मत्‍ति 10:16 - बान्‍तावा राई

¹⁶ खानुम, अ़ङ्‌का खानानिन बेन्‍पाचिओ अ़चुरादा भेराचिवात्‍नि छुत्‍नाङ्‌नानिन। खोन्‌ओसा खानानिन प़वात्‍नि चाप्‍चा खोन्‍कि साप्दुकुत्‌वावात्‍नि सोत्‍सोत्‌वाओ मुवानिन।

मत्‍ति 10:16 ပူးပေါင်းရင်းမြစ်များ

मत्‍ति 24:25

खानुम! अ़ङ्‌का खानानिन झारा य़ङ बुयाङा लोनाचिन्‍नायुङ्‌नानिन।

मत्‍ति 24:45

सोम्‍कुवा मुमाय़ङ खोन्‍कि खारु कातोक खिम काचि काखाङ साङ ओ? खोसोओ अ़हाङ्‌पाआ नि अ़हारुक्‌चि खोसोओ अ़छुक्‌दा अ़पाक्‌कि मोचिआ चामादोत्‌ओ ग़रिदा मोचिओ अ़चुचामा, दुङ्‌मायु काप़ अ़मु।

मत्‍ति 25:2

मोचिएदाओ पाच्‌कापाङ खामान्‍सिन्‌चि खोन्‍कि पाच्‌कापाङ खारुकातोक्‌चि म़याआङा।

मत्‍ति 25:4

मेन खारुकातोक्‌चिआ अ़चुओ खाउप्‍खाएनान अ़क्‍नि दावाछाचिदा आक्‌वा म़खात्‍ता।

मत्‍ति 25:9

मेन खारुकातोक्‌चिआ म़लासुलोचि, ‘आन्‍कान्‍का खोन्‍कि खानानिन झारा म़लात्‍लो ब़द्‍धे आक्‌वा मात्‍द़ङ। मेन काइन्‌एदा खारानिन्‌कि आम्‍नुओ निम्‍पाङ खिरानिन।’

लुका 10:3

खारानिन! एनानुम, अ़ङ्‌का खानानिन बेन्‍पाचिओ अ़चुरादा भेराओ अ़छाचिवात्‍नि छुत्‍नाङ्‌नानिन।

लुका 21:15

देकिनालो अ़ङ्‌का खानानिन चेप्‍मा सिवा खोन्‍कि ताया प़नानिन्‍कि खाक्‍कोछाङ आम्‍नुओ ङेङ्‌चिआ ना आम्‍नुओ य़ङ लामा अ़ऱ, ना आम्‍नुओ दुम क़प्‍माङा अ़ऱ।

छाम्‍माय़ङ 20:29

देकिनालो अ़ङ्‌का सिन्‍तुङ्‌योङ, अ़ङ्‌का खात्‍ङालोन्‍ङाकिना खोक्‍लि कुतिवाचिवाको क़माकात्‍तुओ म़नाचि आम्‍नुओ रादा म़ता, खोन्‍कि मोचिआ निनाम्‍हाङ्‌ओ अ़साम्‍भुङ दित्‍छाङ मान्‌युङ्‌माङ लुक्‍मा म़लाप।

१ कोरिन्‍थि 14:20

ब़ब़, नाना खोन्‍कि निछाचि ओ, मिन्‍मादा छाचिवात्‍नि मान्‍लिदानिन। अ़अ़त्‍पाओ निम्‍पाङ छाचिवात्‍नि लिसानिन, मेन मिन्‍मा काचिदा काले लिसानिन।

२ कोरिन्‍थि 1:12

हेन्‍खामादा खोन्‍कि च़लोक्‌वा खानानिन्‌एनान्‌ओ आन्‍काओ तुप्‍मादा आन्‍कान्‍का काचि मुम्‍काहिदा ओ हेन्‍खामादाओ चाप्‍चाआ माआङ, मेन सेङ्‌लो खोन्‍कि अ़छ़ङ्‌दा आन्‍कान्‍का मुम्‍का। ओ य़ङ्‌दा आन्‍काओ ऩङानु, खोन्‍किना आन्‍काओ छेन्‍खातायाआछाङ मोसोओ अ़सालुम्‍स़ङ प़।

२ कोरिन्‍थि 11:14

खोन्‍कि ओ म़दोम्‍दाओ काचि माआङ, देकिनालो सैतानाछाङ साम्‍स़रिओ निनाम्‍हाङ काफाचिवात्‍नि फान्‍नान्‍चिन।

२ कोरिन्‍थि 11:3

मेन देत्‍नि प़ओ अ़चाप्‍चाआ हब्‍बा म़प्‍तु, मोवात्‍निङा ख्रिस्‍तएदा आम्‍नुओ अ़छ़ङ खोन्‍कि सेङ्‌याङ्‌ओ ब़क्‍मालाम्‍पा आम्‍नुओ मिन्‍माचि फेन्‍मादा म़छुक हे निकिना अ़ङ्‌क़मा कात्‌याङ।

२ कोरिन्‍थि 8:20

तोक्‍पो छुक्‍तुप्‍मा कोप्‌कि खात्‌याङ्‌हिदा मोसोओ अ़तुक्‌वादा साङ्‌आछाङ लाहि ऩपाक्‍तिमिन्‍कानेनि आन्‍कान्‍का मिनिन्‍का।

फिलिप्‍पि 2:15

खोन्‍किना खानानिन मान्‍फिकादा खोन्‍कि सोत्‍सोत्‌वाओ लिसानिन्‌किना ऱक्‌याङ्‌ओ खोन्‍कि वाऱनान्‍चिन्‌ओ म़नाचिओ दुङ्‌ओ अ़रादा निनाम्‍हाङ्‌ओ थुपि मात्‍द़ङ्‌ओ अ़चुछा लिसानिन। ओ दुङ्‌ओ अ़रादा हेन्‍खामादा खानानिन साङ्‌केन्‍माचिवा लेरानिन।

कलस्‍सि 1:9

खोन्‌ओसा आम्‍नुओ तुक्‌वादा आन्‍कान्‍का एनुम्‍काओ लेन्‌दाङ्‌का झारा लावामि खारु खोन्‍कि तुप्‍माआ निनाम्‍हाङ्‌ओ अ़चुमिन्‍मा नुलोक तुप्‍मा त़ऱम्‍ने निकिना आम्‍नुओ निम्‍पाङ आन्‍कान्‍का यामात्‍मा मान्‍छित्‌युक्‍तुम्‍का।

कलस्‍सि 4:5

साकोङ्‌छ़ङ मान्‍मुकादाचिएनान खारुएनान काचि मुवानिन, खोन्‍कि झारा अ़वाखाम्‌चि नुलोक याङानुम्‍च़म।

१ थेसलोनिकि 2:10

खानानिन साकोङ्‌छ़ङ कामुचिएदा देत्‍नि आन्‍काओ च़माथाङ्‌मा सेङाङा, साम्‌योक्‍मि खोन्‍कि लाहि मात्‍द़ङ मुवाङा, मो य़ङदा खानानिन खोन्‍कि निनाम्‍हाङ्‌छाङ आन्‍काओ सालुम्‍स़ङ ओ।

१ थेसलोनिकि 5:22

खोन्‍कि झारा अ़अ़त्‍पा य़ङ्‌चिदाङ्‌का अ़थाया युङानिन।