाचिआ खानानिन छ़ङ्‌छेन्‍खाचिदा ऩखात्‍तिन, खोन्‍कि मोचिआ अ़चुओ यावायोक्‍खिम्‌चिदा य़हुप ऩपाक्‍तिन। खानानिन अ़ङ्‌का कात़ङ्‌चिओसा हाङ्‌कामुचिओ खोन्‍कि हाङ्‌चिओ अ़चुबुदा मोचि सालुम्‍स़ङ प़सि त़एविन।

२ तिमोथि 1:8

खोन्‌ओसा आन्‍हाङ्‌पाओ अ़चुसालुम्‍स़ङ प़मा आम्‍लेजो अ़कात्‍निन्‍ने, ना अ़ङ्‌का, ख्रिस्‍तओ निम्‍पाङ छेक्‍ङाङाओसो निम्‍पाङ आम्‍लेजो कात्‍ने। मेन निनाम्‍हाङ्‌ओ अ़चुसावादा नुय़ङ्‌खान्‌ओ निम्‍पाङ दुखा आङ्‌मादा अ़ङ्‌काएनान वाङा।

खाङ्‌मुमा 1:9

अ़ङ्‌का युहन्‍ना, आम्‍नुओ बुवा, येसुएदा साकोङ्‌छ़ङ मुवाङ्‌ओसा खानानिन्‌एनान अ़क्‍नि हुङ्‌याङ्‌सा अ़चाअ़त्‍मा आङ्‌तुङ्‌योङ। मो दुखा खोक्‍कोसोओ अ़चुहाङ्‌होन्‌दा कावाङ्‌चिएदा ता। निनाम्‍हाङ्‌ओ अ़चुय़ङ खालुसुङ खोन्‍कि येसु ख्रिस्‍तओ अ़चुसालुम्‍स़ङ प़ङ्‌ओसा अ़ङ्‌का पत्‍मोस्‌निओ खाम्‍दाक्‌दा ऩखाइसाङ।

खाङ्‌मुमा 11:7

मोचिआ अ़चुसालुम्‍स़ङ्‌ओ अ़चुकाचि अ़चिन्‍चुकि अ़थेन मात्‍द़ङ्‌ओ हुत्‌युङ्‌का लोन्‌ओ मो सायाम्‍पोक्‌आ मोचिएनान ङेन मु, खोन्‍कि मोचिएदा छोकि मोचि सेरुचि।

खाङ्‌मुमा 6:9

खाउग़रि थुबाछाआ पाच्‌कातात्‌ओतात सेप्‍खा फोङ्‌सु, मोन्‍ग़रि अ़ङ्‌का ब़क्‍खाओ अ़भेन्‌यु लावाचि खाङ्‌च़ङ, मोचि निनाम्‍हाङ्‌ओ अ़चुय़ङ म़चेवाओसाआ खोन्‍कि अ़छ़ङ्‌एनान अ़चुसालुम्‍स़ङ म़पुवाओसाआ म़सेरुचिओ।